tangyukkuenbob

引用:

原帖由 kidult 於 14-9-2006 21:48 發表 幻海奇情最經典最恐佈都算係呢兩集囉（四人歸西同發哥果套）。我記得有一集係李志忠同盧海鵬做o既，好似叫做"忍"。 有相士忠告李志忠，叫佢凡事要忍，結果李志忠因為忍得住氣而避過一劫，而盧海鵬就做o左佢替死鬼。

該集單元劇名是“忍”，盧海鵬在當中祇是演出一幕道士，而那位所謂替死鬼（即的士司機）則是由另一位不出名的TVB小演員所飾演。

tangyukkuenbob

引用:

原帖由 任因玖 於 17-9-2006 10:59 發表 仲有一套叫"鬼槍"!!!! 陳欣健的我都好有印象 最戇居的水上活動, 就是一個人跌進愛河.

該集單元劇名是“鬼槍”。故事是講述賊人（林文偉角色）於槍殺正捕捉他警員（麥大成角色）後，便搶去其身上佩槍，之後該槍彷似是上了麥之寃魂，借林的手而走火殺其同黨，林於無奈下拋下該槍落海，最後林在慌張下被某一警員開槍擊斃，而不久後該警員去拜祭殉職的麥時，竟在其墓地上發現該鬼槍！

tangyukkuenbob

引用:

原帖由 Athena 於 7-3-2011 16:25 發表 我最記得一個是四人歸西, 另一個是講有個女人被預言死於車禍, 但佢在預言當日點都唔出衝希望避過兇;兆., 最後竟俾佢個仔由二樓掉架玩具車下來扑死��.  

 

首先, "四人歸西"(劉丹, 白茵及上官玉主演)其實並非"幻海奇情"系列, 而是後期(約1983年)的"夜驚魂"系列.

 

至於車禍那集的單元劇名是"報紙", 但主角不是女人而是張武孝(大AL)角色. 故事是講述張發現一未來報紙能預知賽馬結果, 因而他便賭注下發起達來, 但後來他發覺有一則未來報紙說他會遇車禍死亡, 他便心感不安而不敢外出, 但後來他又發覺另一則未來報紙說其兒子成為車禍兇手, 他便立即在家中尋找其幾歲大的幼子, 結果他意外地被正在樓梯樓上高處玩具車的兒子, 從樓梯高處掉下該玩具車落樓下, 扑頭而死!

 

tangyukkuenbob

引用:

原帖由 greenleaves 於 7-11-2008 22:48 發表 　　我都覺得最恐佈就係周潤發演出的那一集。我好記得，當時我是一個人在廳看電視，氣氛實在太恐佈了，我十分害怕，最後連電視也不關掉，就此衝進房，蒙頭大睡。　　有一集是羅浩楷、程可為、鄭子敦做的，講程是太太 ...

 

張英才所演那集的單元劇名是"自殺". 故事一開始便倒鈙張英才角色企在天台端處喊話要跳樓自殺, 不知情的葉尚華角色便上前調解, 誰知反而是葉於和張糾纏間意外失足跌死. 原來事件是另有內情, 張發覺其妻(陳儀馨角色)和葉(他是張所住處之管理員)是有外遇, 於是便設置佈局假企圖自殺, 然後驅引葉前來談判, 在趁糾纏間暗地裡用腳推下葉落樓, 造成意外失足之假象而避過法網.

 

最後於葉之喪禮上, 張把葉所甩下衫鈕拋在其棺木, 意味著張就是憑該衫鈕去証明其乃是陳紅杏出牆之真正對象.......

 

總括來說, 此集於正常情理上似乎是很牽強, 第一, 張於佈局前怎麼能預料葉必會來上前調解哩? 第二, 以警方之一般查案效率而言, 不可能會不發覺當中破綻之處(尤其是糾纏爭扎時).

