各位old cake，見到咁多舊照片好感動呀。細個住葵涌，有好多地方值得我懷念，有無葵涌一帶，包括葵芳、葵興、葵盛、葵涌邨一帶圖片？
細個記得在屋邨，d細佬為左賺零用錢，會自己想家中的公仔書，或者在垃圾房拾到的，放落個生果箱，或者入落膠袋，就在空地擺檔，當時二手書價是幾豪一本，我記得自己80年代初時執個小流氓，好似係83期銅鐵雙狼(王降龍做封面)，仲有99期，都係一元幾角買賣，之後記得賣過一大堆醉拳，都係在走廊拾回來，賣出去，賺了筆意外之財，拿來食碗仔翅同「潛」「砲虎」，好過癮。
之後又去葵涌邨買公仔書，記得係街邊買到本59期，一直放在家中至今。不知不覺，又20多年了。
到大個了，才知牛頭角、慈雲山一帶原來有更多的租書店、二手書店，住在那些大屋邨的朋友真是有福了。大家可以分享下？
大家講多d 呀！
