細細個背左一堆跑車名，主要啟蒙老師係: (1)以前有一本書叫新車年鑑，入面有講D車ge最高時速，最大馬力，背熟左最勁果批 ;

(2) 黃玉郎成日響金報講他買左果D波子; 再加上(3)砌模型，使ar_woo對以下的車萬分景仰：

保時捷：
924（入門）

928（揭燈好靚，仲好似有自動波，對不識楂車的小ar_woo好似更添吸引 ）

911 Turbo

930 Turbo

935

法拉利：

308GTB/GTS,（許冠傑/麥林的威水座駕）

512BB
Mondial

林寶堅尼：
干德 LP400, LP500, LP500S（模型必砌）

仲有在回憶抽屜中放埋一齊的人 vs. 車:
James Bond = 蓮花，亞仕頓馬田

成龍 =潘迪火鳥，童夢零

陳惠敏 = 愛快羅蜜歐

....etc.

各位餅友有沒有一些happy回憶分享？

回憶中"搭"得津津有味的亦包括果D中文譯名，例如"賓列法連那"設計，"領先""沙加圖"，"雪佛蘭""歌屈"，全都是經典

你砌過呢部Lancia"沙加圖"的模型嗎?

Bro ar_woo 的興趣真多，又模型、又跑車、又牛仔褲、又 t-shirt、又波鞋、又浦 D、又電視劇、又 nee 又 lo ...

k 的靑少年大部份時間都係隨山跑、隨街跑或在球場、沙灘渡過，連電視劇都冇乜睇過，見到 bros 如 Tiger Glory 及 $$ d 貼，先知自己係電視盲 ... 

 呢啲係咪叫火麒麟呀

我同ar_woo兄一樣都係睇呢本大. 之後就去砌模型. 高峰期搞到成柜都係不過冇keep好 

重有就係買tomica啲車仔多數都係永安買因為細架所以可以keep起晒 我諗呢批東西今時今日都幾好價事關好多連真車都已經變咗恐龍

tomica車仔果時好似$5一架，好精緻有D仲開到門/有避震彈弓。但太貴買吾多，龍子行好似有一個大透明箱，分一格格放滿tomica車仔，望見就流晒口水，精神上進入一個完美奇幻幸福世界

迪•唐馬素  (De Tomaso)

以前出過一款遙控車，成架係合金做的，個遙控器長方形，有無邊位餅友玩過？

童夢零的故事:

　　這是一個有關夢想與堅持的故事，即便它是悲情的，我們依然可以從中獲得一些啟示，哪怕是一點點敬佩，一點點惋惜，一點點回味。

　　Minoru Hayashi是由一位對賽車設計充滿理想與抱負的設計者，由於對賽車競技的鍾愛與跑車的追求，他在1965年以本田S600為原型改造出了一部賽車，這 部賽車一經發佈，便贏得了日本鈴鹿賽道俱樂部杯比賽的冠軍。這給Minoru Hayashi增添了極大的信心，自此Minoru Hayashi開始了他夢想的計劃——打造日本自己的超級跑車。
　　1975年，Minoru Hayashi在日本京都創立了Dome(童夢)汽車公司，決定設計一款極其先鋒超前的公路跑車，它外形極具前瞻性，動力強勁，輕量化車身，日本最早的超 跑——「童夢-零計劃」就此展開。為了打造這輛跑車，Minoru將他在賽車生涯中所認識的以及來自日本各地的工程師聚集起來，一同進行研發。

　　歷時三年的研發，當童夢在1978年第48屆日內瓦國際車展中首度亮相後，震驚全場。讓人們過目不忘的，就是這輛童夢的第一台原型車——零，它也讓世人認識到了日本汽車工業設計和工程製造進步的驚人速度。
　　你無法想像童夢-零這輛車僅僅出自四位工程師之手，而就是這四位工程師，在1976至1978這三年的開發時間中，為了設計出這輛車，差點搞得妻離子散。但是付出總有回報，童夢-零的亮相是成功的，至少讓世界認識了童夢。

自從改咗由國內生產的質素就差咗好多....