經典日本特撮●動畫●卡通回憶

標題: 銀光2000 [打印本頁]

作者: Ricky00893 時間: 11-9-2006 21:24 標題: 銀光2000

歡樂今宵內既節目，香港制作既超人片

作者: 高立 時間: 11-9-2006 22:19

主角係張五郎 , 女助手係施明 , 反派有盧海鵬前妻, 不過做咗無幾耐就被腰斬.

作者: spectreman 時間: 12-9-2006 13:37

最記得第一集嘅反派，就係一個隻手會變魔爪嘅博士，由關鍵扮演。張午郎太木訥啦！

作者: 高立 時間: 12-9-2006 13:39

所以佢都無得做啦 !

作者: kidult 時間: 13-9-2006 18:18

嘩，呢套真係經典啊！我諗係無線唯一一套自己拍o既超人片。仲記得張午郎拋條腰帶上半空，跟住嗌一聲"銀光2000"然後跳上半空，打個斤斗，穿起腰帶，咁就變左身。

作者: spectreman 時間: 13-9-2006 18:59

可惜，THE FIRST AND THE LAST!

作者: TIP 時間: 7-10-2006 18:05

主題曲是:- "xx夠機警,同智勇氣力強勁,齊來殺奸匪,要匪黨焦一個剩"

作者: yvjfhm 時間: 30-4-2007 00:15 標題: 76年EYT銀﹖俠(張午郎演)

在1976(or77年)歡樂今宵有一個單元，由武打演員張午郎扮演，名字忘記了是銀電俠，還是銀影俠。故事有D似Batman或青蜂俠之類，唔知各位網友仲有冇印像呢？　記得的起碼接近40歲or超過40，因為實在太耐。但至少仲記得隻主題曲係譚炳文唱。

張午郎以前演過不少工夫片，所以好打得，不過冇好似黃元申咁紅起來，之後曾在80年代成龍的A計劃續集扮殺手，好似後來去左外國當教頭。

作者: Potato 時間: 30-4-2007 00:26

叫「銀光2000」。

作者: 矢作省吾 時間: 30-4-2007 10:51

「銀光2000」我記得! 但我未到40喎!!

套嘢好似仲有「甘國亮」?! 定係咪 EYT 好似仲有套叫類似既叫「閃電俠」?? 有冇人可以 Confirm??

[ 本帖最後由矢作省吾於 30-4-2007 11:10 編輯 ]

作者: 超人兄弟 時間: 30-4-2007 13:01

有啲印像呀........奇幻,科幻單完劇!!

作者: yvjfhm 時間: 30-4-2007 18:24

引用:

原帖由 Potato 於 30-4-2007 00:26 發表叫「銀光2000」。

我好記得係76年EYT播出，因為我當時讀P.1，之後無線又冇重播過，更唔會出VCD。我查Google一些網絡留言，都搞錯左以為係黃元申演。

我依稀記得張午郎演的銀光俠(應該係囉)有個機地，有兩三個女助手，拍攝手法同幻海奇情差不多，菲林拍攝好重電影感。張午郎一般都穿上銀色制服戰衣，但有時又只著西裝。　(假如當年TVB搵未紅的成龍去演銀光俠，一早便出VCD。)

作者: Potato 時間: 1-5-2007 00:13

個女助手係施明。奸角是關鍵（好似係）及上官玉（肯定係）。銀光2000平時係油站工人，個基地喺油站底。

P.S.我都未夠40。

作者: swirljem 時間: 24-7-2007 06:09

好似後來被腰斬﹐因為反應唔好。三色台一貫作風﹐唉﹗

作者: 賭俠 時間: 23-8-2007 18:46

引用:

原帖由 Potato 於 1-5-2007 00:13 發表個女助手係施明。奸角是關鍵（好似係）及上官玉（肯定係）。銀光2000平時係油站工人，個基地喺油站底。 P.S.我都未夠40。

有一輯係有李家鼎做奸角, 力大無窮

男主角叫銀光2000係認為佢有公元2000年人類的智慧,所以我地犀利d啊

作者: 火馬 時間: 23-8-2007 21:32

引用:

原帖由賭俠於 23-8-2007 18:46 發表有一輯係有李家鼎做奸角, 力大無窮男主角叫銀光2000係認為佢有公元2000年人類的智慧,所以我地犀利d啊

真唔講唔知！

來家鼎好似有棚假金牙！（定鋼牙？）

當年都有睇；水準同日本特攝片爭九條街；點解睇？當年娛樂少嘛！

作者: bozero 時間: 18-9-2007 20:16

想不到重有人記得. 我識的同齡都不記得有這套.

