EDDDDIE

引用:

原帖由 kkeeleung 於 23-3-2012 23:08 發表 "四人歸西" 印像中有兩個版本. 牛太-韋以茵係其中之一, 前段係四個師奶打牌. 最後, 三個女人叫住牛太唔好打西, 殊不知佢唔信邪, 打埋隻西, 咁就出事. 三個女人先後死於非命, 到牛太驚到腳震. 唔記起係問米定報夢. 話 ...

 

kkeeleung 兄，你講到話 "畫面最後出現四人陰森笑容" 呢幕我又好似有啲印象喎

 

究竟係我撈亂咗第二啲鬼片情節橋段吖...還是我有睇過呢？已記不起了

EDDDDIE

引用:

原帖由 kkeeleung 於 27-3-2012 17:59 發表 〝幻海奇情"〝夜驚魂"〝迷離夜〞係三個不同年代系列. 而印像中, 有些橋段亦在不同系列中重覆或翻拍. 要弄清亦不易. 而陳欣健試個做其中之一個係列o既主持. 唯一可肯定, 幻海奇情係始於 70年代. 後兩者位80-90年代作 ...

 

我已記不起我睇嗰個有無陳欣健做主持囉，不過應該唔會係 1990 之後，因為我當時不在香港...

 

其實我都差啲唔記得 "迷離夜" 個名，但係就記得首播嗰集好似叫 "迷" 而下一集叫 "離魂" 從而記返起個劇名，當時未做第三集時我仲懶醒同人講第三集個名一定係叫 "夜XX" 或 "XX夜"，而事實證明我是衰咗的   (但第三集嘅名已忘記)

Kal-El

引用:

原帖由 EDDDDIE 於 30-3-2012 15:50 發表   kkeeleung 兄，你講到話 "畫面最後出現四人陰森笑容" 呢幕我又好似有啲印象喎   究竟係我撈亂咗第二啲鬼片情節橋段吖...還是我有睇過呢？已記不起了

 

記憶模糊唔出奇, 因為同一個單元的名稱, 例如四人歸西, 唔同年代的劇種都有翻拍過, 只係主角唔同哂, 劇情內容都係大同小異, 所以唔同人睇到唔同版本, 別人說時又似曾相識, 呢d情況都係好正常

百變小櫻

印象中好似有集係咁....一大班年青男女，係大學迎新會歡迎新生，黃杏秀對住一個男仔，一路講鬼故，一路解散把頭髮，眼神陰森，氣氛詭秘 ，個男仔好驚，嚇到走左......鏡頭一轉，日光大白，黃杏秀和同學一齊，有說有笑，原來他們一早夾定，扮鬼嚇新生，以為成功，嘻哈大笑之際，後尾發現，個男仔一早已死左，原來昨夜全部見鬼，成班人嚇到呆哂。
係幻海奇情?定其它劇集呢?請問有冇餅友記得?

九記

引用:

原帖由 tangyukkuenbob 於 7-3-2011 15:59 發表   甘國亮所演的那集單元劇名是叫"兆", 是意味著不良事件的發生前, 往往都已有不尋常的先兆跡象.   劇集一開始便講述一班青年男女在郊外燒夜烤, 其中王愛明角色向大家說她曾發夢小時候和媽媽一起玩韆 ...

呢一集的確系超驚

cmlwts

引用:

原帖由 abc 於 20-4-2012 13:09 發表 印象中好似有集係咁....一大班年青男女，係大學迎新會歡迎新生，黃杏秀對住一個男仔，一路講鬼故，一路解散把頭髮，眼神陰森，氣氛詭秘 ，個男仔好驚，嚇到走左......鏡頭一轉，日光大白，黃杏秀和同學一齊，有說有笑 ...

記得,係幻海奇情中一集.細細個,又要睇又要驚.

cmlwts

第一輯至第六輯 VCD目錄
(1) 四人歸西,鬼妻,幽靈,誰是兇手,怪遇,錯,報紙,兆,同事,第三身
(2) 死之境界,歸家,先兆,假戲真做,靈魂附身,自殺,鬼咁恨嫁,回魂夜,我返嚟啦,你死我活
(3) 重現,殺夫,樓上的人,8小時,遊戲,長生不老,午夜電話,拆鬼,圓夢,時間之鐘
(4) 凶眼,長窗,房客,名畫,白鴿票,紋身,花瓶,有樓出租,倩影,毒誓
(5) 酒,藍花瓶,母,裁縫,忍,片段,我係鬼,問米,幻海奇情,車禍
(6) 菲林幽魂,心魔,洋娃娃,影 

cmlwts

四人歸西
四個嗜賭師奶搓麻將, 竟全打出四個西─俗稱「四人歸西」的忌諱. 其中三名師奶 (韋以茵、羅蘭、上官玉) 一同遇上車禍身亡, 剩下心慌慌的白茵, 生怕三名師奶會找她歸位.

