經典日本特撮●動畫●卡通回憶

標題: 刀劍笑~~正! [打印本頁]

作者: toby 時間: 17-9-2006 16:17 標題: 刀劍笑~~正!

"刀劍笑"是我中學時最迷,連主編劉定堅都咁堅,後來更被拍成電影,由劉德華,斯琴高娃,徐錦江,林青霞,吕良偉,于莉等演出!可想而知有幾大面子~~

作者: 任因玖 時間: 18-9-2006 01:39

第一段江湖真係好正, 正邪決後, 開始有小小拖, 而且有d亂.

最戇居的水上活動, 就是一個人跌進愛河.

[ 本帖最後由任因玖於 14-2-2009 09:31 編輯 ]

作者: karmenv3 時間: 23-9-2006 01:05

我like笑三少同佢女友..初............死啦究竟佢女友叫初一定初七呢？

唔記得添！

作者: 任因玖 時間: 23-9-2006 01:38

初一

最戇居的水上活動, 就是一個人跌進愛河.

[ 本帖最後由任因玖於 14-2-2009 09:31 編輯 ]

作者: 火馬 時間: 23-9-2006 21:00

引用:

原帖由 toby 於 17-9-2006 16:17 發表 "刀劍笑"是我中學時最迷,連主編劉定堅都咁堅,後來更被拍成電影,由劉德華,斯琴高娃,徐錦江,林青霞,吕良偉,于莉等演出!可想而知有幾大面子~~

可惜唔多收得

作者: spectreman 時間: 24-9-2006 12:46

最有印象：呆產！絕不呆！

作者: 幻之聖騎士 時間: 14-10-2006 01:33

笑三少既女朋友叫初一~~ 最鍾意笑三少既必殺技，單手"倒樹衝"既"天下無敵"，勁呀第一次對八仙既果場，勁吸引八仙賀壽，不留人頭~~

作者: spectreman 時間: 14-10-2006 10:27

名劍入魔道(好似係取替咗低首梟雄)，我覺得最正！

作者: devil1289 時間: 1-11-2006 21:22

刀皇和小李飛刀都好巧呀

作者: spectreman 時間: 4-11-2006 13:08

I have forgotten why 低首梟雄's head was always down. Can anyone tell the story??

作者: actionkamen 時間: 6-11-2006 23:23

其實後來從其他討論區內，有人話劉定堅係抄溫瑞安，溫瑞安當時算是半紅不黑的小說家，而劉定堅仲同佢做埋朋友，有時響專欄大擦佢鞋，所以溫生唔好意思告佢！由於我無睇溫瑞安的小說，所以有待求證。近來獄狼出的四大名捕及說英雄誰是英雄漫畫中的人物及機構的確與刀劍笑的相同，而低首梟雄相信是抄狄飛驚，還有甚麼六分半堂，唐門，神州大俠簫秋水......

作者: spectreman 時間: 8-11-2006 20:38

引用:

原帖由 actionkamen 於 6-11-2006 23:23 發表其實後來從其他討論區內，有人話劉定堅係抄溫瑞安，溫瑞安當時算是半紅不黑的小說家，而劉定堅仲同佢做埋朋友，有時響專欄大擦佢鞋，所以溫生唔好意思告佢！由於我無睇溫瑞安的小說，所以有待求證。近來獄 ...

神州奇俠，蕭秋水救岳飛，那么好看，何解今時今日，冇漫画，冇戲，冇劇集？唔明

作者: 摩佬 時間: 22-11-2006 00:25

絕對係馮志明最好的作品.. 笑三笑每次哭的時候會用手蓋著雙眼然後大笑，好有印象。

作者: 任因玖 時間: 6-12-2006 21:08

名劍入魔都係抄日本漫畫的/!!!!!!

最難墮的胎, 就是你我各懷鬼胎.

[ 本帖最後由任因玖於 14-2-2009 09:32 編輯 ]

作者: EDDDDIE 時間: 18-12-2006 14:19 標題: 七步成詩

嗰時覺得七步成詩首詩都幾正吓...

