經典日本特撮●動畫●卡通回憶

標題: 戲院回憶錄~ [打印本頁]

作者: akaichoi 時間: 7-3-2008 12:23 標題: 戲院回憶錄~

年少既最愛就係睇戲時口含香煙

等待文場時用"都彭"火機點煙,[叮................]

成場人都望過來,好有形!(少年時係咁覺得)

曾經.........."亞飛正傳"試過食左半包煙,因為套戲太靜同太悶.仲要無人睇,成間野得4個人睇

========================================

此外,逃學睇早場,有時睇咸片.

之後望下節目表(當時有早場節目表,揀定逃學日期再逃學)

=========================================

果時讀書時如果同女朋友(14-15歲,兩少無猜)一齊逃學,都會去睇戲,睇咩戲已經唔會再理會

但求可以摷..............

========================================

有一次,早十年左右,去佐敦大華睇一套西片,已經唔記得咩戲名

戲院個喇叭開得好大聲,套戲亦不斷有音樂出,之後下半段時個畫面講主角去救人,去到爛屋度,個畫面見主角慢慢行,慢慢行,不過就有少少女人聲[唔...唔....唔...唔....唔]

我心諗個配樂咁古怪既?唔通主角行入d見到女主角比壞人強緊?所以唔唔聲?

之後我女友拍我,示意我望向前一排右手邊最近牆的一對男女,原來女的已坐在男的上面抽搐

唔唔聲當然係佢女朋友發出架啦........

=========================================

有一次又係去佐敦大華睇戲,又係十年前左右

星期六既2:30左右

臨入去戲院前係a院度等,見到狄龍同佢老婆,

之後有個男人飲完罐可樂放在垃圾桶上,不過又跌左落地下,男人無理會去左洗水間

狄龍見到,走前幾步拾起來放進垃圾桶內

其實好少既一件事,不過我就覺得狄龍人品幾好囉

事後從電視,報刊再深入d睇狄龍,好多人都係話佢人品係幾好

起碼唔會一紅就驕果d

===========================================

曾經試過睇一套戲,全院得我同我阿婆兩個人

係秀x坪既金x坪戲院,睇富貴列車,好舒服

大約係新年既年衫三左右

=============================================

第一套入戲院睇既西片係鐵甲威龍第一集

==============================================

第一套睇完覺好成對眼都濕既係阿郎的故事

===========================================

第一套入去睇左2次既戲係賭聖

==============================================

第一次入戲院睇既卡通片係七彩老夫子

==============================================

第一次睇既三級片係人肉x燒包

===============================================

作者: coffee 時間: 7-3-2008 21:24

引用:

原帖由 akaichoi 於 7-3-2008 12:23 發表年少既最愛就係睇戲時口含香煙等待文場時用"都彭"火機點煙,[叮................] 成場人都望過來,好有形!(少年時係咁覺得) 曾經.........."亞飛正傳"試過食左半包煙,因為套戲太靜同 ...

第一套自己入戲院睇既. . .係 "歡樂神仙窩" ~ 石天

作者: PPM 時間: 9-3-2008 13:11

灣仔麗都戲院, 早場睇卡通片, 而銅鑼灣嘅豪華戲院, 做過好多歐洲成人片, 最記得有一位主角叫蘭度布山卡, 唔.....大概1977或1976

作者: FF65535 時間: 28-3-2008 12:39

第一套睇0既..唔記得個名........ ,科幻有隻獨眼巨人好大好黑好驚

第一套自己去睇係" 大煞星與小妹頭" 西灣河金明 $2.50

作者: agito 時間: 22-6-2008 18:54

引用:

原帖由 akaichoi 於 7-3-2008 12:23 發表
此外,逃學睇早場,有時睇咸片.

之後望下節目表(當時有早場節目表,揀定逃學日期再逃學)

深表認同

引用:

原帖由 akaichoi 於 7-3-2008 12:23 發表

有一次又係去佐敦大華睇戲,又係十年前左右

星期六既2:30左右

臨入去戲院前係a院度等,見到狄龍同佢老婆,

之後有個男人飲完罐可樂放在垃圾桶上,不過又跌左落地下,男人無理會去左洗水間

狄龍見到,走前幾步拾起來放進垃圾桶內

其實好少既一件事,不過我就覺得狄龍人品幾好囉

事後從電視,報刊再深入d睇狄龍,好多人都係話佢人品係幾好

起碼唔會一紅就驕果d

這叫品格高尚　

作者: 聰洛多薩比 時間: 25-6-2008 00:17

真係有好多奇遇咁喎...

我好少向戲院睇戲...

第一次睇戲都係七八歲個時...

唔記睇乜囉...

我對上一次係睇蜘蛛俠三囉...

作者: agito 時間: 6-7-2008 00:00

引用:

原帖由 聰洛多薩比 於 25-6-2008 00:17 發表真係有好多奇遇咁喎... 我好少向戲院睇戲... 第一次睇戲都係七八歲個時... 唔記睇乜囉... 我對上一次係睇蜘蛛俠三囉...

