挪亞方舟好出名,聽到挪亞方舟呢個名,第一時間就會諗到一個好大既船,載左唔同種類既動物去撘船避難
但可能完全冇去細心諗過故事既前因後果,原來當中既驚世故事真係好值得人去細心思巧
之前去左馬灣既挪亞方舟參觀,想去睇下隻大船同埋D動物,睇左兩套短片,令我幾深刻
一套係講地球,有個地球小子好可愛,係4D立體影院,真係好正!好立體,好似就係面前,仲會有風吹、地動(諗起香港迪士尼睇過既立體電影有水花潑出黎),睇得真係幾開心,不過唔好忽略帶出既訊息,內容係講地球污染,人類既污染及破壞造成既影響,我地要珍惜環境,為左我地自己生活既地球,為左地球可以更加長命,我地都要好好愛惜保護
另一套係講挪亞方舟,180度環迴影院,地下會震動,比我地感受一下洪水既威力,但當然只係得個震字,唔會令我地跌倒
睇完之後會令我地更加清楚建造挪亞方舟既前因後果,細節既內容未必可以講得返咁完整,大概既意思係:
點解要起呢隻挪亞方舟,係因為....當時既世界,人已經去到一個極敗壞既時候,到處都充斥住壞風氣,壞思想,惡念,自以為事,自私自利,道德淪亡....等等....人們還不醒覺,已經去到一個無可勉救既地步,再睇唔到有好既景像,即使係再生出黎既下一代亦都只會係一個壞人.....所以上帝要挪亞做一隻大船,因為當時就只有挪亞還是一個忠誠仁義既好人,當挪亞帶同太太及其他動物上船後,天開始降大雨連續共40天,地動山移,天崩地裂,大洪水淹沒大地,並且將所有腐敗既人連同舊世界一切唔好既野全部沖走晒.....世界重生,開始另一個新世界.....
睇完之後真係會諗....好似而家既世界已經開始越黎越唔好,有好多負面影響,再係咁落去唔去醒覺改變.....可能會變得越來越衰....真係可以好似以上所講...世界已經被人類攪成咁..隨著日子年代去繼續擴大,因為人同社會已經變壞,就算係以後再生出黎既下一代都只會係一個壞人,隨著壞思想延續壞風氣...唔通我地真係o係度重演緊呢段毀滅程序?如果再不斷咁壞落去,真係可以去到一個無可勉救既地步,就算可能唔係短時期我地有生之年可以睇到既事...可能唔知幾多年後係最壞....但我地係咪都要為下....唔好擴散到真係到時連一個好人都冇....我地係咪都要去醒覺....反省一下,唔好再做咁多負面既影響....去製造同展開將來既壞世界,唔好只係為左現時自己既開心同利益而唔理惡果,將來仍有將來既世界及下一代既感染
挪亞呢個故事唔知真定假,真又好假又好,最值得人思巧既應該係故事包含既驚世意義,我地做人真係要好好去反思,係咪仲要將壞思想壞風氣繼續延續擴散到最後無可救藥既地步?