耀如羿射九日落矯如羣帝摻龍翔來如雷霆收震怒罷如江海凝清光但依家細心諗吓又好似覺得意思唔係幾通...

作者: 紫龍 時間: 18-12-2006 14:33

引用:

原帖由 EDDDDIE 於 18-12-2006 14:19 發表嗰時覺得七步成詩首詩都幾正吓... 耀如羿射九日落矯如羣帝摻龍翔來如雷霆收震怒罷如江海凝清光但依家細心諗吓又好似覺得意思唔係幾通...

係唻自詩聖杜甫觀公孫大娘弟子舞劍器行 [ 本帖最後由紫龍於 18-12-2006 14:37 編輯 ]

作者: EDDDDIE 時間: 18-12-2006 14:46

哦...原來真有其詩...謝謝

版主好勁啊~

作者: ncnd 時間: 29-1-2007 23:39

本人路經本來唔想出聲不過一講開刀劍笑同大家所講過既問題奈不住要講句... 對劉定堅同馮志明合作既呢部「刀劍笑」係老抄溫瑞安既作品而且係勁抄好多主要係抄「說英雄說是英雄」「四大名捕」等其餘既大家應知道還把古龍的小李飛刀靈犀一指都抄真係武林大集會我以前都有同網友講過話劉定堅刀劍笑好抄人既然如此不如看正版溫瑞安作品怎料卻被人寸話老劉既好睇真係唔得飲水思源... 溫瑞安唔算係個好作家因為佢好牙擦擦比老劉有得揮不過見到咁多人都抄佢既野佢係有資格牙擦既 (ps 而家老馮既霸刀初初既時期都係抄老溫雖然他跟老劉不合則去但對溫瑞安作品的情懷仍有倦戀不過老馮既作品通常大起大落但也總好過老劉的作品刻薄詭毒(人如其作品呵呵呵) 鬼才大導演徐克很多武俠作品既打鬥與分鏡其實也用了溫瑞安的小說寫作描寫溫瑞安的確係當代影響深遠既武俠作家)

作者: 七叔 時間: 19-2-2007 23:45

引用:

原帖由 ncnd 於 29-1-2007 23:39 發表本人路經本來唔想出聲不過一講開刀劍笑同大家所講過既問題奈不住要講句... 對劉定堅同馮志明合作既呢部「刀劍笑」係老抄溫瑞安既作品而且係勁抄好多主要係抄「說英雄說是英雄」「四大名捕」等其餘 ...

我就覺得劉定堅同馮志明合作既呢部「刀劍笑」唔算係老抄溫瑞安既作品, 只是用了他一些主它主角的設定. 如「刀劍笑」(蘇夢枕, 狄愁飛,王小石), 」「四大名捕」; 故事結構就是劉定堅創作的. 不過劉定堅就真的很用心思係文字上, 加上馮志明畫功獨有的詩意及水墨技巧. 造就了此經典. 而溫瑞安就真的是很出名及現在仍很蜴銷的小說家, 不過我就不太喜歡. 他的作品太似古龍, 文字又太造作, 故事更不太連貫.............. 有點走火. 尤其他出獄後的作品, 近年更專注返大陸溝女........ 不過比王易好小小....... 看過他的作品後, 我會更惋惜古龍的離去. 人們只懂金庸, 不懂古龍對往後小說家的影響............ [ 本帖最後由七叔於 20-2-2007 10:34 編輯 ]

作者: rodney 時間: 7-9-2007 02:03

第一段江湖真係好正!!.....over ten years !!!!!