真係唔記得最後在戲院睇過邊套戲，記憶太模糊

自從

純睇戲的戲院摺晒之後，如鷹君影藝/銅鑼灣碧麗宮，剩番Ｄ迷你影院；

全港戲院禁煙後而一樣有人照食(我係煙剷都接受不了)；

手提電話盛行+弱聽者又要睇戲又要傾電話；

DVD平民化 etc　

作者: Collins 時間: 25-5-2009 19:46

而家果d迷你戲院睇戲無feel !
even全場笑曬都無以前個種氣勢, 仲要奉送d sms聲同真人電話講劇情! 真係吹漲~
我perfer慳番兩條野, 走番去美孚影都, 觀塘銀都, 旺角豪華度睇, 一來平, 二來靜, 三來可以懷念下以前

作者: 011072 時間: 26-5-2009 04:39

時為1980年，荃灣蘭宫戲院，細佬單拖睇早埸，片名『飛天超人』亦即泰國超人白猿哈曼，票價1元不設劃位、冇冷氣，周時有隻貓喺腳邊擦身而過，天花版仲時時滴水。

作者: luckyrat 時間: 31-5-2009 07:34

戲院回憶錄的確好多嘢寫：

我係高佬，當然鍾意戲院每行之座位距離遠些，唔會頂腳！

北京道之「新聲」、佐敦道之「大華」、彌敦道/亞皆老街口之「百老匯」、奶路臣街之「百樂門」等都係出名坐距窄的。

後期當然最正係銅鑼灣的「碧麗宮」！

但早在三十年前，最寬闊就係彌敦道/金巴利道口之「樂宮戲院」，戲院又大及座位又多，樓上有超等、特等，樓下則有前座、中座及後座；冷氣又充足，更陸錄上演最好及大製作之西片。

其中最令我回味的有：

南斯拉夫製作的 "Suleiman the Conqueror"，

西部名片 "Law of the Lawless" (由地路羅拔臣主演)，

六三三敢死隊、錦繡山河烈士血、烽火山河、霸海奪金鐘、決死雄師、Kings of the Sun 等等。

作者: 011072 時間: 13-6-2009 12:41

睇戲最討厭係睇4：00特別場，

佢哋為趕5點半嗰埸，人未入埸就開映，

又較快格，戲入面啲人變晒卡通聲，

最賤就係成日偷片，上下唔連貫，

睇到你一頭霧水..............

作者: africanmonks 時間: 20-3-2010 23:12

講到睇戲，真係令人滿是感觸。

先講戲票，從前的票是由人手畫位的，用的是紅色或藍色的顏色筆（很粗的，外表似鉛筆，寫出來的字却似蠟筆字）。我仲保留左二十多張，各位大大有興趣的話不妨回覆一下，我就ＳＣＡＮ幾張比大家過過目。

　　我自己第一次一個人去睇戲是在八二年，看的是一齣西片，片名叫「烈火戰車」。當年這齙電影得了奧斯卡的最佳電影奬。自此之後便習慣了獨個兒一支公去睇戲。（當然間中也會和朋友或家人一起看）fficeffice" />

　　當中令我領略到一個人睇的好處，第一，可以即興話睇，唔使約嚟約去，左就右就。第二，唔使做解畫佬，浪費口水。第三，若套戲唔掂，大可大睡一場或拂袖而去，唔使理其他人反應。

　　同一齣戲自己翻睇次數多的紀錄是三次。那是譚詠麟、林青霞的「君子好逑」。第一次是自己睇，第二、三次分別同兩班朋友睇。當時其實唔想再睇，無奈朋友都未看過，又想看，我唔想離群，所以被逼一看再看三看。唉！

　　在我認識的朋友中，同一齣戲翻睇次數最多的（以正場買票入座計算，重映、電視播不計），是七次。齣戲是周潤發、狄龍、張國榮那套「英雄本色」。我地當佢黐左線。佢差不多背熟晒所有對白咁滯。

　　又試過睇戲買錯票。當時和朋友一起睇，買飛時無留意，原本想睇的那齣剛落了畫，入場後覺得有點奇怪，看到放着的「預告片」很長，足有十分鐘，而且交代了很多細節，不太像預告。直到有一位朋友忍不住說：「係咪買錯飛？」大家才開始察覺。雖然已經證實，但已付了錢，無奈地一直睇到完場。完場後負責買飛的我自必然遭受前所未有的大刑罸。當日原本想睇的是「暴走列車」，後來被逼看了的是「夜半仔敲門」，這齙戲的主角是當時一齣叫「飛天紅中俠」的電視配音片集的男主角，唔知大家有冇印象？地點是當時全港最大的戲院──麗宮。

　　一直以來，沒什麼機會看午夜場，印象中只有一次，那次是和弟弟去看的，是重映的李小龍的「龍爭虎鬥」。看完時感覺很不舒服，所以此後再提不起興趣。

而那間戲院在不久後也執笠了，那間戲院叫「葵芳戲院」。

　　看過的電影很多，但最有「罪疚感」的是一齣大陸的電影，叫「一塊銅錢」。還記得是老豆帶我去看的，地點是南華戲院，五點場。令我感罪疚的是那陣子家裏的經濟環境很差，飯也幾乎沒得吃，可是老豆竟花錢去看戲，還叫我不要告訴媽。回到家己見媽下了班，在廚房造飯，面色黑得很……

在我們小時候，幾兄弟因常生爭執，所以關係並不好，可以用完全無偈傾來形容（原來很多朋友也一樣，或許這是香港青少年的一大特色吧）。後來，到了我讀預科的日子，家中的氣氛緩和多了。曾是我最痛恨的大哥（因為每逢打架總是輸給他）約我一起看戲，於是找了一天待他下班去看，看的是一齣台灣片，叫「童年往事」地點是在灣仔，戲院在影藝附近，不記得叫什麼，只知它放映比較藝術，很快就摺埋。

(待續)

作者: 超人兄弟 時間: 22-3-2010 22:19

引用:

原帖由 africanmonks 於 20-3-2010 23:12 發表講到睇戲，真係令人滿是感觸。先講戲票，從前的票是由人手畫位的，用的是紅色或藍色的顏色筆（很粗的，外表似鉛筆，寫出來的字却似蠟筆字）。我仲保留左二十多張，各位大大有興趣的話不妨回覆一下，我就Ｓcan ...

