‹‹ 上一主題 | 下一主題 ››
發新話題
打印

黃興桂

任因玖

玖叔

超級版主

Rank: 8Rank: 8
1# 大 中 小 發表於 25-10-2007 12:38  顯示全部帖子

黃興桂

  • (列斯聯領先二比一的時候）領先緊一球就梗係同你死守，守住個勝果……（到了紐卡素扳平二比二時）嗱，呢個就係打死守嘅後果。
  • 「O」雲仔
  • 「O」雲仔一心自己去，一定㗎啦……英倫三島的前鋒係唔會交波架……
  • 浪射
  • ESPN–「超級星期天」變「和和星期天」
  • Free......dle（註︰要拉長尾音）
  • Let's go, rock and roll! [1]
  • playboy、艾歷臣，不過佢係奉旨嘅。
  • xx 球員，今日生日嘞。
  • xx龍門又再一次勇救險球。
  • 一個好嘅守門員可以令到場波由輸變和，由和變贏。
  • 亨利十二碼都唔入，三十碼又點會入呀？
  • 今日藍色波襪踢得好過白色波襪。
  • 伯明罕同埋保頓，兩隊波都係「Ｂ」字頭。
  • 你咁都救到……今日重唔係大威嘅日子？（按：結果係比舒拉保娃破發球局）
  • 佢嘅全名係冼拿馬•邦高利，如果是但叫冼拿馬或者邦高利就係唔啱嘅，你有無人叫歐陽做阿歐架？歐陽就歐陽，司徒就司徒架嘛，佢就係咁樣樣嘞，冼拿馬•邦高利，冼拿馬•邦高利，如果我今晚叫到你全名六次，我就請你食宵夜。
  • 係今場波邊隊能夠入一粒先，嗰隊就會有優勢。
  • 保定保定，保住就定。
  • 保方保方，保住後方。
  • 個防守球員回波比龍門回得唔好，不過唔緊要，佢地好friend㗎，唔會鬧佢㗎。
  • 做前鋒最緊要有力。
  • 識轉身既前鋒好值錢。
  • 做唔成英雄，就做罪魁。
  • 入到禁區就係皇帝。
  • 利物浦對車仔：球場上一係藍衫，一係紅衫。
  • 利物浦球迷唱緊佢地嘅會歌：你永遠唔會一個人行路 (You'll Never Walk Alone)。
  • 利物浦嘅巴路士同列斯聯嘅巴基.....兩個都係姓巴........ （英文名呀大佬）
  • 加利仔有三個缺點：第一，無速度；第二，跑得慢；第三，唔夠快呀！
  • 十一個人、廿二……（諗咗好耐）對腳。
  • 十二碼吱射中間：「落洞西」
  • 十二碼有兩個可能性，一係入，一係唔入。
  • 又快又怪，又帶個波出界。
  • 只要你射得中，咁你就有機會入嘞。
  • 呢位球員打法好經濟。
  • 呢個新美少女 (舒拉寶娃) 真係好後生呀，重有啲青春豆㖭呀。
  • 呢個球員打得好職業化。
  • 呢個罰波係喺右路偏左嘅位置。
  • 呢啲波重唔生日？
  • 呢啲老鬼，食鹽多過你食米。
  • 呢場比賽我只可以用「一個字」嚟形容：精彩。（按：明明兩個字……）
  • 呢場波利物浦唔理贏幾多球，總之一定要贏。
  • 呢場波可能係英倫三島兩個最佳左後衛既對決（按：阿仙奴 vs 列斯聯 --艾殊利高爾 vs 夏迪）
  • 呢場波勝負都唔緊要, 最緊要係唔好輸。
  • 呢球波，如果冇龍門就入嗱。
  • 呢球波「O」雲仔好巧妙咁編 (騙) 過對手！
  • 呢球波一係入，一係龍門救到，一係出界。
  • 呢球波係咪真係紅軍嘅利物浦出界㗎？好似擦到藍軍球員嘅波襪㗎喎。
  • 呢球波入得妙到毫顛。
  • 呢球波史高斯好有機會入波，但係無機會起腳……
  • 呢球波射得恰到好處，唔太高，唔太矮，唔太勁又唔太遠，總之就入啦。
  • 呢球波拉得咁恆，唔係用腳背，係用腳嘅肉心呀。
  • 呢球波唔駛我講啦，球迷們自己識睇啦！」，
  • 呢球波碧咸傳得好靚架，不過前面攞唔到咋嘛。
  • 呢球罰波，有角度，有力度（異常肉緊）。
  • 呢隊波好有性格。
  • 哈哈，龍門最好嘅朋友係邊個呀？咪係龍門柱囉。
  • 哈素賓基個名咁長，個 shoulder 冇返咁橫都印唔哂個名。
  • 唔中框就等於無機會。
  • 唔會畀牌，英倫三島既球證唔會咁易畀牌……真係比喎……球證太過嚴嘞！
