各位old cake，講到港漫，大家記唔記得過去、現在有得賣港漫的地方？有邊間係令你印象難忘？

我記得10年前在葵涌廣場頂樓有一間漫畫店，店主一肥一瘦，有好多港漫，最記得玻璃窗貼上小流氓由第9-數十期，當時覺得好震撼呀！

仲有白田阿鄭生，10多年前搵60-80年代港漫，有邊個未試過搵佢幫手搵書，佢算係相當價廉物美。

我記得以前鴨寮界界邊有個阿伯賣小流氓，有好多舊書、海報等，不過後期有d係假貨或彩色影印本。

以前咁多個的經營風格都不及荃豐角落位個間，有好多舊書，但佢兩公婆d粗口亦都好得人驚！

大家講多d 呀！

我記得當時信和都有一間漫畫店,

有好多小流氓買.

而我比較有印象的漫畫店,

一定係"大有商場"的"天龍".

我主要都係見到價o岩先買

都唔理佢咩地方了.........

最筍都係細個時候住屋村時,時常有人把舊書放在地下賣,一般都好新.只售0.5毛一本(80年代左右)

ps:當年我如常的去幫阿婆買舊書,買左一本之後比錢,因為同阿婆有一段距離,所以飛左個5毛比阿婆,見阿婆伸手接錢時右手手指無哂,(可能係工傷關係)

阿婆接唔到,我當時覺得好侮辱佢,我同阿婆講左好多聲對唔住,到依家都仲記得!對唔住呀,阿婆,我無心架~

我記得10幾年前在旺角德發商場開左一間懷舊店，有很多舊物，包括舊漫畫、唱片、玩具等，果d小流氓，放係櫥窗內，見到都流口水...

如果你問我，咁一定係推介"意念書閣"啦，租借台灣既海盜版漫畫，八十年代末期到九十年代初，當然最輝煌既87-90年，之後隨住漫畫版權係香港抬頭，bye bye囉。