好o牙~我第一個報名有興趣!

thanks!

作者: foureyesfatboy 時間: 23-3-2010 19:38

引用:

原帖由 超人兄弟 於 22-3-2010 22:19 發表好o牙~我第一個報名有興趣! thanks!

有超兄出....點可以唔跟...何況有好野睇.

作者: 超人兄弟 時間: 23-3-2010 22:10

引用:

原帖由 foureyesfatboy 於 23-3-2010 19:38 發表有超兄出....點可以唔跟...何況有好野睇.

醒目仔的四眼肥哥!

作者: ar_woo 時間: 24-3-2010 00:26

引用:

原帖由 akaichoi 於 7-3-2008 12:23 發表年少既最愛就係睇戲時口含香煙等待文場時用"都彭"火機點煙,[叮................] 成場人都望過來,好有形!(少年時係咁覺得) 曾經.........."亞飛正傳"試過食左半包煙,因為套戲太靜同太悶.仲要無人睇,成間 ... 右手邊最近牆的一對男女,原來女的已坐在男的上面抽搐

作者: 超人兄弟 時間: 24-3-2010 09:13

引用:

原帖由 ar_woo 於 24-3-2010 00:26 發表

o吾知係咪睇緊 '情不自禁 ' 套戲o尼??

作者: 011072 時間: 30-8-2010 01:27

讀中學時有次一枝公落荃灣『大光明戲院』早場睇豉油片
散場原來後面跟住嘅係體育阿sir
嚇到我雞咁腳走
阿sir原來教體育得閒都喜歡上吓生理堂

作者: actionkamen 時間: 30-8-2010 16:54

引用:

原帖由 011072 於 30-8-2010 01:27 發表讀中學時有次一枝公落荃灣『大光明戲院』早場睇豉油片散場原來後面跟住嘅係體育阿sir嚇到我雞咁腳走阿sir原來教體育得閒都喜歡上吓生理堂

哈哈，您令我想起我班同學經過銅鑼灣新都戲院，見到阿sir排隊買飛睇早場，其中一個想衝前叫佢，另一個拉住，話等阿sir買咗飛先叫，依家叫佢實唔認；最後阿sir買左飛，成班人衝前踏佢膊頭話：阿sir，睇早場呀！
返到學校仲大唱

作者: ULTRA2020 時間: 30-8-2010 19:20

引用:

原帖由 actionkamen 於 30-8-2010 16:54 發表哈哈，您令我想起我班同學經過銅鑼灣新都戲院，見到阿sir排隊買飛睇早場，其中一個想衝前叫佢，另一個拉住，話等阿sir買咗飛先叫，依家叫佢實唔認；最後阿sir買左飛，成班人衝前踏佢膊頭話：阿sir，睇早場呀！ ...

80年代中期，好像已沒有(另類)早場 ~ ?

作者: ULTRA2020 時間: 30-8-2010 19:39

講開早場 ~

好像是中一因讀下午校，好想睇一套戲，(好似是艾迪,鄭文雅主演戲名忘了)

大鄉理去到戲院大發現原來是有早場睇的，

立刻買飛入埸 ~ 真係大發現 ! 即時覺得大個仔左 ~ !

原來早場不是播正場電影的 ~

作者: actionkamen 時間: 30-8-2010 23:37

引用:

原帖由 ULTRA2020 於 30-8-2010 19:20 發表 80年代中期，好像已沒有(另類)早場 ~ ?

仲有..........幣....穿煲

作者: Diamond 時間: 31-8-2010 11:23

小弟的戲院回憶有好多,暫時講住d先:

(1) 小時候香港只有大戲院,"大"自然亂 ,所以我可以經常跟住d大人免費入場睇戲,又因為大嘅關係,好多時都會有"吉"位任你坐;另外,如果Full house嘅話,果d"睇場"阿叔直頭會俾你企喺度睇,舊時代d人有人情味d,呢d事情依家一定唔會發生

(2) 因為舊時戲院俾你吸煙,有次睇戲,見到超等位第一排有位"無良阿叔"食完枝煙,丟枝煙頭去前座,辣中一個阿伯的腳指(當時佢著涼鞋) ,佢即時喺漆黑中以粗口問候果位"無良阿叔"

(3) 又見過有人一路睇戲,一路拎住個飯盒食(有冇咁趕時間呀? ),不時傳來陣陣飯菜味 -->依家冇見過呢種事情

(4) 最攪笑,竟然有人可以買一張飛睇幾場,人地散場,佢就走去toilet坐一陣,開場後,再是旦搵個冇人嘅位,睇多場--因為大戲院關係,可能每一時段會放映唔同嘅影片.而場地大,d"睇場"阿叔無可能逐個座位,逐個廁所去check.

