套件係類似美勞嗰種用紙, 木, 布, 毛冷, 膠珠之類零件姐合, 唔想聞油漆味或者嫌噴油煩, 呢類模型係一個唔錯選擇
不過缺點就係有啲部份係比唔夠或者零件質素差要自己加工或者搵其他代替品; 亦都會存在某啲零件上色差而要自行重新上色(木櫃, 暖爐就係例子)
呢盒係再版, 同初版分別就係啲漫畫變哂其他而唔係叮噹, 入邊啲漫畫係彩色影印初版嘅, 同埋牆紙, 其他物件細心睇係有少少分別, 不過對整個主體冇影響. 原盒跟嘅兩個公仔外形太肉酸而自行加返扭蛋落去, 美中不足係尺寸細咗啲; 拉線加燈就比說明書陰咗, 應該係拉哂線先入牆但係提都冇提, 到後來加燈先知而要起返個雜物櫃出黎, 最後開埋燈確保著得到就加三塊亞加力透明片做罩防塵
再過多幾日就係阿妹結婚兩週年, 識咗廿幾年點都對呢位朋友有啲心意, 舊年就整咗個類似公主嘅房間加兩個海賊王海軍公仔, 今年呢個希望佢都佢先生都鍾意~

零件有時會出現顏色脫落或者係唔統一, 自己就會重新上色, 不過因為係木料關係, 要用水性油而唔係用硝基油(俗稱油性油---如郡氏), 重新上色部份係書櫃同暖爐, 可以睇到個對比: