來源：on.cc, on.cc, 更新日期：2010年4月1日
狄娜入院前專訪心安兒子有伴
狄娜對抗病魔十載，一直抱樂觀積極態度。
傳奇女子狄娜飽受癌症煎熬，月前狄娜接受本報獨家專訪，親述病況，並表示「兒子」馬天如悉心照料令她大為感動。
狄娜傳因患子宮癌而多次進出醫院，大批記者昨日到養和醫院守候，但未見其變性兒子馬天如出現。據知，因醫院常有記者駐守，馬天如不便探訪，但親友則照常到醫院探病。
本報約一星期前曾致電狄娜，但電話已由其親屬接聽，對方透露狄娜有手術後遺症：「佢依家入院休養緊，精神唔太好，知道你係佢老朋友就坦白講，佢之前做過大手術，依家有後遺症，消化系統靠藥物調理。（近況點？）OK啦！早前陳志雲打過o黎，佢當時精神好好，佢o地傾o左十幾分鐘。」
兒子憂心「係咁喊」
月前狄娜仍然狀態不錯，當時她接受本報獨家電話訪問，親自講述抗病辛酸史，以及有如出入鬼門關的手術過程：「醫生（當日）診斷我腸發炎而再開刀，我覺得唔係咁o岩，令到我情況一度好危險，最後o個次手術好似o係鬼門關走出o黎咁！個仔好擔心，我o係當時咁危險o既情況下同佢講：『有乜都放心，生活要開心！』個仔係咁喊，叫醫生一定要救番我。」狄娜視「兒子」如好友，並與他的女友相處融洽：「我同個仔住樓上樓下，雖然咁親，但都想各自有私人空間，咁樣住就可以方便照顧，而我又可以休養。個仔o既女朋友好乖、好純，佢同個仔一樣都叫我做媽咪，三個人相處得好舒服，好似朋友咁！」
狄娜受訪時又透露，因病而消瘦20磅，並以服食中藥調理：「我食哥哥開o既中藥調理身體，平時都會食得好清，我鍾意飲魚湯，搵工人煲畀我。」自00年患上腦瘤，狄娜一直與病魔搏鬥10載，她抱堅強樂觀的心態，著親友不用憂心，並笑說：「我瘦o左好多，但好多朋友想探我，我都話有乜好探，搞到我好似個阿婆咁！」
助手指未能排便
上月中入院至今，狄娜一直未有露面，自訪問後亦未有再親自接聽本報記者電話，病況全由身邊人交代，精神狀態的確令人憂慮。昨午本報向狄娜的助手詢問有關消息，她透過電話表示狄娜不能排便：「因為佢食好少o野，o的腸唔郁，去唔到廁所，要食藥幫手。」但她強調狄娜的問題不大，只因有完善的醫療儀器及醫護人員照顧，她才一直在醫院休養。