作者: 范占士先生 時間: 27-11-2007 12:31 標題: ^0^ ~~ 銀光 2000

銀光 2000

係夠機警，人智勇氣力強勁！

誓殺奸匪，要匪黨無一個剩。

出招夠精，出手夠醒，

虎虎勇威，佢次次獲勝，

佢一生戰斗魔星。

係夠機警，人智勇氣力強勁！

誓殺奸匪，要匪黨無一個剩。

（由炳門主唱）

電油站工人亞明（張午郎），戴超跨張近視眼鏡，平日論論盡盡，儍下椶下又一日。變身之後叫銀光 2000，好打到不得之了。個身度仲有 D 小道具（好似占士邦甘），連鞋底都有架！

佢個好拍檔搛助手搛紅顏知己亞花（施明），平日嚮電油站度做收銀，鬆身衫成個桶甘。變身之後叫籃鳥，朿頭同成身性感緊身衣。記憶力極強，聰明到飛起。

銀光 2000 個基地嚮電油站地底，裏面有個？？博士，專門負責收集情報，發明/制做/修理銀光 2000 既小道具，最重要緊係派任務比佢做啦！

佢地個敵人叫做魔鬼博士，有一男一女助手，每次佢諗到 D 咩計劃，都會習慣性嚮自己副啤牌度抽一隻，然後交比果個人去做。佢老人家副牌有 54 隻（包括 2 隻小丑），不過就用一隻少一隻囉（比銀光 2000 打死左）。

李家鼎果集有少許印像，佢做科學怪人。個頭是犯罪天才，對手臂係拳王，個身係軍人，對腳是長跑選手的，之後由魔鬼博士將佢合成。

其中有一集，係 “當時” 既靚女陳復生做奸角的。

銀光 2000 有架專用跑車，亮相過一次甘大把。

係記得甘多啦，有 D 暈！

作者: 999 時間: 27-11-2007 14:14

引用:

原帖由 范占士先生 於 27-11-2007 12:31 發表銀光 2000 係夠機警，人智勇氣力強勁！誓殺奸匪，要匪黨無一個剩。出招夠精，出手夠醒，虎虎勇威，佢次次獲勝，佢一生戰斗魔星。係夠機警，人智勇氣力強勁！誓殺奸匪，要匪黨無一個剩。 ...

睇嚟你D老人痴呆好返晒路wor!?

作者: actionkamen 時間: 27-11-2007 22:10

引用:

原帖由 999 於 27-11-2007 14:14 發表睇嚟你D老人痴呆好返晒路wor!?

應該係嚴重0左law！老人痴呆係記憶力由近至遠衰退wor！（說笑而矣

，請唔好介意）

多謝笵占士先生，連主題曲都記得實在佩服！

作者: kidult 時間: 27-11-2007 23:42

引用:

原帖由 范占士先生 於 27-11-2007 12:31 發表銀光 2000 係夠機警，人智勇氣力強勁！誓殺奸匪，要匪黨無一個剩。出招夠精，出手夠醒，虎虎勇威，佢次次獲勝，佢一生戰斗魔星。係夠機警，人智勇氣力強勁！誓殺奸匪，要匪黨無一個剩。   ...

高手！佩服。

作者: tangyukkuenbob 時間: 20-7-2008 02:19

"銀光2000"於當年在EYT播出時(1976年),我祇得5歲咋!

由於當年我是很喜歡日本超人片,儘管它是本港(TVB)製作,但仍是很喜歡,因此我對此片至今仍是印象猶深,至少我仍能記得此片之男女主角,分別是由張午郎先生及施明小姐(即是李家鼎之前妻)所飾演,而其主題曲則是由譚炳文先生所主唱.

但我當年在追看此片不久後,便發覺故事似乎仍未有結局交代前,便已沒有再繼續播出,當時由於年紀少而不知到底是怎麼一回事,及後才知道原來是因此片反應欠佳,而被TVB特意中止播出(即是被腰斬),真可惜!

作者: 拾實什習窄炸集 時間: 22-7-2008 00:33

引用:

原帖由 tangyukkuenbob 於 20-7-2008 02:19 發表 "銀光2000"於當年在EYT播出時(1976年),我祇得5歲咋! 由於當年我是很喜歡日本超人片,儘管它是本港(TVB)製作,但仍是很喜歡,因此我對此片至今仍是印象猶深,至少我仍能記得此片之男女主角,分別是由張午郎先生及施明 ...

no more than a month right ?

作者: tangyukkuenbob 時間: 22-7-2008 01:14 標題: 回覆"拾實什習窄炸集"

我已不能記得它當時是否播出了不足一個月便被腰斬(它當時是逄星期一至五晚在EYT中每集播出15分鐘左右).

不論如何,我總覺得此片之腰斬,亦間接地形成一個所謂污點,因而致使當年充滿小生相之張午郎先生不能在TVB當紅起來.他後來祇能在TVB之節目中擔當一些小角色(起碼並非是什麼大主角),亦於不久後便離開TVB,而在電影圈中繼續發展,但於幕前也再沒有什麼大發展.據聞他近年已退居於幕後發展(相信他現在已超過50歲),並同時擔當什麼潛水及武術上之教導工作.

作者: 寨晏t路卜 時間: 31-12-2016 14:33

呢套野宣傳好少,套野又短,又冇係歡樂今宵指定時間播,鬼鬼鼠鼠咁播.
唔掂係肯定的了.

歡迎光臨經典日本特撮●動畫●卡通回憶 (http://oldcake.net./)