作者: aiselo 時間: 7-9-2007 23:14

刀劍笑，確是令人感覺同期漫畫中，最有成續。

比之龍虎門、天下，雖然是新手，但在當時來說可以算是三分天下。'

亦因為刀劍笑而自己學創作了寫小說。

至於是抄人的就不知道，因為對於被抄者不熟。所以並不知道。

而據傳刀劍笑創作前是有一個非常大綱，所以故事是順著其設定舖排而有一氣呵成的感覺。

及後，因為兩位創辦人的發展有分歧，而令後故事不吸引。

作者: 任因玖 時間: 7-9-2007 23:54

正邪決後,吸引力大大減低,

雖然名劍入魔係一個好的嘗試,

但人物太多,

而橫刀的三個仔又不太突出,

結果

作者: George 時間: 24-12-2007 12:42

玖哥,

我同你意見一樣,正邪決後,除名劍入魔有D睇頭,其他就無眼睇.

作者: akaichoi 時間: 6-3-2008 10:53

我最最最最最最最唔鍾意係名劍斷手.......

作者: coffee 時間: 6-3-2008 11:43

引用:

原帖由 任因玖 於 18-9-2006 01:39 發表第一段江湖真係好正, 正邪決後, 開始有小小拖, 而且有d亂. 最戇居的水上活動, 就是一個人跌進愛河.

劉定堅. . . .正~~

作者: birdupman 時間: 5-10-2008 18:06

呢套香港畫我唔唔知係咪真係抄
除左抄人名, 咁劇情有冇抄??
我覺得如果刻情有抄才算抄
如田木2是抄人名的話我覺得不算了

不過點都好
呢套漫畫比起同期的天下, 龍虎門真係係好正
刀決, 師徒莫問, 八仙賀人壽, 不留人頭, 正邪決等真係好正
而且毒劉同期的賭聖傳奇前五十期和狄克戀曲都很好看啊
真係唔可以抺殺毒劉的創作能力
可惜佢真係衰自己, 攪咸書, 真係自己攞黎

作者: 虎榮 時間: 8-2-2009 17:07

引用:

原帖由 toby 於 17-9-2006 16:17 發表 "刀劍笑"是我中學時最迷,連主編劉定堅都咁堅,後來更被拍成電影,由劉德華,斯琴高娃,徐錦江,林青霞,吕良偉,于莉等演出!可想而知有幾大面子~~

其實套戲好差, 我指個劇本! 除左套用部份人物, 所有情節同原本故事根本無關! 如果重新選人拍過刀劍笑, 應該揾D氣質同原著人物接近o既演員, 以下純屬老吹, 因為時空問題, 個完美casts根本無可能同時出現! 大家可能有其他意見都唔定!

橫刀:首選系"影之軍團"時期(80s)o既千葉真一, 佢握刀o既姿勢同表現力真系型到爆, 加上奪愛刀又系長刀, 應該好有說服力, 可惜佢個年代同刀劍笑年代唔同, 如果現在選角可能赤壁-胡軍o既氣質會適合,但外形可能單薄左少少 !

名劍:首選系拍蜀山劍俠傳同楚留香時代o既鄭笑秋, 同白髮魔女傳時代的張國榮, 佢兩個無論正邪造型都好惦, 最緊要系舞起把劍黎似模似樣, 依家o既金成武眼神太柔, 只適合演入魔前o既名劍, 同埋唔知佢舞劍好唔好睇!

笑三笑: 梁朝偉! 我攞佢"行運超人"個笑樣同自己d漫畫書比較過, 同笑三笑竟然有七分似!

顧彩水: 首選當札時期的林青霞及鞏利, 她們演攻於心計的毒美人真是一絕, 于莉其實也不差!

初一: 依家o既楊彩妮

其實我系由刀決才開始追看刀劍笑, 之後出左12分力, 在深水涉將所有之前miss左d期數訂返, 一直追到慘不忍睹罷睇為止! 據佢地自己講, 刀劍笑最好賣時, 都只不過同天下相差數百銷量我認為整個刀劍笑故事脈絡有3個高峰期

刀決(經典 - 日麗中天)
正邪決(okay - 漸走下坡)
新決湖初段, 即名劍入魔開始至與橫刀決鬥為止(圍攻一絶天宫呢個驚天殺局,重有刀劍對決時的"開天霹靂殺龍勢"到依家我都好有印象, 可謂刀劍笑廻光反照之作, 之後o既太上皇七大限神功就真系預言左刀劍笑大限已到!)

