標題: 2011回顧 [打印本頁]
作者: foureyesfatboy 時間: 22-12-2011 03:24 標題: 2011回顧
2011將過去...希望各位老餅在這留個回顧....也希望已淡出的餅友見帖也作一回顧好等大家知大家的安好.
雖然好多餅有都未曾相遇過但一日餅友一世餅友(一日童軍一世童軍) 
你地走唔 NUT...
作者: 矢作省吾 時間: 22-12-2011 09:48
對我黎講, 今年係小弟比較唔如意既一年...
印象最深刻既係今年3月11号「東大地震」接倒失去咗聯絡一晚老婆既電話... 可以話係不幸中既大幸。 
作者: 白鳥 時間: 22-12-2011 14:31
日本東北有地震, 關切核能隱憂, 日本人安危;
大哥, 王偉猝死,
北韓領導駕崩,
教主離世,
拉登被殺, 人是何等渺小無力~
卡達菲遇害, 生命無常.
溫州人為事故, 小孩遭冷血轆斃, 無人理睬, 令人慨嘆中國之腐敗.
菲律賓十二月風災死傷不計其數, 無能領導, 無能施政?
白鳥繼續遊戲人間, 刻版工作....還是計劃來年方向吧~
Happy New Year 2012~~~
作者: foureyesfatboy 時間: 23-12-2011 04:12
小弟我今年都算有ok....還是小男人一個不關心世界大事....一樣咁八掛同無聊
1 工作開始明白自己個位做乜野....
2 轉了間近家的教會
3 同女友感情上有大進展
4 差不多要入伍了....希望有命過多十年可以登陸
6 頭髮仲有未nut 晒
7 公司party 贏了樽紅酒
8 可以在網上同過老餅五周年慶典...要.一早扒起身
9 開始有老花...有時睇細字要除眼鏡了.
10 身體尚可....
作者: NoName 時間: 23-12-2011 07:12
引用:
原帖由 foureyesfatboy 於 23-12-2011 04:12 發表 
小弟我今年都算有ok....還是小男人一個不關心世界大事....一樣咁八掛同無聊1 工作開始明白自己個位做乜野....2 轉了間近家的教會3 同女友感情上有大進展4 差不多要入伍了....希望有命過多十年可以登陸6 頭髮仲有未nu ...
咁你就早日拉埋天窗啦。
作者: foureyesfatboy 時間: 23-12-2011 07:22
引用:
原帖由 NoName 於 23-12-2011 07:12 發表
咁你就早日拉埋天窗啦。
...睇吓神點帶. (我是基督徒所以會咁睇法)
作者: NoName 時間: 23-12-2011 08:25
引用:
原帖由 foureyesfatboy 於 23-12-2011 07:22 發表
...睇吓神點帶. (我是基督徒所以會咁睇法)
我都係．（去溫哥華華人浸信會的．）
你可以用另一個角度去看：若神不許可，自然會阻止．
你都唔細，唔好拖啦．
作者: 超人兄弟 時間: 23-12-2011 19:38
在新一年來臨之前，應該回顧自己在這一年對人或對自己所做的是否合情合理。
如果有發覺做得不對的,過份的...應該向友人說句不好意思！保持跟友人良好的關系...
對自我或友人能夠得到心安 
！
如不...朋友圈子只會越來越小，最後又再尋求一些很表面及薄弱的友情！
當然這番說話是向人說的 ~
...哈 ~哈 ~哈 ~ ...我無做錯 ~...哈 ~哈 ~哈 ~...
(由此証明...人是永遠覺得自己是對的
)
是時侯反醒吧 ~...自己。
作者: toby 時間: 23-12-2011 22:54
到我了!
小弟我今年尚算ok....無慾無求
1. 新公司下半年因外圍經濟因素影響,客戶明顯花費減少....
;
2. 老餅大仔 Kinder 畢業了,明年2月返小學(老!)
;
3. 老婆...仲係嗰個! 8週年了....(老!)
4. 8月中添多了個小餅仔
,好可愛!
6. 我頭髮仲大把,但4成為白髮,要成日染黑(老!)
7. 覺得時間越來越快,開始倒數人生,仲有幾多年可以工作,可以玩樂
8. 又可以在網上同老餅過五周年慶典...希望有一次可以親身一齊過!
9. 老死問我有冇開始發現有老花...自始先知原來之前覺得眼矇,原來已經就係...
10. 身栽越來越圓,發現第日越來越難說服阿仔們相信我以前係短跑、跳遠、羽毛球好手
你地呢?
作者: ar_woo 時間: 23-12-2011 23:07
回顧2011年，今年九月終於在中村雅俊演唱會後和他握手
和談了幾句話
，他非常客氣有風度 演唱會一上來就唱了「聽不到的說話」原版，這首他極少獻唱的好歌，把我夢幻式的帶回了80年代 。
作者: Kendama 時間: 23-12-2011 23:56
2011 - 重大突破、極度失落的一年:
個人成長 - 顛峰
工作量 - 瘋癲
生理狀態 - 極速降呢
心理狀態 - 極速降呢
精神層面 - 迷失、消極
財務 - 一鋪清袋
收獲 - 一頭銀絲卷、心身俱疲
前景 - 堪憂
作者: East 時間: 24-12-2011 12:30
小弟又分享下先
總括2011年來說都是快樂多的。而且是極快過的一年, 快過主要是因太忙碌吧...... !!
