引用:
原帖由 kkeeleung 於 23-3-2009 18:38 發表 
Aboy 兄, 有幾點想補充一下. 李威 - 李家鼎還有一個細佬, 叫李善, 由龍天笙飾. 他們二人出場時, 由李善代李威見工, 懋叔一家見李善"人如員名" 淋淋善善"便請了他. 點知李善係代兄見工. 翻工時眾人見李家鼎 ...
小弟之前無留意依條thread..係跟ABOY兄0係另一條thread指入來. 以下係小弟記得而之前各師兄師姐無提過以作補充:
由於早期時代自己年紀太細, 有印象0既劇情多數係'84-'86
記得彬仔有講到佢大學畢業, 有一集講佢去見工政府政務官...點知出門口踩到啖痰拗傷條腰又撞爛陳積副眼鏡, 陳積去見客俾客以為佢同人打龍通, 彬仔見工因腰痛見唔成....唔記得佢最後搵唔搵到份固定職業了. 記得盧敦做佢兩兄弟0既阿公, 肥肥做陳積表妹..陳積以為表妹揼水周街搵"啄啄糖"討好肥肥.
張國榮客串過...初頭d人以為佢食大茶飯/有錢仔...後尾至知佢做片場道具, 家族生意係0係長洲踩咸蝦.
記得順嫂有另一個仔係張兆輝, 老婆係吳夏萍..應該係好後期, (小弟反而對黎小田果段無印象)...佢地住左阿dee原本間屋.
佢地座大廈部lift好攪野..有個按停掣..次次有依段就0係有賊打劫(多數係牛太中招)
有集講康仔寫的詩"讓我坦蕩蕩"有雜誌採用...點知係咸書.
好鍾意銀禧小食店場景, 前鋪後居, 阿萍好似住樓上(單位仔), 懋叔打地鋪, 康仔瞓閣仔..好寫實, 地方真係好細( 唔似之後城市故事開始咁...個單位已經係千呎咁大.城市故事講曾近榮佢地住沙田城門花園--河畔花園..真實都無成千呎0既單位)
李威係同梁潔華係一對...唔記得最後有無結婚.
覺悟因一直講佢家住長洲, 後期老婆同個仔出場: 仙杜拉同馮志豐(邦仔) (依個好似有師兄師姐提過..可能係另一條THREAD)
D記憶太零碎, 好多情節都記得, 只係無咁好心機打一大篇野..