  • 嗱，傑仔！呢啲咪就係好波囉。
  • 嗱，呢啲就係世界一級既前鋒喇！
  • 嗱……做防守球員最緊要係咩呀？咪「安全第一囉」。
  • 嘩！睇呢場波就興奮過食興奮劑。
  • 在傷口上加鹽。
  • 場波已經擺左落雪櫃啦……牛油同咖喱就硬曬，啫喱就瓊曬，啲蛋就凍曬，啲燈就熄曬，南韓就贏曬……但係場波仲要講落去。（按：梗係啦！仲有成十幾分鐘)
  • 大威今日開波好好，命中率過八成……（豈料球立刻中網側）有時講波佬真係好邪，會讚壞個球員。
  • 大家都係巴西腳，所以知你想點去㗎啦。
  • 大腳噹上
  • 奧尼爾開心到跳起，跳得高過 NBA 果個奧尼爾。
  • 好彩好過好運。
  • 好急勁嘅罰波。
  • 好嘅前鋒就係要化「銀機會」為「黃金機會」。
  • 好波不妨一睇再睇。
  • 好運緊要過好波。
  • 威廉斯姐妹，實力嘅表現，扭轉左成個女子網球壇。
  • 射波最緊要射中個龍門。
  • 射罰波……唔中框就等於幫對手解圍。
  • 屋漏兼逢日雪（按：04-05季度足總盃車仔輸比紐卡素，個球場落住雪）
  • 巴路士，淨係識得一味去，冇諗過交俾身邊既隊友。
  • 希斯基，實力嘅表現！
  • 幾時都話，後防好緊要，紐卡素就差係呢度。（按：利記對紐卡素重覆了大約十次）
  • 後生、有身材，有活力。（唔係講緊女丫）
  • 愛華頓呢隊波蔗渣嘅價錢，但係踢出燒鵝嘅味道。
  • 所以話，現代既足球每隊波一定要有一個罰波專家。
  • 打波嘅野有時要睇餸食飯。
  • 托度咁好波，啲前鋒邊夠膽射佢呀？
  • 新特「能」(Sunderland)
  • 施根呢啲咁嘅單蹄馬，我係領隊就唔用佢啦！（彭錦全：雲加而家咪出咗佢囉）
  • 有時呢啲嘢真係時也命也喇。
  • 本死無大害。
  • 柏金呢隻老馬就好似星期三晚夜馬隻駿先鋒咁，追極都追唔到呀！
  • 梅度梅度，梅開二度，跟住加多句「林伯特差啲入多球，變埋梅度」。
  • 條防線包得無深度，裝越位失敗，咁咪失波咯。
  • 每隊波都要入「燕梳」嘅第二球。
  • 沙華治係中場殺手，唔係情場殺手。
  • 波係圓，係用嚟踢嘅。
  • 波唔使講架，球迷自己識睇。
  • 無語問草地。（按：某場溫布頓，個波彈草地之後倒西，然後……）
  • 無論喺邊個時刻邊個時辰，英超嘅每一隊波都會有表現嘅。
  • 現代足球最緊要攻守兼備。
  • 球迷們，足球就是這樣的。
  • 球迷們有福喇！
  • 當一隊波進攻既時候，另一隊就需要去防守。
  • 當打、有態，有身材。（都唔係講緊女丫）
  • 睇 Jordan ，有今生，冇來世。
  • 睇下巴布爾幾大力呀，條頸幾粗呀！
  • 睇下隊波肯唔肯打啲藍領足球！
  • 睇波呢家野，睇得波多咪睇到多啲好波囉！
  • 碧咸係得一隻右腳既球員。（按：乜有人有兩隻右腳咩？）
  • 罰波。
  • 舒拉保娃由西伯利亞送個波過嚟畀你，你重有得打……（按：舒拉保娃在西伯利亞出世）
  • 藍色衫打得好過紅色衫。
  • 裝越位根本就係好愚蠢，呢啲懶惰同慳水慳力足球呢，走甩一次就會鑄成大錯。
  • 防守「生」波
  • 防守球員犯左腦筋上既錯誤 (mental error)。
  • 阿仙奴開波幾分鐘就入波，好打好多。（被追和後）我都話，太早入波未必好架，因為有大把時間畀人追。
  • 阿全！正所謂講波容易踢波難。
  • 除非有一隊先入一球，如果唔係都幾難開到紀錄啦呢場波。
  • 陰溝裡翻船。
  • 領先一「nup」。 [2]
  • 領隊谷隊谷得好「應」！
  • 魯爾係一個好有觸覺既球員，當佢冇觸覺個時，真係冇曬觸覺；但當佢有觸覺個時，入波阻都阻唔住。
  • It ain't over till it's over! [3]
  • 正如一個魔術師，玩到完曬喇！比人除曬衫喇！都能夠啊……喺頂帽度啊……抽隻……白兔出嚟架！你話係咪魔術師喇嚇？...[4]
