經典日本特撮●動畫●卡通回憶

標題: 自由速成輸入法 - for初學者 [打印本頁]

作者: notnamedg 時間: 20-8-2007 14:47 標題: 自由速成輸入法 - for初學者

http://input.foruto.com/freeqk/
一個可幫到唔識打中文既oldcake快速學打中文,好處在其智慧型漸進式提示功能,打一個key就有字俾你pick,
我幾年前開始學打中文時,完全搵唔位到入門,玩左一陣覺得好灰,如果冇左佢,可能而家都仲用緊手寫,最衰自己好多時連個字都唔係好記得點寫

.

我果時用左幾日後已經開始可以打到七八成想打既字,唔知幫唔幫到大家?

作者: mythz 時間: 20-8-2007 16:12

引用:

原帖由 notnamedg 於 20-8-2007 14:47 發表 http://input.foruto.com/freeqk/一個可幫到唔識打中文既oldcake快速學打中文,好處在其智慧型漸進式提示功能,打一個key就有字俾你pick,我幾年前開始學打中文時,完全搵唔位到入門,玩左一陣覺得好灰,如果冇左佢,可 ...

佢好似和一般的速成無咩分別(繁體輸入)，不過佢好似連打簡體字都用同一方法，

咁又幾特別喎，如果真係得o既話，有時要用到輸入簡體文字o既時候，真係好方便，

不過前提要識寫簡體字，可惜我......識睇唔識寫。

作者: 火馬 時間: 20-8-2007 16:25

引用:

原帖由 notnamedg 於 20-8-2007 14:47 發表 http://input.foruto.com/freeqk/一個可幫到唔識打中文既oldcake快速學打中文,好處在其智慧型漸進式提示功能,打一個key就有字俾你pick,我幾年前開始學打中文時,完全搵唔位到入門,玩左一陣覺得好灰,如果冇左佢,可 ...

可有用過九方呢？打任何字；全靠數字鍵1-9；即可！

http://www.q9tech.com/demo_video/Q9DEMO2.MPG

作者: notnamedg 時間: 20-8-2007 17:13

引用:

原帖由 mythz 於 20-8-2007 16:12 發表佢好似和一般的速成無咩分別(繁體輸入)，不過佢好似連打簡體字都用同一方法，咁又幾特別喎，如果真係得o既話，有時要用到輸入簡體文字o既時候，真係好方便，不過前提要識寫簡體 ...

同MS跟Windows既速成比,分別在可以用一碼輸入,有時個字唔係咁記得點寫/估估下,打一個碼就可以開始搵字,
搵到要果個字既side邊仲有正確速成碼睇,咁就可以睇住來學.

好似可以打繁體/簡體出簡體/繁體,不過我唔多打簡體字,其實就算係內地人,有機會都學下睇繁體字,睇返舊時d唔係太古老既文物時都知道佢講乜.

作者: notnamedg 時間: 20-8-2007 17:23

引用:

原帖由火馬於 20-8-2007 16:25 發表可有用過九方呢？打任何字；全靠數字鍵1-9；即可！ http://www.q9tech.com/demo_video/Q9DEMO2.MPG

係喎,有d似手機輸入,如果要話邊個好用d就各有(千秋)啦,真係要睇返用果個自己本身有咩背景

(唔係果d背景),如果識打字(typing),個人覺得呢個速成都OK.

作者: 火馬 時間: 20-8-2007 22:09

引用:

原帖由 notnamedg 於 20-8-2007 17:23 發表係喎,有d似手機輸入,如果要話邊個好用d就各有(千秋)啦,真係要睇返用果個自己本身有咩背景(唔係果d背景),如果識打字(typing),個人覺得呢個速成都OK.

就算識英文打字指法；學倉詰；甚至速成。亦甚有難度；事關要記咁多倉詰字碼；仲要識解碼。

但九方；則只須；你記得個字點寫；或筆順次序即可！

九方是最易學的；因是很多老人電腦班的教材。

但易學易上手；不代表最好用。（我學過九方與倉詰；比較下；九方易學很多很多倍；但是是否最好用呢？答你唔到勒！因咁耐都係九方；無同其他輸入法比較過）

作者: mythz 時間: 21-8-2007 05:32

引用:

原帖由火馬於 20-8-2007 22:09 發表就算識英文打字指法；學倉詰；甚至速成。亦甚有難度；事關要記咁多倉詰字碼；仲要識解碼。但九方；則只須；你記得個字點寫；或筆順次序即可！九方是最易學的；因是很多老人電腦 ...

