標題: 我的超人短評(吉田至尼奧) [打印本頁]
作者: alan1999leo 時間: 19-5-2008 23:44 標題: 我的超人短評(吉田至尼奧)
吉田:第一代超人,實力一般;招式也較少,但十分簡潔,消滅怪獸來來去去都係十字死光同光刀環,但劇情甚佳,絕非如現在的超人般劇情空洞,在每次打完怪獸之後都會留下令人深思的空間。
不過,吉田在頭果十幾集個樣真係好唔得,也令這部作品留下了一個小瑕疵。
防衛隊方面,吉田中的防衛隊算是超人系列中戰力最強的了,我記得有好多次防衛隊是以自己的武器消滅怪獸的,積頓也不例外,一支小火箭(仲細個手掌)都勁過十字死光.....=.=
七號:嶄新的武器,飛刀,這把飛刀砍下過無數怪獸的頭顱!!
L字死光承上啟下,和十字死光成為未來超人的主要死光姿勢,人間體飛星登更在後來的超人時常客串。實力也甚強,是早期較強的超人。
劇情方面,向著有深度進發,涉及人與外星人之比較和接觸,在多年後的OVA中,更涉及人類的進化史。
防衛隊方面,實力不錯,有不少怪獸都是以防衛隊中的武器消滅,同時也和七號合作無間。
阿鄉:超人元祖製作人圓谷英二逝世後首部超人,但風格方面與之前兩部有甚大分別,劇力弱了一點。但和以往兩部超人相比,總好像缺少了些甚麼,我說不出來........
阿鄉是首位同時擁有十字和L字死光(只在第4集中用過一次)的超人。同時七號送咗超人手環比佢,
手環功能多多,可變作飛標,回力刀,長矛等,是非常犀利的武器。
超人A:很創新的一部作品,引入了超人兄弟的概念,同時超人A係由一男一女(北斗星司同南夕子)合體變身的,也插入了男女的感情線,可惜這段感情無疾而終(南夕子在故事中段知道自己係月球人,番咗去)
得番北斗一個自己變身.......
實力方面,超人A明顯死光技能勁過格鬥力,佢擁有多采多姿的死光攻擊,招招都十分致命!!
太郎:很有童真的一部作品,劇情輕鬆愉快,主角也在最尾果集放棄超人身份做回地球人。
早期,太郎的實力不強,但在後來的劇情中漸漸成長,成為一位稱職的地球保衛者。
主要招式為超能量混元激光,威力一般,間中失效。太郎具有超能力,可利用念力攻擊,同時有一招捨身攻擊(全身變紅撞向怪獸)。
ZAT也是一隊很強的防衛隊,也有很多有趣的戰略(灑胡椒令怪獸打乞嗤,幫怪獸拔牙等,很有趣!)
尼奧:尼奧是我最喜愛的超人,不過,當年在日本的收視率很差,也許風格轉變得太劇烈了吧,縱然如此,也無損這作品在我心中的地位!!
的確,整套作品,都沉浸在一片黑暗哀傷的氣氛中,在尼奧中,MAC經常有隊員和角色死亡,但正反映了和平安定之可貴,也說明了和平是用血汗換來的,而不是空談便有的。
尼奧的身世也很慘,父母雙亡，更和其弟失散，隻身來到地球,除了七號和飛虎外,他根本沒有知心朋友,他的女友臨死前也不知道大鳥原的真正身份,是一個徹頭徹尾的悲劇。
在開首的十多集,幾乎集集都有特訓,飛星登拎住支手杖督促大鳥原的場面至今我還歷歷在目。
後來MAC因圓盤生物來襲而全滅,飛星登同時生死未卜。得番大鳥原一個戰鬥到最後,是超人系列上僅見。
MAC可以說是最弱的防衛隊,冇咩邊個隊員令我留下印象......
實力方面,尼奧可說是紅白超人中首屈一指的,格鬥技非常強,尼奧飛踢更是所向披靡!!光線攻擊也很強,最尾果集出左一招死光,整個圓盤星都炸掉!!
如有錯誤,請指正^^
作者: yuchai3000 時間: 20-5-2008 23:17
引用:
原帖由 alan1999leo 於 19-5-2008 23:44 發表 
吉田:第一代超人,實力一般;招式也較少,但十分簡潔,消滅怪獸來來去去都係十字死光同光刀環,但劇情甚佳,絕非如現在的超人般劇情空洞,在每次打完怪獸之後都會留下令人深思的空間。不過,吉田在頭果十幾集個樣真係好 ...
絕對認同~~尼奧是最好打~~
超人ace 善用死光攻擊~~
作者: Kal-El 時間: 21-5-2008 00:34
尼奧同其他超人兄弟係有D唔同的, 因為佢唔係M78星雲嘅人, 而係來自L77的
作者: wwl36 時間: 21-5-2008 01:02
吉田: 最原祖
七星: 最用腦
阿香: 最好睇
ACE: 最多超必
太郎: 最搞笑
尼奧: 超必最入唔倒腦
作者: alan1999leo 時間: 21-5-2008 02:15
何謂"超必最入唔倒腦"?