  • Captain Fabulous 神奇隊長謝拉特！[5]
  • 神奇！頂級！超卓！任你點樣去演譯啊......都係，妙絕，嘅......[6]
  • (高治打倒掛失敗) 哎呀! 唔倒掛鳩勾...金勾哩個高佬下![7]
  • 我欣賞車路士後衞泰利，因佢頭槌好、制空力強、同埋跳得高。
  • 車路士出番依個彼德……施治會好好多，畢竟古迪仙尼都只係比較靈活。嗱，你睇下依球手鎚呀？真係龍門生得矮啲都打唔到呀！施治呢，我相信佢打多車仔兩年既話……就會開始……甩頭髮架喇！你睇佢今年嘅頭髮都已經少過舊年架喇！
  • AC米蘭呢隊波好多老人牌桂格燕麥片。
  • 利物浦嘅球迷們，你們唔怕了！三比一嘅記錄呀，奇蹟出現嘞利物浦。你唔會呢自己一個人行路嘞利物浦！(2004-05歐聯分組賽利物浦主場對奧林比亞高斯)
  • 足球係要將個波射入網。
  • 射罰球，最緊要唔好射高同埋射斜。
  • 唔駛問阿桂……即係唔駛問我啦！
  • 炮竹一聲除舊歲，好波共你賀新春。
  • 盃賽決賽：我希望呢場波有雙冠軍啦！
  • Stevy G 謝拉特。
  • 「柏智星」(韓國球員樸智星Park Ji-sung誤讀做)。
  • 江忠德，依家下半場打了四十五分之一。
  • (2007歐聯決賽 AC米蘭對利物浦) 呢場波利物浦有兩個機會可以贏波，第一係渺茫，第二係冇機會。
  • (2007歐聯四強次回合利物浦對車路士)呢啲波球證呢可罰就唔罰，因為利物浦佔主場之利，人之常情啫。[8])
  • (2007歐聯四強次回合利物浦對車路士)麥包夾火腿 (講乜？自己睇la！[9])
  • 百步穿楊即係跑左一百步之後射入咁解。
  • 呢班人擊鼓……唔係鳴怨呀嘛？(佢自己都笑埋...果度係有班人半場休息時間係度打鼓表演姐)
  • 打波要有火，講波都要有火呀！
  • 孫繼海喺曼城真係越踢越好，更加可以融進球隊打法…… (三分鐘後) 最近孫繼海狀態表現麻麻，有好幾次曼城由贏波變和波，同埋和波變輸波，都係因為佢同施文配合得唔好，有誤會……
  • 依個就係澳洲無能教練，教得澳洲一定係無能教練！(2007年亞洲盃分組賽 泰國對澳洲 對澳洲教練Graham Arnold的評價)
  • 依個就係唔識入波既攻擊球員喇！(2007年亞洲盃分組賽 泰國對澳洲 對澳洲十四號球員Brett Holman的評價)
  • 澳洲隊個教練冇翻雲覆雨嘅能力。
  • (米高佐敦準備射罰球）罰球呢家野，一係入一係就唔入... （佐敦入第一球後）拿...米高佐敦神黎丫嘛！點會唔入呀... （第二球射失後）　原來米高佐敦都係一個普通人
  • 祖高爾幾好波，但冇腳法。
  • 今晚嗰場「拜仁」對「慕尼黑」...
  • 準備不足，尤如準備失敗！
  • 今晚幾場賽事都係以進球來打開記錄。
    • 最難墮的胎, 就是你我各懷鬼胎.

    TOP

    任因玖

    玖叔

    超級版主

    Rank: 8Rank: 8
    2# 大 中 小 發表於 27-10-2007 09:09  顯示全部帖子

    引用:
    原帖由 simonkawah 於 26-10-2007 16:20 發表   ESPN

     

     

  • 今晚嗰場「拜仁」對「慕尼黑」...
    • 最難墮的胎, 就是你我各懷鬼胎.

    TOP

    任因玖

    玖叔

    超級版主

    Rank: 8Rank: 8
    3# 大 中 小 發表於 27-10-2007 18:10  顯示全部帖子

    引用:
    原帖由 adamying 於 27-10-2007 09:20 發表 真係好似成日都未訓醒, 發開口夢咁...

     

     

    有一個主持仲離譜,

    "今晚球賽就係車路士對修爾斯"

    最難墮的胎, 就是你我各懷鬼胎.

    TOP

    ‹‹ 上一主題 | 下一主題 ››
    發新話題