引用:
原帖由 NoName 於 20-12-2011 15:00 發表 
一般人都覺得張曼玉比楊雪儀靚和機靈，自然較受觀眾歡迎。之後兩人的星運殊途亦是合理。 大多數港姐冠軍都星運麻麻。也許是因為要一個較端壯，高大和學歷較好的代表香港到外面比賽，所以樣貌要求 ...
引用:
原帖由 abc 於 22-12-2011 09:06 發表 作家亦舒話自己，閱靚女無數，女人睇女人，諸多挑剔，好少讚人，唯獨對張曼玉，高度讚賞，話她有氣質，演活電影玫瑰的故事，女角黃玫瑰、流金歲月蔣南孫，又有可愛兔仔牙，是精靈兔寶寶。
其實評選港姐冠軍, 當中有好多橋妙o既地方, 首先通常最靚果d又或者被認為可以食娛樂圈呢行飯的, 好少會系冠軍, 多數頂多系五強或者三甲, 呢樣系因為冠軍要履行相當多職務, 好似定時定候扶六叔出席台慶亮燈等儀式咁
, 所以要保持形像, 咁樣即系叫自己班導演一年內都唔好揾佢演戲, 費時失時, 但系阿二, 阿三或者五強就無呢d包袱, 可以儘快起用, 所以當年郭可盈同范亦敏果屆, 大家都好奇怪佢地只入五強, 三甲都無就系咁原因! 另外大家有冇發現過往最上鏡小姐同冠軍好似經常唔同人, 唔系同一人, 而且多數系阿二! 以上種種現象,主要原因系出在評判團!
以往最上鏡小姐唔同最大路小姐(即冠軍), d評判團是不同的, 通常都是由專業人士, 好似model公司或攝影師組成的團隊選出, 他們用比較單一標準, 即系上唔上鏡, 靚唔靚, 有冇台型等黎選最上鏡小姐, 所以當選人通常好有艷光, 但系香港小姐要智慧美貌並重麻, 代表香港wor, 要端莊大方好d, 個樣似邪牌就唔好啦, 所以最上鏡小姐評判選出黎的人, 未必合乎冠軍評審團的標準, 好多時唔會系同一人, 當年李美鳳果屆的結果就完全系咁解構, 一見宣傳片, 我就貼楊寶玲攞冠軍, 李美鳳得第二, 邱淑貞第三, 後來邱因整容事件退出, 我就估林穎嫻得第三, 結果全中! 
至於李嘉欣果屆, 陳淑蘭得最上鏡相信系專業團眼光的關系, 當時陳的性格不像今天, 開心爽朗好多, 討人歡喜, 而且佢當時好似系香港名模天后Grace Yu的學生, 台型走位同專業評判團中的人脈都佔優.
不過選冠軍又是另一回事, 為確保選出來的冠軍除左靚, 重要大方得體, 無記經數年試驗, 其實已找到一條冠軍評判團的組成公式, 即黃金比例, 為確保當選人有一d靚o既質素, 評判團入面一定起碼會有二個不同年齡組別的男性名流或專業人士, 正是閱女無數, 用在今朝是也, 為防他們專選小三類形入圍, 無記亦同時引入起碼二名不同年齡組別的名媛溝淡, 需知女人判審女人最挑掦, 最後主席評審一定會系社會上德高望重之人, 而者多數是男性來的, 咁樣得出來的結果多數都好穏陣! 當然凡事有例外啦, 有一屆結果就出左事啦!
講開張曼玉及鐘楚紅主演的流金歲月, 我忽然記起小鳳姐當年看此片時感觸落淚的新聞!唉! 
