讀書時老師講個D好笑或有所感動的話.

有D乜野老師講過老餅們重記得呢? 有D老師講D野好"呆居"....

大家攞出來分享吓!

記得有個同學話:「希望打波出人頭地!」, 我 "Miss" 竟同佢講: 「「香港」同「亞洲」足球都係一樣...冇前途....冇錢搵!!」

六年級時有日個Miss講印度...特然有個同學大叫印度神油.

個Miss問他知唔知係乜. 我地話唔知.

她笑笑口說印度神油係咸濕油大個仔你地會知有乜用.....

E+大個仔都未洗用.

以前D老師通常都好嚴肅好少講笑話,又好少同老師咁close,多數都係講書本野

諗起有個中史阿sir講過既說話, 唔知算唔算係笑話

有次上上下中史堂,有個主任突然開mic宣佈D野啦,攪到阿sir講到一半就停左,

宣佈既內容唔記得係咩la..應該係D唔係咁重要既野定係咩..總之聽完之後可以當冇事發生過

跟住阿sir就開始講野喇..仲要帶點諷刺咁講返果個宣佈點點點......之後竟然仲彈左一句出黎 ''都冇文化既''

攪到個班房氣氛特然間高漲左,成班一路笑一路係咁 ''哦..''佢,咁樣話果個主任

之後果個主任黎上我地堂,一入到黎D同學就係度偷笑,攪到佢要忍唔住叉腰咁問咩事

估唔到D同學一五一十咁話返比個主任聽,連最後果句 ''都冇文化既''都講埋,聽完個主任突左一突,仲好小心咁問返黎確認 ''佢真係咁講?''

得到D同學肯定咁答佢 ''係呀''之後...佢塊面"火農"左....

佢既說話應該唔好笑掛...只係佢既態度...佢一向都有D招積..估唔到會老師話老師...有D意想不到...

中四/五個年有個中文老師....好古怪. 他姓古有名你叫個英文名重古怪.....

有一日他上中史堂尾時特然問前排一個同學對同性戀有無興趣....

全班同學即時靜如深海....他再說你地對同性戀無興趣我都無辦法下個國文堂我都會講....你地都要聽.

個課書係講同性戀...梁惠王斷袖分桃之癖...

咁佢個英文名叫咩呀?

Dracula

下...英文名叫Dracula?殭師..?

對! 你識佢.

如果你識佢我可能識你.....

唔係殭師....係吸血殭師尼古拉.....

唔怕生壞命, 至怕改壞名。

我識得有條友叫「 Carl Gu」, 佢做人真係樣樣靠估!!

好彩, 我唔係姓古...老師成日話我姓賴

話時話, 我哋都有個 Oldcake Member 叫「Dracula」喎….唔通係佢??

............. http://www.oldcake.net/space.php?uid=258 .............

有兩句經典， 不過係兩個舊同學角非老師講， 但亦很震撼。

1. 當年少年15,20時， 成班單身寡仔慨歎無女， 某君奉勸云： ' 眼角不要太高， 正所謂好醜都係肉！ '

2. 另一位答道： ' 冇錯！ 豬扒也是肉！！ '

p.s.  豬扒二字當時其實是兩個粗口字。 在此不能出街，以豬扒代之。

我都記得句舊同學記念冊的說話：「頭可斷！血可流！Girlfriend不可不追求！」

老師的明言：「你唔好問學校點解俾唔到D乜你！你問自己對學校做左D乜o野貢獻先！」

(開頭聽都好感動！後來知佢copy甘迺迪總統」

你老師都算奇怪.....

不過中四個年有個教中國文學呀sir姓何叫"奶 x". 近學期尾特然走來問我同則邊幾個同學有無興趣學易筋經.....

佢話佢自己只是識內家, 易筋經分內家兩家. 佢個師兄識外家易筋經拳所以好好打....如果想學內家易筋經暑假期間可以找他....

當他行開時我地異口同聲話神經病.

如果佢當時話識如來神搿掌我一定學....  

功夫?!

東兄你錯了! 唔係功夫! 係內功!

可能依家D老師仲神奇仲堅, 能在此日日變, 超高壓的環境生存.

還能堅持下去努工作, 肯定個個要有異能及內功深厚!!  

所以e+的老師好多都心理不平衡.....

不會向強權低頭.....心理不平衡又唔係D衰野可以睇醫生...不過找的唔好有心理不平衡的醫生.

因為醫生都有好大壓力.