其實要學識打中文字並不是一件難事，只係初學者未能正確掌握到要決，

有時唔係初學者有問題，只係教果個教得唔好，令初學者把原理複雜化，

只要懂得基本概念，多睇多打便熟能生巧。

一般而言，只要能打到中文，不論什麼輸入法都是ok的，

主要是那套輸入法是否令初學者容易上手，因為每個人的程度都不一樣。

嚴格來講，九方雖然易用，但並不好用，只係容易上手，它適合用於手機上，

因為手機按鍵並不多，若套用在電腦上，效果肯定比其他輸入法欠佳。

速成和倉頡輸入法，兩者原理是完全相同的，懂得倉頡者必定懂得速成，

反之，懂得速成也未必完全掌握到倉頡，這是因為取碼邏輯問題，

所以很多人都建議初學者先學速成後學倉頡的原因之一 (天資過人者不在此限)。

除非語音輸入法有突飛猛進的技術，否則，倉頡應是現今最快的中文輸入法 (個人認為)，

如果大家有留意招聘廣告的話，大多數的公司都是要求懂得倉頡輸入的，以報紙招聘為例；

最低要求一分鐘60字或以上 (這是以前的要求)，我見過有人可以一分鐘120字以上，

曾經有人就速成與倉頡哪個最快之間作出爭議，當然是沒有結論的！

有人認為倉頡快的原因是因為能直接把該字打出而不用選字 (只是很少情況要選字)，

認為速成快的人是因為熟手的人根本不用用肉眼去選字，他們已經可以把字元的位置記得一清二楚，

不論誰勝誰負，這全都是習慣問題，還是套用那句說話：熟能生巧！

重點：

不要把中文輸入看成筆劃順序，把中文字當圖咁拆就對；

以「車」呢個字為例，如果用筆劃判斷法，好多人都會打「一」呢個碼，那就錯了！

應該以圖形化去處理，把字拆開；

上十

中田

下十

(車 = 十田十)

碼其實唔係太多，一理通百理明而已

PS. 每個輸入法都有它的長處及短處

[ 本帖最後由 mythz 於 21-8-2007 05:33 編輯 ]

作者: 火馬 時間: 21-8-2007 10:51

引用:

原帖由 mythz 於 21-8-2007 05:32 發表其實要學識打中文字並不是一件難事，只係初學者未能正確掌握到要決，有時唔係初學者有問題，只係教果個教得唔好，令初學者把原理複雜化，只要懂得基本概念，多睇多打便熟能生巧。 &nbs ...

多謝兄台的詳細回應；令我學到唔少野！

作者: 移民翰 時間: 22-9-2008 14:48

引用:

原帖由 notnamedg 於 20-8-2007 14:47 發表 http://input.foruto.com/freeqk/一個可幫到唔識打中文既oldcake快速學打中文,好處在其智慧型漸進式提示功能,打一個key就有字俾你pick,我幾年前開始學打中文時,完全搵唔位到入門,玩左一陣覺得好灰,如果冇左佢,可 ...

速成的速成班要幾耐呢？

作者: wwl36 時間: 22-9-2008 15:10

引用:

原帖由 移民翰 於 22-9-2008 14:48 發表速成的速成班要幾耐呢？

速成其實係頭尾筆畫,幾好用如記得話(除小弟),所以小弟用Windows自有手寫版

作者: 移民翰 時間: 22-9-2008 15:13

引用:

原帖由 wwl36 於 22-9-2008 15:10 發表速成其實係頭尾筆畫,幾好用如記得話(除小弟),所以小弟用Windows自有手寫版

未試過速成！我用滑鼠寫字

作者: 綠寶210 時間: 22-9-2008 19:15

引用:

原帖由 移民翰 於 22-9-2008 14:48 發表速成的速成班要幾耐呢？

學速成法要幾耐?

我相信天資高者, 一個星期可以學會.

自己則用了兩個星期背了那26個字母, 有時間者其實一兩日已可以搞掂.

學拆字, 學組合, 記起小部份較特別不常見字, 呢個就要耐少少, 快者其實三四天就搞掂.

自己就總共用了一個月時間 , 邊學邊打, 好快就學會了.

中文打字其實幾好玩, 好似玩遊戲咁.

歡迎光臨經典日本特撮●動畫●卡通回憶 (http://oldcake.net./)