singingsoul

引用:

原帖由 inabottle 於 27-5-2009 00:30 發表   時光倒流喇 ~    有排睇啦   超級星光大道 第一季  給參加者既建議...(08:37~ )  http://www.youtube.com/watch?v=mkvD3fKZfbI&NR=1  ........... 不論你站上去只 ...

最近才在華娛衛視追看星光三班﹐現在進入後段。越看得多這節目越覺得唱歌真的不容易。
三班始終以女的比較強。
華娛ＣＵＴ得很衰﹐廣告後會重覆前段很多﹐又ＣＵＴ了很多精彩片段。唯有到網上找回來看﹐但一走到網上﹐就會看到很多後面的演唱和結果等﹐追看時就少了緊張。（其實全世界都知道結果﹗）

幾年前我都有在電視上追那些重播的超級女聲﹐周筆暢﹐李宇春﹐張靚穎那屆。

singingsoul

大家都係想抄全球的歌唱比賽﹐認真評判真人騷潮流。

我係非常喜歡看台灣的星光大道的﹐參賽者水準高﹐評判個個真的是音樂演出與製作﹐或者演藝製作的老鳥﹐認真講評但不失趣味與輕鬆時刻。

但亞視那個用劉以達做評判﹐以為係殘酷一叮用嘻笑態度講評﹐學台灣加個形像師﹐時裝設計師類似的人Walter Ma做﹐但完全冇影。兼首晚前３﹐４位參賽者水準已經夠嚇怕我﹐又俾佢地唱完全首﹐我放棄了。吃飯途中來的﹐不如轉台番去看醫生與美女美食。

無線那個參賽者水準真的高很多﹐聽的舒服。劉美君未必好曾寶儀很多﹐但至少不用看多餘的林曉峰。評判明顯年輕化﹐雖然是音樂人﹐講評尚算言之有物﹐但還是不夠說服力﹐尤其古巨基﹐廢話連篇以為自己搞到氣氛。

兩邊都犯觀眾未跟參賽者建立感情就播甚麼他們的心聲片段﹐大佬﹐跟了幾個月有感情就話聽下你講野0者﹐現在是第一集不知你阿水啊。遲幾集先拍呢Ｄ啦。完全唔知人家台灣的成功方程式﹐捉錯晒。

singingsoul

剛剛上一集﹐即係8月23日播的﹐我覺得差不多全部表現都好正﹐整體歌唱能力不差過台灣星光多少了。當然跟人家10名內那些平均還差丁點點。

只是無線對待自己這節目的態度﹐做法等令到個節目好二線﹐三線。又要唔執輸去抄﹐但又不太重視。令人摸不著頭腦。

提提劉美君不要太多‘傻豬０黎架﹐唔好咁’啦﹐唔係唔講得﹐但唔好集集狂講啦。成個社會風氣都係少少野就喊﹐歌手拿豬肉獎都會喊﹐根本冇感染力。同你Ｄ參賽者都未熟﹐你就喊﹐兩毛錢煽情﹐邊好睇?台灣星光有鋪排建立參賽者與觀眾的感情﹐最後流淚也感覺自然。

評判陣呢......趙增熹﹐王宛之﹐Eric Kwok﹐藍奕邦都是稱職的。梁漢文礙於天份﹐說話始終係悶不過說話評語都自然。側田近來都言之有物。呂方冇咩專業意見聽到﹐古巨基是最討厭的﹐造作﹐言之無物﹐根本批唔到咩﹐是太體諒歌手還是甚麼我不知道﹐總之那麼多個評判最衰係古巨基。謝安琪那次我沒有看詳細。

singingsoul

14歲女孩和官恩娜當晚真係冇得傾﹐好正。
泳兒是出乎意料的難聽﹔真的很意外。
陳潔靈和雷頌德的評語都很到﹐夠實在。藍奕邦反而有時都係講得有Ｄ虛無。
這節目幾集下來都真的好看了很多。

singingsoul

引用:

原帖由 inabottle 於 5-10-2009 00:53 發表 已沒有追看超級巨聲的熱情了...是否真的一心不能二用?!...樽心呢排只容藏個星光五 ...網上有評(只屬網上一部份看法)星光一仍是最好看的, 而星光五比前二/三/四都好看, 唱功比超級巨聲好聽 ...無啦啦來比超級巨聲???. ...

星光五在ＹＯＵＴＵＢＥ看的嗎﹖
我在週六追華娛台﹐很慢的﹐剛看完三。四開始了兩星期。
ＣＵＴ得非常勁的﹐有時好冇癮。

很多人認為星光一好看﹐是因為楊與蕭傳頌一時的超級高水準ＰＫ賽吧﹖我真係經常ＹＯＵＴＵＢＥ翻看的。

超級巨聲我覺得水準都叫幾好啦。偶爾頂不順美女廚房轉台看亞洲星光大道﹐真係差好多好多﹐極差都還是就住就住評‘勝在自然﹐進步好多’。真係你睇埋我個份。

singingsoul

引用:

原帖由 inabottle 於 5-10-2009 21:19 發表 歌唱魂有無target先? 無target既話由頭睇到尾真不易為 ~ 唔係首首參賽歌都好聽/講評有睇頭/創意/笑點...