作者: ULTRA2020 時間: 31-8-2010 11:39

引用:

原帖由 Diamond 於 31-8-2010 11:23 發表小弟的戲院回憶有好多,暫時講住d先: (1) 小時候香港只有大戲院,"大"自然亂 ,所以我可以經常跟住d大人免費入場睇戲,又因為大嘅關係,好多時都會有"吉"位任你坐;另外,如果Full house嘅話,果d"睇場 ...

我童年在西營盤 “太平戲院” 睇很多戲，直至拆左。

很多無線麗的劇也左此取景, 在西區也算很有歷史。

第一套彩版 “金剛” 就是在太平睇的，當時好像四蚊一張飛,

因為戲院大嘅關係一定有"吉"位, 一家四口只需買兩張飛 ~

作者: 011072 時間: 16-9-2010 14:56

如果間戲院有樓上超等的話，
買飛千祈唔好買坐超等下面，
成日畀人高空擲物，
最離譜係有人彈煙頭。

作者: ahmui 時間: 17-9-2010 13:02

細個時候覺得坐樓上超等真係好巴閉架！後來有碧麗宮，就覺得去果度好高級。果度夠大，坐滿晒嘅時候，果種氣氛真係好正！

作者: 011072 時間: 17-9-2010 15:04

懷念戲院門前小吃，
戲院門前一定有檔煨魷魚、鹽焗雞髀，
冬天仲有熱蔗、炒糖砂栗子、煨蕃薯，
戲院大堂小賣部，爆谷、熱狗等就當然唔少得，開場前聞到一陣陣燴魷魚味氣氛都格外興奮。
自從戲院搬了入大商場後，除戲院大堂小賣部外戲院門前的街頭小吃都以成絕響，
現在的總是欠缺一份親切感。

作者: toby 時間: 17-9-2010 15:17

引用:

原帖由 011072 於 17-9-2010 15:04 發表懷念戲院門前小吃，戲院門前一定有檔煨魷魚、鹽焗雞髀，冬天仲有熱蔗、炒糖砂栗子、煨蕃薯，戲院大堂小賣部，爆谷、熱狗等就當然唔少得，開場前聞到一陣陣燴魷魚味氣氛都格外興奮。自從戲院搬了入大商場後，除戲院大 ...

以前去戲院睇戲,係一件好隆重O既盛事,
唔似而家咁隨便,話嚟就嚟,話走就走...
冇哂嗰種珍重O既感覺了!

而家,睇完都唔記得自己去過...

作者: Potato 時間: 18-9-2010 00:04

引用:

原帖由 011072 於 17-9-2010 15:04 發表懷念戲院門前小吃，戲院門前一定有檔煨魷魚、鹽焗雞髀，冬天仲有熱蔗、炒糖砂栗子、煨蕃薯，戲院大堂小賣部，爆谷、熱狗等就當然唔少得，開場前聞到一陣陣燴魷魚味氣氛都格外興奮。自從戲院搬了入大商場後，除戲院大 ...

對啊！以前細個放學，日日經過深水埗的北河戲院，嗰處好多嘢食，最記得嗰d碗仔翅同炒蜆。

北河戲院一早拆咗。這種街頭小食文化，也只能長留記憶當中。

作者: 虎榮 時間: 18-9-2010 00:12

引用:

原帖由 ahmui 於 17-9-2010 13:02 發表細個時候覺得坐樓上超等真係好巴閉架！後來有碧麗宮，就覺得去果度好高級。果度夠大，坐滿晒嘅時候，果種氣氛真係好正！

碧麗宮個大堂好華麗, d櫈好舒服, 到依家佢仍然系我心目中o既no.1戲院, 我第一次去呢間戲院系睇Gone with the wind (亂世佳人), 不過只睇得半場, 因為我唔知有下半場! 所以要翻轉頭睇第二次!

作者: 超人兄弟 時間: 18-9-2010 22:19

引用:

原帖由 Potato 於 18-9-2010 00:04 發表對啊！以前細個放學，日日經過深水埗的北河戲院，嗰處好多嘢食，最記得嗰d碗仔翅同炒蜆。北河戲院一早拆咗。這種街頭小食文化，也只能長留記憶當中。

北河戲院...好似o向北河街尾??唔記得o左 tim~...

有無記錯呀我 Potato兄?!

作者: Potato 時間: 19-9-2010 00:29

引用:

原帖由 超人兄弟 於 18-9-2010 22:19 發表北河戲院...好似o向北河街尾??唔記得o左 tim~... 有無記錯呀我 Potato兄?!

北河戲院的現址是北河商場，即賣砵仔糕好出名的坤記嗰間小商場，在深水埗地鐵站B2出口。

深水埗另一難逃清拆命運的就是黃金戲院，也就是今日的黃金中心。我幼稚園就是在黃金戲院行畢業禮的。

作者: Potato 時間: 19-9-2010 00:31

引用:

原帖由虎榮於 18-9-2010 00:12 發表碧麗宮個大堂好華麗, d櫈好舒服, 到依家佢仍然系我心目中o既no.1戲院, 我第一次去呢間戲院系睇Gone with the wind (亂世佳人), 不過只睇得半場, 因為我唔知有下半場! 所以要翻轉頭睇第二次!

