術時！..............

因為怕怕,所以决定唔做,好險.

佢地自己好清楚知道呢Ｄ激光手術嘅成長歷史，失敗過案究竟有幾嚴重；當然佢地都會盡最大能力去掩飾呢Ｄ一切行內醜聞，唔俾一般市民知道，而且現在據稱仍有百分之一嘅手術失敗風險．．所以所有眼科醫生都唔會攞自己對眼嚟去冒險！

我有一次係圖書館，睇到一本大陸Ｄ眼科專家寫嘅激光矯視手術書籍（而家我忘記咗書名啦，但你地應該搵得到嘅），佢話激光矯視係削薄你隻眼嘅角膜去改變／遷就光線喺眼球內嘅對焦！雖然話好專業計算得好準確，但整個過程係不可能逆轉！即係話，手術後切割咗嘅嘢就係永遠無咗！無得返轉頭！萬一受到感染，就超級大忍鑊！

（當然做激光手術Ｄ醫生／專家會事前同你講，呢Ｄ失敗嘅風險係好低好低．．其實，因為你當時未俾錢啦．哈哈！ ）

而且有次唱歌嗰個肥師奶Maria，多年前曾經係電台節目講過，佢有個飛機師朋友去做激光矯視手術，但之後唔好彩受感染，一對眼真係盲咗！！！

所以佢奉勸大家，千萬唔好咁勇，一次過做晒兩隻眼！ 至少保險Ｄ，衰咗都仍有一隻眼去睇嘢．．．（但我認為，之後其實你已經無咗立體視覺 ，日常生活會好唔方便，甚致危險：例如落樓梯會好易仆街碌落去∼ 唔係講笑！你掩蓋一隻眼試吓，就會完全明白嗰種感覺係點．．）

我當年幸好咁啱有聽到佢嘅電台節目同勸告，所以即使將來好有錢，我都永遠唔會考慮呢Ｄ咁嘅嘢啦．．

所以嗰個台灣眼科名醫，算係仍然有Ｄ良心，臨老做番Ｄ好事．．（不過我黑心，估佢應該早已搵夠上岸！）