樽指的target是甚麼呀﹖
我很喜歡看音樂人認真給予評語的。星光的評審真係好有心有力的。黃小琥﹐黃韻玲﹐小胖﹐有時見彭佳慧等﹐對歌唱∕表演的見解我真的好有興趣聽。張宇反而好似負責講笑多點﹐不過當然不是一味搞笑。

singingsoul

引用:

原帖由 999 於 5-10-2009 16:22 發表 會看到的,近幾星期upload很快,一二個小時便有人上傳了, 今星期五是Live總決賽,網上應有直播 星光三是徐佳瑩的那一屆,e神做嘉賓? 所謂貴有貴賣,平有平做,睇評判下評語都幾有娛樂性

係呀﹐星光三係徐佳瑩冠軍那屆。畢業禮陳奕迅做嘉賓。
徐佳瑩唱作俱佳充滿自信與風格﹐抵贏。
林芯儀把聲好尖﹐我唔覺好聽﹐係有氣有技巧囉。
黎礎寧唱歌好專業歌手的風範﹐可惜早早了結自己生命。
簡鳳君聲線一流﹐但自信太不足﹐樣不太有觀眾緣﹐好似賽後都沒有出片或娛樂圈發展﹖
星光四我多手在網上看過晒最後階段前幾名結果﹐有點影響現在觀看的感覺。

singingsoul

引用:

原帖由 999 於 6-10-2009 13:32 發表 樽的target好明顯!

能解解畫嗎﹖(啊﹐找到了﹐應該是說其中一位參賽者)

singingsoul

昨晚重點是聽羅敏莊﹐哈哈。

singingsoul

引用:

原帖由 Delight986 於 28-12-2009 11:02 發表 以前香港2台:人間定格-胡諾言,杜雯惠 羅敏莊~都成日任嘉賓上電台唱~架啦! 加上羅敏莊登台經驗~! 今年Ella同羅敏莊好似再受考驗...Sure win~!        

無線多幾多人睇係重點。
尤其是超級巨聲現在真係比開頭多好多人睇。
收音機節目係幾多人顯身手﹐以前區瑞強個節目（唔知宜家重有冇）﹐每次唔同嘉賓﹐羅敏莊﹐阮兆祥上去即場唱﹐好正啦。

主流市場唔到羅敏莊玩啦﹐反正香港主流樂壇都差不多冇左﹐除非她上位到大中華圈啦﹐但可能性低到可說係冇。實力一路都有﹐以前挑戰者首歌一出都覺得係勁﹐緊接黎瑞恩果系。

專心錄發燒碟﹐都有一片天啦。她與趙學宜我都很ＢＵＹ﹐但我又不喜歡聽她們那些發燒碟編曲。

不過回心一想﹐如果王宛之都可以出主流碟開演唱會﹐其實趙﹐羅點解冇公司做番﹖中中地女但樣子仍夠看（其實二人都比王漂亮啦）﹐唱絕不成問題。

講來講去﹐會回歸翻翻版∕下載問題。講了等如冇講。

singingsoul

引用:

原帖由 超人兄弟 於 29-12-2009 00:36 發表 再受注目就真~!

好想ＥＬＬＡ再上去﹗
個節目做到現在﹐評審團水準穩定又夠料。
參賽者個個水準上乘﹐開始可以玩多Ｄ名人踢館﹐讓例如羅敏莊這類主流市場遺忘但其實實力堅厚的前輩表演一番﹐成個節目都好看起來。

香港組我覺得小妹妹何紫慧真係超勁﹐好在其實好多個都越來越好﹐唔係真係會輸晒俾那些內地﹐台灣等外地新加入。

singingsoul

引用:

原帖由 inabottle 於 22-3-2010 22:47 發表   主辦單位仍源用第一屆模式搞第二屆的話 , 變既唯有係參加者自己選廣東話歌參賽 ~

看了第一集, 有幾個香港女仔幾好. 評判俾特高分一個澳洲回流男仔, 一個FANS王, 唔知咩好wor.
暫時最喜歡那個夾band多唱rock的女孩.

關於歌曲語言......廣東歌賺錢能力不比當年, 香港發到圍的歌手都係唱國語歌紅埋大陸, 台灣, 星馬你先感受到他算巨星歌手 (我又不厭其煩列舉對比: 陳奕迅 O VS 李克勤 X). 所以我覺得要歌唱比賽規定廣東歌冇咩可能了. 事實上參賽者都係好多唱英文, 國語. 有洋女子反而唱孫燕姿國語歌呢.