我第一次去碧麗宮是看時光倒流七十年。一入到去就覺得好大，好華麗，座位好舒服，正！

作者: 超人兄弟 時間: 19-9-2010 00:37

引用:

原帖由 Potato 於 19-9-2010 00:29 發表北河戲院的現址是北河商場，即賣砵仔糕好出名的坤記嗰間小商場，在深水埗地鐵站B2出口。深水埗另一難逃清拆命運的就是黃金戲院，也就是今日的黃金中心。我幼稚園就是在黃金戲院行畢業禮的。

hee..好在重記得o下~

我睇超人大電影就是在黃金戲院...好多年了...約廿多年前!

作者: Diamond 時間: 20-9-2010 11:04

有時,覺得有d莫名其妙

譬如,小時候去南昌戲院,門口必有一檔"有辣有唔辣"嘅炭燒魷魚,成座鹽山的鹽焗雞旦雞比,同埋牛什

跟著去黃金,又有,

去旺角某戲院,又見到一模一樣setting嘅小販檔

到依家都覺得奇怪

唔通係地下幫會

作者: ULTRA2020 時間: 20-9-2010 11:07

引用:

原帖由 Diamond 於 20-9-2010 11:04 發表有時,覺得有d莫名其妙譬如,小時候去南昌戲院,門口必有一檔"有辣有唔辣"嘅炭燒魷魚,成座鹽山的鹽焗雞旦雞比,同埋牛什跟著去黃金,又有, 去旺角某戲院,又見到一模一樣setting嘅小販檔到依家都覺得奇 ...

可能是家族生意，現在已是第二代接管打理 ~

作者: 超人兄弟 時間: 20-9-2010 18:57

引用:

原帖由 Diamond 於 20-9-2010 11:04 發表有時,覺得有d莫名其妙譬如,小時候去南昌戲院,門口必有一檔"有辣有唔辣"嘅炭燒魷魚,成座鹽山的鹽焗雞旦雞比,同埋牛什跟著去黃金,又有, 去旺角某戲院,又見到一模一樣setting嘅小販檔到依家都覺得奇 ...

南昌戲院經常去呀~...因為親朋好友都在附近住。(好懷念)

Diamond兄在附近住嗎~??!

作者: 011072 時間: 21-9-2010 03:52

戲院大堂一定有座入錢嘅磅，
有啲入錢後會跌張卡紙出來有你嘅重量同埋〈今日運情〉，後來仲『手相機』要擺隻手掌上去測運情，搵笨居多，
大家有冇受騙。

作者: 超人兄弟 時間: 21-9-2010 09:28

引用:

原帖由 011072 於 21-9-2010 03:52 發表戲院大堂一定有座入錢嘅磅，有啲入錢後會跌張卡紙出來有你嘅重量同埋〈今日運情〉，後來仲『手相機』要擺隻手掌上去測運情，搵笨居多，大家有冇受騙。

當然有...個測運情磅重好鬼異 tim!

後來就轉o左D大display磅 lor...(綠色底座)

作者: Diamond 時間: 21-9-2010 23:47

引用:

原帖由 超人兄弟 於 20-9-2010 18:57 發表南昌戲院經常去呀~...因為親朋好友都在附近住。(好懷念) Diamond兄在附近住嗎~??!

我都係有位親戚在石硤尾果頭居住,

小學時候逢暑假,寒假,就會喺個頭玩

我見證住南昌戲院嘅興衰

亦睇住"白田購物中心"開張

依家個笪地完全變左樣(但,好似白田購物中心仲喺度 )

如無意外,都唔會再去個頭逛

超兄,如果你見過一個大頭小孩子同d大人入去睇戲,

果個可能係我

作者: Diamond 時間: 21-9-2010 23:59

仲有係,

南昌戲院正門對面有一大座大排檔

入面每一檔我都食過

不論西多士沙爹牛肉通粉,魚旦粉,牛腩麵,

以至燒味小菜粥品糖水

每一樣野都勁好食

記得有間叫做"九龍飯店"同一間叫"嘉勝"

d伙計,d姐姐直頭熟絡到,當我係契仔

佢地好有人情味

....好懷念

唔知佢地依家點呢,應該最少有50多歲

可能移左民

如果有oldcake朋友曾在上述大排檔工作

歡迎出來相應

做個網上朋友都好

作者: frankie 時間: 22-9-2010 01:01

以前睇戲好自由任飲任食

大銀幕

冷氣

鬼故

後來轉晒迷你戲院冇晒引

不如自己屋企睇DVD
反正約唔倒人

我都成十幾年冇入戲院

我有個同學買一張飛睇六、七場戲至少

作者: 超人兄弟 時間: 22-9-2010 09:18

引用:

原帖由 Diamond 於 21-9-2010 23:47 發表我都係有位親戚在石硤尾果頭居住, 小學時候逢暑假,寒假,就會喺個頭玩我見證住南昌戲院嘅興衰亦睇住"白田購物中心"開張依家個笪地完全變左樣(但,好似白田購物中心仲喺度 ) 如無意 ...

引用:

原帖由 Diamond 於 21-9-2010 23:59 發表仲有係, 南昌戲院正門對面有一大座大排檔入面每一檔我都食過不論西多士沙爹牛肉通粉,魚旦粉,牛腩麵, 以至燒味小菜粥品糖水每一樣野都勁好食記得有間叫做"九龍飯店"同一間叫"嘉勝" d伙計,d姐姐直頭熟絡到, ...

白田、石硤尾、深水涉、o既興衰我都見唔少呀~...