作者: alan1999leo 時間: 22-5-2008 20:59
引用:
原帖由 Kal-El 於 21-5-2008 00:34 發表 尼奧同其他超人兄弟係有D唔同的, 因為佢唔係M78星雲嘅人, 而係來自L77的
對呀,他是獅子座星雲,我仲記得佢個OP1有一句''獅子之瞳發出萬仗光芒''
作者: wwl36 時間: 22-5-2008 21:45
引用:
原帖由 alan1999leo 於 21-5-2008 02:15 發表 .wysiwyg { font-family: Tahoma, Verdana; font-style: normal; font-variant: normal; font-weight: 400; font-size: 12px; line-height: normal; border-top-color: #dddddd; border-left-color: #dddddd; b ...
必殺技起手式
作者: alan1999leo 時間: 23-5-2008 23:17
引用:
原帖由 wwl36 於 22-5-2008 21:45 發表 必殺技起手式
哦,原來如此,尼奧好像沒有十字或L字死光,只有平射和能量球等.......
作者: 綠寶210 時間: 24-5-2008 00:11
吉田: 最經典
七星俠: 氣氛最認真, 好似 X-FILES 咁.
阿香: 最好睇, 最喜歡.
ACE: 主題曲真係唔好聽, 身型唔知點解好肥咁.
太郎: 經常有搞笑鏡頭, 變成小朋友看既超人片.
尼奧: 個頭最型, 好有皇帝格.
作者: 聰洛多薩比 時間: 24-5-2008 01:30
引用:
原帖由 綠寶210 於 24-5-2008 00:11 發表 吉田: 最經典 七星俠: 氣氛最認真, 好似 X-FILES 咁. 阿香: 最好睇, 最喜歡. ACE: 主題曲真係唔好聽, 身型唔知點解好肥咁. 太郎: 經常有搞笑鏡頭, 變成小朋友看 ...
ACE梗係啦...
佢都係40m高...但係成45000噸喎...
梗係肥啦...
太郎都係識合小朋友睇...
作者: alan1999leo 時間: 24-5-2008 03:18
引用:
原帖由 綠寶210 於 24-5-2008 00:11 發表 吉田: 最經典 七星俠: 氣氛最認真, 好似 X-FILES 咁. 阿香: 最好睇, 最喜歡. ACE: 主題曲真係唔好聽, 身型唔知點解好肥咁. 太郎: 經常有搞笑鏡頭, 變成小朋友看 ...
吓,但係唔知點解,我就幾中意ACE既主題曲喎,80既主題曲就真係麻麻(因為80我只係睇過十零集,故此我今次所寫既短評唔包括80)
[ 本帖最後由 alan1999leo 於 24-5-2008 21:41 編輯 ]
作者: pan11 時間: 13-1-2010 22:24
我又唔係咁睇- -'
吉田:劇中格鬥差,還在劇中第1集的戰鬥做出一些不好的行為
七號:飛刀勁,但劇中格鬥差,戰鬥時較為可愛,在劇中常常變小對付敵人
阿鄉:劇中格鬥差,初時戰場力不足,後得手環實力增加很多,在劇中是最認真的超人,不會在戰鬥做一些好笑的行為
Ace:光線超多,多兄第出現,劇中格鬥中,但在劇中常常做出一些不好的行為(例:玩相樸,有電線桿作劍)
太郎:絕技多,多兄第出現,劇中格鬥中,在劇中有幾集較為差(例,年糕個集)
尼奧:初時戰鬥認真,後期幾集較為差(例:玩雙折棍,有傘,還玩相樸)劇中格鬥強,較多絕技.
作者: 高橋龍太 時間: 14-1-2010 21:46
我既諗法反為係咁....
吉田:最多無啦啦飛上天之後飛返落黎用腳踢..唔明點解佢好少跳
七號:最懸疑，最滿佈疑雲，細個睇老七試過覺得驚
阿鄉:對佢印象唔深，我呢D90後淨係係有線睇過佢...劇情最普通
Ace:超人兄弟中最唔鍾意既一個，因為賣相最騎呢...但感覺上覺得佢係防禦力最高既一個，有好深印象佢硬食怪獸既攻擊。
太郎:最鍾意既一個，第一次睇係亞視夏日三色冰果陣...佢地套制服最核突，武器裝備最誇張騎呢
尼奧:最變態劇情既一個，下下都好似嫌尼奧唔夠慘咁....
作者: 高橋龍太 時間: 14-1-2010 21:47
引用:
原帖由 聰洛多薩比 於 24-5-2008 01:30 發表 ACE梗係啦... 佢都係40m高...但係成45000噸喎... 梗係肥啦... 太郎都係識合小朋友睇...
唔知點解我最鍾意睇太郎，可能我夠童真
作者: To-y 時間: 30-11-2010 02:48
尼奧似青春片多d
| 歡迎光臨 經典日本特撮●動畫●卡通回憶 (http://oldcake.net./) |
Powered by Discuz! 6.0.0 |