前兩年推出既叮噹名場面景品, 只有最好睇既"大雄的恐龍"能夠以大電影身份入圍. 我睇舞台劇睇到呢幕既時候感動到想喊, 1995年香港版舞台劇係搵番第一代叮噹配音員, 佢地仲唱埋歌, 真係經典到極點! (其他名場面景品有, "大雄初遇叮噹"同"大雄與婆婆"等)
配音員名單
叮噹 = 林保全先生 (洪金寶, 高達李阿寶)
大雄 = 曾慶玉小姐 (剛過身的盧素娟小姐是第2代大雄, 唔好搞錯呀)
靜宜 = 梁少霞小姐
阿福 = 袁淑珍小姐
技安 = 張綿江先生 (有一幕技安以Pop star經典造型唱歌, 仲走左落台同觀眾握手, 我仲同佢影左幅相添!)
我對叮噹大電影之觀感
我由細過睇兒童樂園己經成為叮噹迷, 我仲有買香港海風出版社出版既第一本叮噹漫畫. (但係第6集先有叮噹初出場果集, 冇厘頭....)
我都睇過好多叮噹大電影, 但係除左第一套"大雄的恐龍"之外, 我覺得冇套好睇. 最後一套我有睇既係"大雄之日本誕生" (1990), 之後我同自己講呢套係我最後一套叮噹大電影. 我儲開海豹叢書出既叮噹大電影漫畫亦比我成套掉左落垃圾桶.
不過聽人講近幾年因為日本方面都越黎越唔受歡迎, 所以制作公司開始加一D名場面攝落大電影片頭. 例如叮噹的誕生同大雄的結婚等去吸引觀眾. 當去到咁既情形, 睇黎叮噹大電影都應該就收檔.
今年暑假我同我外甥傑傑(10歲)睇完反斗車王, 去麥記食野, 我問佢:"你最鐘意咩野卡通人物?"
佢答:"多啦A夢". 我答佢 : "黎緊有套多啦A夢大電影上影, 你想唔想睇? 我同你去睇呀! "
我唸住如果佢答想, 我就破戒同佢睇番套啦.......點知佢答......
"多啦A夢係D短篇好睇, 大電影唔好睇架!"
外甥多似舅, 傑傑真係醒!
今年日本既叮噹大電影, 竟然用CG番拍最好睇既大雄的恐龍.....真係江朗才盡到咁?
[
本帖最後由 杜劍龍 於 12-11-2006 11:13 編輯 ]
