wellcome

BABY 五期完

最近在網上發現的，一套只有五期。

畫功扎實，有啲似浦沢直樹。

故事有啲似生化危機，不過不失。

最特別其實係作者叫「常勝」係台灣人。

有咁嘅畫功，只要有個好嘅故事， 可以反攻日本啦。

wellcome

山田章博  東方眩暈錄。四期（完）

之前講到上網搵漫畫，就係為咗哩本第四期，

第三期係2008年出版，六年後先出下一期都算經典。

故事係講九尾妖狐由印度到中國再到日本，化身成妖姬玉藻前，迷惑皇帝。

主角鬼王丸為救被妖狐上身的愛人「藻」而展開故事，

最後（第四期）妖狐離開人界，鬼王丸繼續追逐，難尾收場。

山田章博畫功獨特，每版都好似浮世繪一様，非常精美。

建議重未入手嘅餅友，買日文版，

長鴻這套質素簡直係翻版一樣。

bs00001

真係撞鬼，正到呀！

多謝！若重有，就要再介紹啦．．！

wellcome

引用:

原帖由 bs00001 於 26-4-2015 14:15 發表 真係撞鬼，正到呀！多謝！若重有，就要再介紹啦．．！

多謝bs兄欣賞。我都唔係有幾多新書可以分享。

wellcome

宜家唔行信和，都唔知有書出咗。

好似哩本，行晒都只係見一間有買，重得返一本。

睇來實體書店都係唔做得幾耐。

安彥良和  麗島夢譚

又係一本認真你就輸嘅漫畫。

故事係由島原之亂，天草四郎等一班基督徒被殺開始，

當時天草四郎逃難，遇上鄭芝龍之子鄭成功.....

我心諗，唔係掛作到咁大？

註：麗島即係台灣

不過作為Fans主要都係睇畫功同畫面安排，

如果手塚治虫係第一個引入電影感，

安彥良和算係發揮得好好。

畫面充滿動感，網紙、光暗、氣氛營造相當一貫水準。

wellcome

星野之宣  東方奇譚秘聞錄  六期完

宗像教授異考錄  十五期完

還有三本外傳

如果喜歡日本歷史、民族學、怪異故事、神話傳說，

這套以日本民族學為基礎的漫畫是必看之選。

主角宗像教授在考古與追求傳說原貌時，

發現或發生很多不可思議的故事。

由日本古事記到中國孫悟空，至西方白雪公主都有談及。

大綱為追查日本民族起源，

由鐵器的發現、使用，到民族的遷移，

每期以三至四個故事組成，以考古趣味為主。

wellcome

羅冠樵畫西遊記，之前覺得翻得太深色，

一直冇入，

今日經過中華書局，五折入手。

之前已經入咗嘅粉末都市，都係五折。

wellcome

樂田上笑  寺田克也  台灣中文版

2006年出版，估唔到宜家重可以網上訂到。

漫畫係佢96至02 年作品，

可以見到畫家早期粗曠筆法，

有啲Heavy Metal漫畫嘅影子。

對比今日嘅畫作，可以見到成功係除咗天份，

後天努力係不可小。

singingsoul

介紹幾套都係D日本與他國的民間傳奇做故事骨幹咁. 跟我一位網友很相似.

未必一讀沉迷的速食之作, 不過真係別有一番趣味, 兼且畫功上乘.