無錯~白田購物中心仲喺度。以前我都成日行...放o左學就同同覺去window shopping or 比錢錄歌仔...

南昌戲院正門對面有一大座大排檔我都成日去食，不過唔係好記得D名...晚飯打冷食麵經常有...早餐多數o向下邨食...

原來你係大排檔契仔...失敬失敬!

如果早D識到你就好...不過而家識到你都唔遲!

自己都係好鍾意懷念過去o既人...Diamond有機會定要相聚認識一同懷緬談天。

作者: Potato 時間: 23-9-2010 00:35

現在白田、石硤尾跟二十年前相比，已經差不多面目全非了。白田邨全面重建，石硤尾邨也所剩無幾。不過時代始終是要進步的。

作者: 超人兄弟 時間: 23-9-2010 10:31

引用:

原帖由 Potato 於 23-9-2010 00:35 發表現在白田、石硤尾跟二十年前相比，已經差不多面目全非了。白田邨全面重建，石硤尾邨也所剩無幾。不過時代始終是要進步的。

香港政府後知後覺...留楝石硤尾邨重建o既美荷樓作懷緬，留都留最耐o個楝啦!

作者: 九記 時間: 23-9-2010 13:51

戲院回憶最重要一部份當然係第一次約女仔睇戲

自己第一次係喺凱聲，睇嘅係「零度空間」Inner space

作者: Potato 時間: 23-9-2010 15:53

引用:

原帖由 超人兄弟 於 23-9-2010 10:31 發表香港政府後知後覺...留楝石硤尾邨重建o既美荷樓作懷緬，留都留最耐o個楝啦!

無法啦！如無記錯，第一代的七層大廈應該在七零年代拆卸重建，即現在的石硤尾平台。當年哪有保育意識？

而且，美荷樓側埋一面在山腰上，不會阻著相連土地的發展及規劃，政府邊會理哪一間歷史最悠久。

作者: 超人兄弟 時間: 23-9-2010 20:33

引用:

原帖由 Potato 於 23-9-2010 15:53 發表無法啦！如無記錯，第一代的七層大廈應該在七零年代拆卸重建，即現在的石硤尾平台。當年哪有保育意識？而且，美荷樓側埋一面在山腰上，不會阻著相連土地的發展及規劃，政府邊會理哪一間歷史最悠久。

所以咪...o矣~...

作者: adamying 時間: 9-10-2010 17:03

現在深水埗好似已經冇戲院.

作者: 不惑男 時間: 13-6-2011 11:50

多年前拍緊拖同女友在銅鑼灣翡翠戲院買票睇2:30分，當時俾左HK$500大鈔售票員，佢即時放入櫃筒(按守則佢應該先數數收來鈔票然後放在檯面直至整個交易完畢為止)，慢吞吞咁劃票之後找回幾十元；我說還有HK$400呢？他回說我只係俾左HK$100買兩張票；於是大家嘈起上黎。後來售票員叫我先入去睇戲，等佢開場後埋數發覺多左$400便俾返我，我女友怕事叫我地先入場睇戲。入場後與帶位員提起這件事，佢話開場後售票員落左更佢睬你都有味喇，勸我立刻出去交涉攞返。於是我出去搵經理解決，我說我記得鈔票號碼(其實係大佢)，我現在要報警，最後佢終於俾返HK$400我。

為保障自已利益，買票最好

1) 以信用卡(可惜當時唔興)

2) 準備十足錢銀(避免找續)

3) 心中暗記鈔票號碼(如只有大鈔的話)

作者: singingsoul 時間: 13-6-2011 12:17

引用:

原帖由 不惑男 於 13-6-2011 11:50 發表多年前拍緊拖同女友在銅鑼灣翡翠戲院買票睇2:30分，當時俾左HK$500大鈔售票員，佢即時放入櫃筒(按守則佢應該先數數收來鈔票然後放在檯面直至整個交易完畢為止)，慢吞吞咁劃票之後找回幾十元；我說還有HK$400呢？他回 ...

讀過上文, 覺得日後要記得的不是你說那三項, 要學習的反而係:
"我說我記得鈔票號碼(其實係大佢)，我現在要報警"

作者: 不惑男 時間: 13-6-2011 15:02

引用:

原帖由 singingsoul 於 13-6-2011 12:17 發表讀過上文, 覺得日後要記得的不是你說那三項, 要學習的反而係:"我說我記得鈔票號碼(其實係大佢)，我現在要報警"

響香港當然以信用卡或八達通買票最好。響大陸就要打醒十二分精神，大陸人(技術高超)轉頭以你張真鈔換張假鈔，叫你俾過.，我幾個朋友都領過o野...

作者: 白鳥 時間: 13-6-2011 15:42

觀塘三大舊式戲院隨著時代巨輪輾過而消失於大氣中, 令人不聲唏噓.....

三間我都入過場

富都睇過新不了情

作者: celia 時間: 14-6-2011 11:38

官塘富都我都記得細個睇過"千里救差婆",因為最記得條斜路

另外兩間銀都同寶聲都有睇過亦都有經常經過,但睇過咩戲就唔記得了,銀都好似多做武俠片大陸戲???