刀劍笑在步進新江湖後漸走下坡, 主要因為劉定堅同老馮出現制作分歧, 以往一個負責storyline, 一個負責畫, 拆伙後, 老馮要作埋個故事, 呢樣唔系佢長項, 結果有目共睹, 佢雖然曾經努力嘗試將成個故事由頭畫過,我都有買過修訂故事後的紅樓夢, 但系條storyline真系變左致命傷,加上佢當時要傔顧霸刀出版, 畫功有退步之嫌, 重畫成件事最終好似不了了之!一代名書, 從始湮没於漫畫江湖之中, 真可惜!

講開低首梟雄, 好似有網友問佢低首o既原因, 其實在第二代江湖中已交代. 佢俾太上皇打敗之後, 臨終之前對名劍吐露身世, 原來佢系前朝太子, 因為未能復國, 所以只好屈服當今天子腳下, 逼自己永遠低首於人前, 他叫自己作顧盼君, 就系因為佢心中仍然顧盼本來應該屬於佢自己的皇位, 所以佢住o既地方亦叫紫禁寨, 有九頭龍座, 不能稱雄天下, 亦要稱霸江湖咁話! 佢最後教名劍將佢自己屍身煉成丹藥服下, 以吸龍氣, 好讓他魔功大增, 跟手以風魔之劍殺敗未練成七大限神功的太上皇, 登上新皇位!

[ 本帖最後由虎榮於 8-2-2009 18:21 編輯 ]

作者: 聰洛多薩比 時間: 9-2-2009 19:10

引用:

原帖由虎榮於 8-2-2009 17:07 發表其實套戲好差, 我指個劇本! 除左套用部份人物, 所有情節同原本故事根本無關! 如果重新選人拍過刀劍笑, 應該揾D氣質同原著人物接近o既演員, 以下純屬老吹, 因為時空問題, 個完美casts根本 ...

而家刀劍笑完左未呢???

有時拖得太耐都唔係咁好睇咋喎...

作者: 虎榮 時間: 10-2-2009 01:11

引用:

原帖由 聰洛多薩比 於 9-2-2009 19:10 發表而家刀劍笑完左未呢??? 有時拖得太耐都唔係咁好睇咋喎...

我睇到第二代江湖'白玉龍仙聖祖師爺'被殺後, 就開始罷睇! 雖然以後好多期都系心郁郁買左返屋企, 但係無心機睇, 依家重放左起書架! 不過以我所知個故事應該完左, 起碼報紙檔唔見有新版同舊版o既野再出書! 後期故事同霸刀有少少關系, 因為霸刀江湖明顯設定在刀劍笑第二代江湖之後!

作者: maymay 時間: 8-5-2011 13:48

我鍾意唔拜年識天外飛仙果個王小二fficeffice" />

作者: aiselo 時間: 8-5-2011 23:48

或者可以這樣說，部份是以別人的故事來作藍本，而事實上，天下文章一大抄，只是抄的時候，是搬字過紙，還是作為一個構思。如果借用別人的構思再去想，這又算不算抄呢﹖因為前人已寫了的故事，後者再說，就好像偷橋。但像『如來神掌』這四個字，時不時都有電影或漫畫提及，那麼算得上是抄了......

另外，刀劍笑有另一個元素，會將一些時下人物加進漫畫內，印像中有達明一派........

同時會有一些唐詩演化成武功招式或人物。如橫刀奪愛、床前明月光等等。

作者: CC715 時間: 10-7-2011 18:46

我第一本儲既港漫就係刀劍笑,係同學介紹,刀決之前都幾好睇,不過之後覺得痳痳,仲記得第1期係88年6月16日出版,賣4.5元,第一本過膠既港漫好似係佢

歡迎光臨經典日本特撮●動畫●卡通回憶 (http://oldcake.net./)