多年前拍緊拖同女友在銅鑼灣翡翠戲院買票睇2:30分，當時俾左HK$500大鈔售票員，佢即時放入櫃筒(按守則佢應該先數數收來鈔票然後放在檯面直至整個交易完畢為止)，慢吞吞咁劃票之後找回幾十元；我說還有HK$400呢？他回說我只係俾左HK$100買兩張票；於是大家嘈起上黎。後來售票員叫我先入去睇戲，等佢開場後埋數發覺多左$400便俾返我，我女友怕事叫我地先入場睇戲。入場後與帶位員提起這件事，佢話開場後售票員落左更佢睬你都有味喇，勸我立刻出去交涉攞返。於是我出去搵經理解決，我說我記得鈔票號碼(其實係大佢)，我現在要報警，最後佢終於俾返HK$400我。
為保障自已利益，買票最好
1) 以信用卡(可惜當時唔興)
2) 準備十足錢銀(避免找續)
3) 心中暗記鈔票號碼(如只有大鈔的話)
