【傳李中浩已離世】潛水意外身亡定做保險？ 洪羅拔：十年前同佢飲過茶
坊間一直傳李中浩早年潛水時因意外已不幸離世，亦有網傳他早於八十年後期為情自殺身亡；但亦有傳聞指李中浩轉行做保險，眾說紛紜。
對於外界一直傳李中浩已死，《蘋果》向與之相交多年的洪羅拔求證，他稱：「冇聽聞，但好耐冇見佢。對上一次大約十年前同佢飲過茶，李中浩好似係去咗上海定居。」換言之八十年代後期自殺之傳聞已不攻自破。
講到網上指李中浩做過保險，洪羅拔話：「呢個講法啱，話李中浩係做過保險�H！」但就不清楚對方近況。
由於當年梅姐曾經李中浩合唱《邁向新一天》，故再向阿梅的前國際歌迷會會長蘇小姐求證，她稱也曾聽聞李中浩死訊：「我自己就唔太清楚，但都聽過這消息，都係好耐之前�H事。」黎小田就指：「已經好耐冇聯絡，亦都冇聽聞過呢件事。」麥潔文亦表示未有聽聞。
《華僑日報》於1986年2月26日報道，李中浩回應楊楚瀅死訊，他表示會去拜祭對方。（香港公共圖書館多媒體資訊系統截圖）