 

kkeeleung

我印象中部份"夜驚魂"系列, 可能係集合早年"幻海奇情"或其他恐怖驚慄故仔. 而非全部全新拍攝作品. 而有些可能係舊橋翻拍都唔定. 正如係俾阿仔架模型車"撞"頭死一橋. 此橋同樣見於相士預言富商兒子會死於水劫. 縱使富商放走泳池水, 浴缸移走, 小孩足不出户. 小孩仍溺斃於吹氣小水盤內.. 只得兩吋水.

tangyukkuenbob

引用:

原帖由 foureyesfatboy 於 4-5-2007 23:31 發表   葉尚華.....出糧個日收到個信封...買野時全部都係.....舊時D錢. 他回工廠問原因....回到去個工廠滿是塵. 原來D同事都係時裝公仔......最為心寒是他見到自己食個半個飽...

該集單元劇名叫“運”。

占四谷

我都記得大L嗰集, 又記得葉尚華嗰集, 最正都係甘國亮嗰集!

 

我忽然想起有幾集, 但只剩少許印象, 肢離破碎, 睇吓大家可唔可以砌番個完整故事出嚟:

 

1. 好似係羅浩楷做主角, 講佢成日搭電車, 中間唔記得晒, 最後佢都死埋, 同個女鬼結婚一齊坐電車.

 

2. 係講一對有錢夫婦, 家中有一個女的老工人, 好似係話個少奶有D困難, 個女工人話可以同佢解決, 但要佢用一樣野嚟同佢交換, 少奶問要交換d咩, 女工人話係你既青春, 少奶應承, 於是乎件困難事情搞掂左, 一日少爺睡醒嚇了一跳, 旁邊睡著的竟然係一個老太婆, 而走出房後, 有一把女聲叫他少爺, 他一看竟是一個妙齡女子........

 

3. 最難搞係依集, 真係無咩野記得.......淨係記得係鄧英敏做, 成套片好黑, 因成日講夜晚, 套片無清楚地交代他係警察定係賊, 亦係要觀眾思考既地方, 只知佢俾人用手扣扣住响個鐵絲網度, 只記得咁多......

 

睇吓有無餅友可以幫吓手砌番個故仔出嚟啦!!! 

 

maymay

珍珠批
陳立品個孫當大Al係吸血鬼用刀仔挏死大Al
阮兆輝抄psycho果集

重有一集係杜平與神經病女人，好似係溫柳媚

而家都覺得恐怖
甘國亮果套燒o野食講鬼故，好似有張圓圓客串

ultraleo

引用:

原帖由 akaichoi 於 7-3-2008 17:58 發表   我記得係牛生接走佢.......     邊個牛生??1982果個  

係唔係叫焦雄?

占四谷

引用:

原帖由 占四谷 於 21-3-2011 15:51 發表 我都記得大L嗰集, 又記得葉尚華嗰集, 最正都係甘國亮嗰集!   我忽然想起有幾集, 但只剩少許印象, 肢離破碎, 睇吓大家可唔可以砌番個完整故事出嚟:   1. 好似係羅浩楷做 ...

 

補充一吓第1套：

羅浩楷嗰套，應該仲有一個演員係鄭子[噸]!

Kal-El

我記得有一集係叫"四人歸西", 4個人打麻雀, 都打出一隻西, 所以4個人都死哂

EDDDDIE

四人歸西嘅名成日聽，但真係記唔起有無睇過；不過無睇過都唔出奇，當時家中長輩都唔俾幼小的我睇呢啲恐怖片 (可能係佢哋驚 )

 

不過後來大個啲又確實曾經响歡樂今宵時段睇過套恐怖單元喎，名稱好似叫〝迷離夜〞之類嘅，但係唔知啱唔啱，因為記憶極零碎 ......有無餅友前輩們指正以解我心中疑團 ？

Kal-El

引用:

原帖由 EDDDDIE 於 23-3-2012 14:31 發表 四人歸西嘅名成日聽，但真係記唔起有無睇過；不過無睇過都唔出奇，當時家中長輩都唔俾幼小的我睇呢啲恐怖片 (可能係佢哋驚 )   不過後來大個啲又確實曾經响歡樂今宵時段睇過套 ...