鬼妻
羅浩楷、程可為、鄭子敦主演，是講羅浩楷被「鬼妻」程可為夾硬帶埋走的故事. 鄭子敦做外父.。

怪遇
是講述吳孟達一段傻傻憨憨的奇怪事，竟然無故獲天賜神靈，可聽穿看穿人對他的嘲笑，最後竟因神靈，協助警方智擒犯毒集團。

錯
是講述周潤發到新界飲喜酒，途中突然發生懷孕妻子心臟出事，生命有危險，千鈞一髮之際，竟然搶走張活游坐駕到九龍，可惜妻子最後要魂歸天國。原來這位張活游，就是主治的醫生。

死之境界
是講述周潤發所住的新界某村村鼠疫而導致全村村民死亡。

時間之鐘
是講述盧大偉長期被同事睇小和欺負，連OFFICE BOY嚴秋華也「恰」他一份，自己暗戀多時的俏麗女秘書，也老闆太子爺搶走，他覺得人生真毫無意義。正心灰意冷之際，在公園撞到一個白鬚公，賜他一個神奇秒表，按一下，世界立即停頓，白鬚公曾警告他，要善用這個秒錶。盧大偉得到這個秒錶，興奮雀躍，立即向欺負他的同事逐一報仇，之後盧大偉雀躍到忘記訓戒， 得意忘形，想去銀行「搶」錢，搶得興奮之餘，竟然跌壞秒錶，搞到世界永遠都停頓.

誓
是講述盧國雄幽會情人劉紅芳，並在泳灘發毒誓，話違反誓言不得好死，點知講完就搞大劉紅芳「有咗」，不過盧國雄 "趙完就鬆" ，搞劉紅芳要跳樓自殺，死在盧國雄座駕，滿車鮮血，變成女鬼。盧國雄從此大禍臨頭，搞到雙腳殘廢，預料不到竟然被忠心好友甘國衛出賣，建築公司被他吞了。 滿以為妻子黃曼凝為他「傳宗接代」，點知原來甘國衛是搞大了黃曼凝的肚，最後的下場，是被劉紅芳這隻「女鬼」監生燒死。

占四谷

引用:

原帖由 cmlwts 於 25-4-2012 10:18 發表 四人歸西四個嗜賭師奶搓麻將, 竟全打出四個西─俗稱「四人歸西」的忌諱. 其中三名師奶 (韋以茵、羅蘭、上官玉) 一同遇上車禍身亡, 剩下心慌慌的白茵, 生怕三名師奶會找她歸位. 鬼妻羅浩楷、程可為、鄭子敦主演，是 ...

 

多謝 cmlwts, 無錯就是這套鬼妻, 由羅浩楷, 鄭子敦做, 在電車上發生!!

糯米磁

各位朋友，我都有的疑问，记得我细路个时都睇过TVB好多鬼故事，『四人龟西』呢的禁经典既我当然记得啦，但有几个鬼故事唔知各位有无印象呢？应该唔系幻海奇情入面的。

『11.00』1100系一个时间，即系晚上十一点，主角系盧海鵬，记得距得到一张古靈精怪既相，相上面有一组1100既数字，最后唔记得系鹏叔定有其他人十一点钟死左。

另一套唔记得系李香琴定罗兰做，讲一个戲班出外表演，其中有人比鬼上身，跟住有人用红筷指夹住比鬼上身既人既中指，就可以同只鬼对话，结局，唔记得晒

『鬼纹身』，记得有八成系湯镇业做既，距手臂纹左一个女人既纹身，个纹身会流眼泪，会变样，结局系呀湯几支笔插向个纹身度就完左。

最系一个系『我要返黎』，主角系江毅，同程思进（好似系距）故事同结局都唔记得，净系记得『我要返黎』呢几个字成日系录音中出现，好恐怖

呢几个故事，我廿几年来都重记得，的片头音乐都好恐怖，到现在都觉得好惊架

tangyukkuenbob

引用:

原帖由 cmlwts 於 25-4-2012 10:11 發表 第一輯至第六輯 VCD目錄(1) 四人歸西,鬼妻,幽靈,誰是兇手,怪遇,錯,報紙,兆,同事,第三身 (2) 死之境界,歸家,先兆,假戲真做,靈魂附身,自殺,鬼咁恨嫁,回魂夜,我返�蟆�,你死我活 (3) 重現,殺夫,樓上的人,8小時, ...