沙田UA,十幾歲果時成日o係果度睇戲,幾乎乜戲都睇,唔知咩戲都睇,睇過幾多戲真係數唔到

最記得以前睇戲都可以帶野食入去食既,但後來沙田UA實施唔比人帶野食,只可買佢地裡面D食物,至弊又貴,

實施初期仲會搜人袋Tim~冇癮！不過都係會繼續睇既又

而家新裝修唔知變成點???都有一般時間冇去,只知入口改左以前賓仕入口

作者: 白鳥 時間: 14-6-2011 12:03

引用:

原帖由 celia 於 14-6-2011 11:38 發表官塘富都我都記得細個睇過"千里救差婆",因為最記得條斜路另外兩間銀都同寶聲都有睇過亦都有經常經過,但睇過咩戲就唔記得了,銀都好似多做武俠片大陸戲??? 沙田UA,十幾歲果時成日o係果度睇戲,幾乎乜 ...

沙田UA好似裝修咗幾年都未重開

作者: celia 時間: 14-6-2011 14:53

引用:

原帖由白鳥於 14-6-2011 12:03 發表沙田UA好似裝修咗幾年都未重開

係囉好似整左好多年la~~都仲未整好,只係局部地開,

其實以前覺得沙田ua都好細,但細細地又幾骨子,又分多間影院,多戲選擇~幾好~

作者: 白鳥 時間: 14-6-2011 16:32

引用:

原帖由 celia 於 14-6-2011 14:53 發表係囉好似整左好多年la~~都仲未整好,只係局部地開, 其實以前覺得沙田ua都好細,但細細地又幾骨子,又分多間影院,多戲選擇~幾好~

當堂令我諗起

前度同現任嘅年期距離

作者: celia 時間: 15-6-2011 08:17

引用:

原帖由白鳥於 14-6-2011 16:32 發表當堂令我諗起前度同現任嘅年期距離

哦?點解呢?相距幾多?

作者: 白鳥 時間: 15-6-2011 09:37

引用:

原帖由 celia 於 15-6-2011 08:17 發表哦?點解呢?相距幾多?

幾年嘛

作者: celia 時間: 15-6-2011 10:24

引用:

原帖由白鳥於 15-6-2011 09:37 發表幾年嘛

唔.......係咪亦都係等於情傷既康復年期?

作者: 白鳥 時間: 21-7-2011 00:08

引用:

原帖由 celia 於 15-6-2011 10:24 發表唔.......係咪亦都係等於情傷既康復年期?

轉戰場地啫

作者: celia 時間: 21-7-2011 11:39

引用:

原帖由白鳥於 21-7-2011 00:08 發表轉戰場地啫

所以就戰左個現任返黎都多年了應該好穩定吧

作者: celia 時間: 21-7-2011 12:00

o岩o岩先睇到....原來沙田UA爛尾?唔怪得攪咁耐都未得...

原本要整Imax,多年前都有D期待

根據屋宇署消息，署方已准許UA沙田地盤停工至2012年2月，即表示該地盤在今年並沒有復工的希望。而地盤現場棚架外的帆布已完全散落到地面。而各樓層的石屎經長期的風雨侵蝕後，出現的裂縫比半年前更多。繼早前建築鋼柱開始出現生鏽現象外，連扎鐵都開始生鏽。

據消息人士指出，由於UA沙田地盤部份範圍(應該係4-5樓 Imax影院)，超出了政府當年批地條款要求，故需要透過補地價才能解決。但由於補地價賠款非常高昂，故新鴻基無限期停工該地盤發展。有傳新鴻基寧願重新拆卸整座戲院大樓，也不願補地價為大樓復工。

http://wing1990hk.mysinablog.com/index.php?op=ViewArticle&articleId=2908432

作者: 白鳥 時間: 21-7-2011 12:36

引用:

原帖由 celia 於 21-7-2011 12:00 發表 o岩o岩先睇到....原來沙田UA爛尾?唔怪得攪咁耐都未得... 原本要整Imax,多年前都有D期待根據屋宇署消息，署方已准許UA沙田地盤停工至2012年2月，即表示該地盤在今年並沒有復工的希望。而地盤現場棚 ...

商界嘅利益問題永遠影響嘅都係小市民

作者: celia 時間: 21-7-2011 18:13

引用:

原帖由白鳥於 21-7-2011 12:36 發表商界嘅利益問題永遠影響嘅都係小市民

現實既問題...........

其實長遠計應該都可以賺返..... 好過而家咁....

戲院又被迫縮埋一邊.....昔日大門既繁盛景貌唔知幾時可以重現

作者: 超人兄弟 時間: 23-7-2011 00:37

引用:

原帖由 celia 於 21-7-2011 12:00 發表 o岩o岩先睇到....原來沙田UA爛尾?唔怪得攪咁耐都未得... 原本要整Imax,多年前都有D期待根據屋宇署消息，署方已准許UA沙田地盤停工至2012年2月，即表示該地盤在今年並沒有復工的希望。而地盤現場棚 ...

好可惜呀~!

作者: celia 時間: 24-7-2011 10:51

引用:

原帖由 超人兄弟 於 23-7-2011 00:37 發表好可惜呀~!

希望遲D好快會有救啦冇理由"劈"低佢唔理

作者: 超人兄弟 時間: 24-7-2011 12:18

引用:

原帖由 celia 於 24-7-2011 10:51 發表希望遲D好快會有救啦冇理由"劈"低佢唔理

係 lor~...沙田...有感情o既~...話哂睇住佢起...又經常睇戲...

快D起好我o地可以一齊去睇戲 o丫嘛~!

