引用:
原帖由 foureyesfatboy 於 11-9-2007 11:07 發表 
哈哈! 我85年前住灣仔. 當時成日見到佢. 佢好YA呀! 佢全身黃, 頭髮其實係金. 成日拿住自己張相同個黃色手袋係灣仔街市行. 有好多傳說有人話佢以前是紅牌啞姑.....傳說真假唔知. 總有有人話佢唔係住 ...
Found this: http://heheha.blogspot.com/2005/04/blog-post_01.html
灣仔黃婆 ※ ※ ※ 係五、六十年代，我係北角果間好出名，叫「麗池」0既夜總會度做舞小姐，果陣時，由於我人靚舞又跳得好，所以好受D客人歡迎。有一日，有一個好英俊又好有 錢0既新加坡華僑0黎捧我場，我地一見鍾情，可惜個男人係新加坡已經有老婆，但個男人話好鍾意我，仲應承我話番去之後會跟佢老婆離婚，之後就會番0黎娶 我！係佢臨走果晚，我地兩個依依不捨，個男人仲送左一條珠鏈一條黃色裙一對黃色高跟鞋俾我當訂情信物！果晚我成身金光閃閃，跟果個男人跳「最後」一隻舞 ——因為果個男人走左之後就一直都冇再番過0黎！點解唔過去新加坡搵果個男人？果陣時搭飛機唔係好似依家咁容易！後來「麗池」執左，我就去左灣仔D細廳 做，但歲月不留人，老啦，無人再肯請我，最後淪為做乞兒，但我一直堅持著住果條黃色裙，因為就算果個男人見番我認唔到我，但至少都會認得條裙！所以——果 條裙一著著左三十幾年，從未除落0黎洗過——點解我會由灣仔搬左去中環呢度？因為呢度近機鐵香港站，D生意人或者旅客如果0黎香港0黎中環，一定會0黎坐 天星小輪，一定會經過呢條天橋，所以，唉！天若有情天亦老——