 

迷離夜都係歡樂今宵單元, 與幻海奇情都係同類作品, 以前已經好鐘意睇

kkeeleung

引用:

原帖由 EDDDDIE 於 23-3-2012 14:31 發表 四人歸西嘅名成日聽，但真係記唔起有無睇過；不過無睇過都唔出奇，當時家中長輩都唔俾幼小的我睇呢啲恐怖片 (可能係佢哋驚 )   不過後來大個啲又確實曾經响歡樂今宵時段睇過套 ...

"四人歸西" 印像中有兩個版本. 牛太-韋以茵係其中之一, 前段係四個師奶打牌. 最後, 三個女人叫住牛太唔好打西, 殊不知佢唔信邪, 打埋隻西, 咁就出事. 三個女人先後死於非命, 到牛太驚到腳震. 唔記起係問米定報夢. 話某日12時之後就大步檻過. 牛太左閃右避. 足不出户,  等到最後一日夜晚. 麻雀脚三缺一急call. 牛太諗住過咗12點就無嘢, 俾麻雀蟲咬到睇完"最後新聞". 再等埋收音機嘟嘟.... 滿心歡喜出外打通宵.  老公(好似係牛生-焦雄)返屋企. 見老婆外出, 聽收音才知未過午夜, 心知不妙, 老公往外查探, 但係老婆出門口冇耐就出事一命嗚呼了. 應了四人歸西一話. 畫面最後閃出四人陰深笑容.

虎榮

引用:

原帖由 kkeeleung 於 23-3-2012 23:08 發表 "四人歸西" 印像中有兩個版本. 牛太-韋以茵係其中之一, 前段係四個師奶打牌. 最後, 三個女人叫住牛太唔好打西, 殊不知佢唔信邪, 打埋隻西, 咁就出事. 三個女人先後死於非命, 到牛太驚到腳震. 唔記起係問米定報夢. 話 ...

 

 

系? 我淨系睇過劉丹同白茵果輯渣!

kkeeleung

引用:

原帖由 虎榮 於 26-3-2012 15:18 發表     系? 我淨系睇過劉丹同白茵果輯渣!

坦白. 講講吓會唔會我個版本係"幼覺"呢? .... .... 但係韋以茵做師奶角飾真係好神似呢!

EDDDDIE

引用:

原帖由 Kal-El 於 23-3-2012 17:51 發表   迷離夜都係歡樂今宵單元, 與幻海奇情都係同類作品, 以前已經好鐘意睇

 

多謝 Kal-El 兄證實 ...咁睇嚟我即係無睇過〝幻海奇情〞和〝夜驚魂〞而只睇過〝迷離夜〞了

Kal-El

引用:

原帖由 EDDDDIE 於 27-3-2012 16:10 發表   多謝 Kal-El 兄證實 ...咁睇嚟我即係無睇過〝幻海奇情〞和〝夜驚魂〞而只睇過〝迷離夜〞了

 

你咁講我真係有d唔係幾好意思, 人的記憶係唔可靠的, 咁多年, 我都有可能會記錯, 最好多幾個人證實就好

kkeeleung

〝幻海奇情"〝夜驚魂"〝迷離夜〞係三個不同年代系列. 而印像中, 有些橋段亦在不同系列中重覆或翻拍. 要弄清亦不易.

而陳欣健試個做其中之一個係列o既主持. 唯一可肯定, 幻海奇情係始於 70年代. 後兩者位80-90年代作品. 2000年初, 還有異靈靈異系列.

之後電視台已少有這些作品. 最記得係; "本故事純屬虛構, 如有雷同實屬慘情"結尾字句.

frankie

呢類講鬼嘅戲 , 不論長戲或單元 , 一直都唔多 ,
呢十年好似冇tim...

依家睇電視都係老人家多 , 更加少呢類劇