作者: celia 時間: 25-7-2011 10:58

引用:

原帖由 超人兄弟 於 24-7-2011 12:18 發表係 lor~...沙田...有感情o既~...話哂睇住佢起...又經常睇戲... 快D起好我o地可以一齊去睇戲 o丫嘛~!

係呀....有好"新新新新新新厚既簡~~~情呀" 計睇戲次數最多都係呢度la

咪係lor~快D起好咁大家就可以一齊去睇戲啦~~~

作者: 超人兄弟 時間: 25-7-2011 12:49

引用:

原帖由 celia 於 25-7-2011 10:58 發表係呀....有好"新新新新新新厚既簡~~~情呀" 計睇戲次數最多都係呢度la 咪係lor~快D起好咁大家就可以一齊去睇戲啦~~~

he呀he呀~...新厚簡錢ar~...我 do 係睇戲次數最多都係呢度~!

作者: adamying 時間: 26-7-2011 17:45

引用:

原帖由 celia 於 21-7-2011 12:00 發表 o岩o岩先睇到....原來沙田UA爛尾?唔怪得攪咁耐都未得... 原本要整Imax,多年前都有D期待根據屋宇署消息，署方已准許UA沙田地盤停工至2012年2月，即表示該地盤在今年並沒有復工的希望。而地盤現場棚 ...

好明顯係地產商又想偷雞, 成日都係博政府和負責部門唔留意過骨. 所以先攪到咁. 唉............. 戲院已經買少見少啦....................

作者: Wildman 時間: 27-7-2011 11:09

引用:

原帖由 adamying 於 26-7-2011 17:45 發表好明顯係地產商又想偷雞, 成日都係博政府和負責部門唔留意過骨. 所以先攪到咁. 唉............. 戲院已經買少見少啦....................

其實間戲院都係高少少，如果政府可以酌情收平啲地價，可能新鴻基肯制，咁咪双贏囉，
好過而家咁樣呀

作者: 超人兄弟 時間: 27-7-2011 11:31

引用:

原帖由 Wildman 於 27-7-2011 11:09 發表其實間戲院都係高少少，如果政府可以酌情收平啲地價，可能新鴻基肯制，咁咪双贏囉，好過而家咁樣呀

係lor~...政府真係要 [言念 ] [言念 ] 佢

...唔係間o野點收科...

作者: Ron23 時間: 6-8-2011 14:53

麗宫戲院.....两小無猜

快樂戲院......週末狂熱

碧麗宫.....時光倒流七十年

巴比龍.........午夜快車

超級懷念

作者: karmapa_khenno 時間: 6-8-2011 22:19

你美國舞男，我午夜快車

深深深，超人，沖天大火災

盪女痴男……

fficeffice" />God Father II、末代皇帝溥儀、洛奇、First Blood 1 2 3、Top Gun、Back to the Future、洛奇恐怖晚會、未來戰士、監獄風雲、黃飛鴻、感官世界......

睇DVD是沒有電影院感覺的！

作者: ULTRA2020 時間: 7-8-2011 00:05

細個同屋企人去睇第一套戲是在 "南洋" 睇 “白毛女” ~

作者: Ron23 時間: 7-8-2011 01:06

當時去快樂戲院看週末狂熱

很多男仔都着黑色雞亦袖丅 shirt

個個都學差住煲茶 , 很過引 haha

作者: Collins 時間: 20-1-2012 01:14

我第一次約女仔睇戲都係UA沙田
好想重溫談何容易

作者: 白鳥 時間: 24-1-2012 19:46

記得有年同她睇安娜瑪德蓮娜, 好似係第一次請囡囡睇戲

後來, 她已...

往事如煙

作者: Diamond 時間: 30-1-2012 14:35

自從"地產霸權"呢個熱門話題廣泛流傳,

政府對地產商唔會咁順攤架啦

可能最後要拆晒,重新起過

未住過沙田,對UA沙田冇乜"緊錢"

反而好懷念"普慶大戲院"

往事只能回味

亦因為不可能再見了,先令人永遠記喺心入面

各位大哥大姐

有冇同感呀

作者: kcl 時間: 11-7-2013 16:50

引用:

原帖由 luckyrat 於 31-5-2009 07:34 發表戲院回憶錄的確好多嘢寫：我係高佬，當然鍾意戲院每行之座位距離遠些，唔會頂腳！北京道之「新聲」、佐敦道之「大華」、彌敦道/亞皆老街口之「百老匯」、奶路臣街之「百樂門」等都係出名坐 ...

講起尖沙嘴「樂宮」戲院，在當時係非常先進。我記得1963年德明學校曾租用全戲院作慶祝雙十國慶，戲院放影電影的銀幕可以完全升起，後面變成廣闊大舞臺，學生表演歌舞，而教師與嘉賓則發表演說。節目完畢後銀幕又降下來，變回原先戲院一樣，讓同學們繼續欣賞電影。相信香港當時有此先進設備的戲院為數不多。

想當年旺角的戲院區，我經常留漣，看看大堂的放影劇照，看看工餘場有沒有好片。依家千祈咪攪，事關當年香港只得三百餘萬人，旺角的街頭不算太擠踴。依家人口多一倍，交通多十倍，在旺角逛街有壓迫窒息感，單係廢氣噪音已令你吃不消。

總之時光都是兒時的好！

歡迎光臨經典日本特撮●動畫●卡通回憶 (http://oldcake.net./)