依本人所知，歡樂今宵版幻海奇情是由1976年播到1978年(逢星期三晚播出)，粗略估計應共有近百集單元故事之多。但市面上所售賣的那6輯DVD版加埋都不足一半，即是有多集當年已曾播出過的幻海奇情故事都沒被輯落DVD中。

而我印象中它們的故事也是精采，看看大家仍否再記得它們：

1. 夏雨角色本想在郵票信封處下毒而殺害其工作上敵人，但最後卻錯誤地害死其妻......

2. 夏雨角色曾被相士佬批算將不過到某月某日，因此便看該日如何，最後他卻於該天前一日，在小巴上因遇劫而被殺......

3. 夏雨角色有一晚入屋打劫，卻遇上一盲眼婆婆，他竟下手將之殺人滅口，但警方卻以那被殺盲婆臨終前的盲人字手筆線索，破案拘捕夏雨......

4. 李家鼎民初角色引一班江湖份子，於夜間入一所舊鬼屋探險，原來李卻是從中逐一將他們打死，然後飄然離去......

5. 馮碎帆角色有一次不知何故進入一舊式車轎中，便像時光隊道去到民初時代中，並遇上南紅角色並獲載一戎指，最後再被引入車轎，但竟被車外的軍官們開槍處決擊斃，臨終前還痛苦地將指上血淋淋的戎指除出......

6. (誰兵誰賊)有一名警員正闖入離島郊區中追捕一在逃疑犯，不久後鄧英敏角色潛入一村民屋中求救，當時他被打受傷氣喘並單手扣上一手扣，然後再有一自稱警員出現並聲稱正捉捕鄧疑犯，並將鄧帶走。但鄧的真正身份才是警員，而那冒充警員的才是疑犯，正當那疑犯欲殺受傷的鄧之際，幸好警員們及時出現制止情形，並將該疑犯拘捕。原來關鍵是那冒警疑犯曾借該村民家中電話，而裝作和警方溝通，但原來那是個壞電話，因而揭發事件......

7. 江濤角色有一次發夢遇上交通意外，後來他去算命發覺自己不能去數目1221的地方，否則將會遇凶，於是有一天他應朋友三缺一而前往其家中，他最後竟在其大廈電梯中被劫殺，原來該朋友的屋號是1221......

8. 艾�Y角色夫婦有一家傭，而該家傭卻有隱疾，最後她竟和艾妻交換軀體靈魂，致使艾有一朝早醒來發覺其妻竟變成該家傭並病發死去，而當艾衝出廳外時，竟發覺家傭變成其年輕妻子......

9. 陳儀馨角色一向有外遇，有一天當她從新聞而知悉有一蛋糕師父自首曾在已售出的珍珠餅中下過山埃毒示威，便乘機在其夫(羅國維角色)所買下的珍珠餅中下毒，然後趁羅不知而服下並毒發身亡。陳本想藉此嫁禍予該蛋糕師父，但當盧海鵬的警探角色趕至調查時，便開電視新聞予陳看，那何守信的新聞報導員角色卻報導該蛋糕師父最後承認根本沒曾下過毒，祇想藉虛報而引起大眾媒介對其珍珠餅的關注，陳因而法網難逃......

10. 夏雨角色的妻子狄波拉被報夢說勾魂使者將於第二晚午夜十二時來捉拿她, 她恐慌地叫夏雨當晚全夜陪伴她, 最後有一自稱醫生上門來看狄波拉, 夏雨在不防範之際讓其帶走狄波拉到醫院, 不料後來真正醫生來到, 夏雨才發覺不妙而衝出樓下, 但祇在地上拾起一隻狄波拉掉下的手錶, 而錶上指示時間為十二點......

占四谷

引用:

原帖由 tangyukkuenbob 於 3-3-2013 17:54 發表 依本人所知，歡樂今宵版幻海奇情是由1976年播到1978年(逢星期三晚播出)，粗略估計應共有近百集單元故事之多。但市面上所售賣的那6輯DVD版加埋都不足一半，即是有多集當年已曾播出過的幻海奇情故事都沒被輯落DVD中。 ...

無錯喇無錯喇，就係鄧英敏主演既「誰兵誰賊」，終於有人記得喇！多謝tangyukkuenbob兄，終於搞清楚個故事喇！！

FMfm

遲D可能又被刪. 想睇邊集,快D上youtube翻睇啦~