經典日本特撮●動畫●卡通回憶

標題: 胡勒奇點解受審? [打印本頁]

作者: yusumnn2000 時間: 24-1-2008 06:51 標題: 胡勒奇點解受審?

是不是因為他醒了然後向自已戰艦開槍？

作者: 聰洛多薩比 時間: 24-1-2008 11:23

呢個問題...

就好似艦長...賽那普斯咁就判死刑...

唔通佢又向艦開槍咩???

梗係唔係啦...

呢個係政治既問題...

你睇下後話就知點解...

作者: yusumnn2000 時間: 24-1-2008 13:51

十幾年前睇完都唔明，咁到底罪名係乜？

作者: 聰洛多薩比 時間: 24-1-2008 18:35

引用:

原帖由 yusumnn2000 於 24-1-2008 13:51 發表十幾年前睇完都唔明，咁到底罪名係乜？

http://zh.wikipedia.org/wiki/%E6%A9%9F%E5%8B%95%E6%88%B0%E5%A3%ABGUNDAM0083_STARDUST_MEMORY

http://www.gundam.org/main.html

入面都略有講述0083既事...

可以睇下...

作者: yeungtk 時間: 10-4-2008 00:27

因絲瑪是聯邦軍在達拉斯內的奸細

(所以絲瑪打死達拉斯)

胡勒奇抗命不肯和絲瑪合作

并打死絲瑪

所以軍法處置囉

作者: 矢作省吾 時間: 10-4-2008 10:27

引用:

原帖由 yeungtk 於 10-4-2008 00:27 發表因絲瑪是聯邦軍在達拉斯內的奸細 (所以絲瑪打死達拉斯) 胡勒奇抗命不肯和絲瑪合作并打死絲瑪所以軍法處置囉

我一直以為「胡勒奇」受審係因為佢擅自動用「GP0-系列」而做咗「聯邦軍」開發核武既替死鬼。

作者: 聰洛多薩比 時間: 10-5-2008 11:06

引用:

原帖由 yeungtk 於 10-4-2008 00:27 發表因絲瑪是聯邦軍在達拉斯內的奸細 (所以絲瑪打死達拉斯) 胡勒奇抗命不肯和絲瑪合作并打死絲瑪所以軍法處置囉

梗係唔係啦...絲瑪係雙頭蛇...

係達拉斯既拍擋...

亦為聯邦軍提供情報...

嚴格d黎講係好似雇佣兵既關係...

邊個可以安置佢地...

咁就幫邊個...

至於胡力奇受審...

主要都係因為...

擅自駕駛GP-01...同埋無阻止強奪高達事件既發生...

同打唔打死絲瑪或者同佢合作可以講係無關係...

作者: 亞力 時間: 11-5-2008 18:36

正確黎講應該係話所有隸屬高雲中將既有關人仕都要接受審查. 原因係巴連尼利用星塵作戰進行政變, 趁機響聯邦軍內奪權. 而亞魯比昂一干人等當時係親高雲派, 所以當迪拉斯事件完結之後就被秋後算帳.

罪名以下:

1. 於澳大利亞多寧頓基地GP02被強奪而導致日後在岡比島觀艦儀式被賈圖利用作核打擊, 聯邦艦隊傷亡慘重.

2. 亞魯比昂強行於宇宙船塢 - 拉比安露斯開動被巴連尼勒令停止測試的GP03D.

3. 當迪拉斯發動星塵作戰利用殖民衛星撞向地球之際, 亞魯比昂是受命聯同絲馬艦隊一齊防衛太陽能大砲Solar System. 但艦長斯納普斯並無將亞魯比昂駛去崗位, 反而去阻止殖民衛星.

由於巴連尼上台後成立泰坦斯, 繼而將GP01, 02, 03既開發登錄消除. 所以法理上歌奧並無罪. 但斯納普斯因抗命令而被判死刑.

[ 本帖最後由亞力於 11-5-2008 19:19 編輯 ]

作者: 亞力 時間: 11-5-2008 19:17

至於絲瑪, 其實佢最初加入迪拉斯只係走投無路. 響一年戰爭時期, 絲瑪係隸屬自護海兵隊, 專門負責一D污糟既任務. 最為人熟悉既係開戰初期向親聯邦既殖民星放G3毒氣大規模殘殺平民. 但當時絲瑪等人並唔知使用既係G3神經毒氣, 上頭只係同佢地講話係一般麻醉氣體. 結果, 自護海兵隊響自護軍內受到極嚴重既歧視. 而絲瑪當時既上司淺倉上校竟然話毫不知情, 將所有責任推向絲瑪. 到一年戰爭完結, 聯邦同自護簽署和平條約(實是自護戰敗投降)後亦拒絕收留絲瑪既海兵隊. 原本想返回自己故鄉既Site 3, 但其殖民衛星已經被基連改建成為殖民星大砲. 絲瑪可以講得上係無家可歸, 而且對自護簡直係極為怨恨.

由於迪拉斯不承認和平條約, 認為係賣國既行為, 所以一直以"迪拉斯艦隊"為名成為地球聯邦同亞古捷斯之外既第三勢力並希望有一日復興自護. 因為迪拉斯須要人手, 所以絲瑪好順利便加入成為其手下. 但絲瑪算準無論星塵作戰有幾完善, 迪拉斯都必敗無疑. 投靠聯邦自然成為佢最後既希望. 絲瑪亦好清楚自己既背景同低底細, 要加入聯邦就必須要先"送賀禮". 於是, 絲瑪便向巴連尼承諾會交出迪拉斯. 可惜最後死在GP03D既零距離光線砲之下.

日本方面既Wiki內講到絲瑪係宇宙世紀內"兩大毒婦"之一, 但同時亦評價佢係一個愛護下属同會因為下属設想既上司. 我就覺得絲瑪既一生可以講係幾慘, 流離失所, 手段毒辣亦只係為左存活. 佢既遭遇比起哈曼其實係更加可悲.

[ 本帖最後由亞力於 11-5-2008 19:23 編輯 ]

作者: 聰洛多薩比 時間: 25-5-2008 23:54

引用:

原帖由亞力於 11-5-2008 18:36 發表正確黎講應該係話所有隸屬高雲中將既有關人仕都要接受審查. 原因係巴連尼利用星塵作戰進行政變, 趁機響聯邦軍內奪權. 而亞魯比昂一干人等當時係親高雲派, 所以當迪拉斯事件完結之後就被秋後算帳. 罪名 ...

其實高雲個邊一早預左比人審架喇...

呢個根本就係政治問題...

無呢d野發生都遲早比人搞掂架啦...

作者: koala 時間: 26-5-2008 13:46

亞力兄的解說很好.

其實我也很喜歡絲瑪這角色哩.

作者: 矢作省吾 時間: 26-5-2008 14:37

引用:

原帖由亞力於 11-5-2008 19:17 發表至於絲瑪, 其實佢最初加入迪拉斯只係走投無路. 響一年戰爭時期, 絲瑪係隸屬自護海兵隊, 專門負責一D污糟既任務. 最為人熟悉既係開戰初期向親聯邦既殖民星放G3毒氣大規模殘殺平民. 但當時絲瑪等人並唔知使用既係 ...

我都係「絲瑪」既超級Fans, 佢真係一個好有魅力既女人!

歡迎光臨經典日本特撮●動畫●卡通回憶 (http://oldcake.net./)