1) 家中增添一新成員, 多了個 B女, 好精靈好得意 !
2) 很感恩, 雖然因搬廠, 差不多半年無生產, 外圍經濟超差勁, 公司都竟然未執笠 !
3) 剛剛的冬至與父母慶祝金婚紀念好開心 !
4) 很感恩, 我還有時間和心情, 忙裡偷閒, 放下家中的兒女, 與結婚16年的太太不時去拍下拖 !
5) 在攝影上發覺尚有很多進步空間, 明年要更加用 [心] 去拍 !
6) 九歲的兒子被我感染成為 [標準高達迷] , 現在我和他久不久就一起煲高達 DVD, 他已經能自己砌 HG,
也畫了好多不同的 MS 在家中貼堂添!
7) 外父生病要入廠大修, 仲入埋ICU......花了很多錢, 但很感恩, 他最後能順利康復出院,
而且太太外家的家人關係也因此而變得更好了 。
8) 香港公司中的唯一一個非基督徒都在今個月信埋耶穌, 現在公司天天有早禱會, 工作氣氛好積極
!
9) 公司工作很忙碌, 但還算平衡到家庭和教會生活, 還有少少空間可睇下Animation 同電影及去影下相 !
10) 最感恩的是我們一家大都健健康康! 我還肥咗D, 達到人生的高峰 (是一生中最重的一年) ,
仲搞到好多褲唔啱著添
!
作者: 占四谷 時間: 24-12-2011 14:48
小弟 2011 年最難忘既事就係得到各餅友支持出咗四款 Tee 喇 !!!
作者: 占四谷 時間: 24-12-2011 14:49
引用:
原帖由 foureyesfatboy 於 23-12-2011 04:12 發表 
小弟我今年都算有ok....還是小男人一個不關心世界大事....一樣咁八掛同無聊1 工作開始明白自己個位做乜野....2 轉了間近家的教會3 同女友感情上有大進展4 差不多要入伍了....希望有命過多十年可以登陸6 頭髮仲有未nu ...
四哥, 快D拉埋天窗啦!!! 唔係好明第四項---入伍???
作者: foureyesfatboy 時間: 24-12-2011 16:47
引用:
原帖由 NoName 於 23-12-2011 08:25 發表 
我都係．（去溫哥華華人浸信會的．）你可以用另一個角度去看：若神不許可，自然會阻止．你都唔細，唔好拖啦．
我教會在列治文不過都未定....之前在 Port moody pacific Grace 離家幾遠. 多謝關心.
引用:
原帖由 占四谷 於 24-12-2011 14:49 發表
四哥, 快D拉埋天窗啦!!! 唔係好明第四項---入伍???
入伍= 進入五十歲. 小弟還有三年便五十中年了.
登陸 = 登入六十歲
ANYWAY 多謝關心.
作者: foureyesfatboy 時間: 24-12-2011 16:54
引用:
原帖由 toby 於 23-12-2011 22:54 發表
到我了!小弟我今年尚算ok....無慾無求1. 新公司下半年因外圍經濟因素影響,客戶明顯花費減少....;2. 老餅大仔 Kinder 畢業了,明年2月返小學(老!);3. 老婆...仲係嗰個! 8週年了....(老!)4. 8月中添多了個小餅仔, ...
老餅大仔 Kinder 畢業了...咁快有無Surprise
作者: NoName 時間: 24-12-2011 22:39
引用:
原帖由 foureyesfatboy 於 24-12-2011 16:47 發表 我教會在列治文不過都未定....之前在 Port moody pacific Grace 離家幾遠. 多謝關心. 入伍= 進入五十歲. 小弟還有三年便五十中年了.登陸 = 登入六十歲ANYWAY 多謝關心.
由Richmond去Port Moody又真係好遠下喎。
咁妳早Ｄ拉埋天窗啦，唔好等到五十肩都仲係孤家寡人。
作者: 超能電子男 時間: 25-12-2011 01:42
大家好！2011年對我來講可以話百感交集，喜、怒、哀、樂乜都有，我就慣左先苦後甜，我就簡單講下今年的回顧：
怒：
1.同大家所講的差不多，就係溫州動車事故，當局仲要毀滅證據，挖土機"生葬"列車
2.小悅悅遭車轆斃，十八個途人見死不救
3.香港愈來愈大陸化，乜都比大陸人霸晒，床位，奶粉，樓，同佢地成日不守秩序，不顧環境衛生，最氣憤就係港府好無能，由得佢地咁做
4.物價好貴，食飯搭車乜都加，最扯火就係兩電加價，港府都冇符，垃圾
5.八.二三馬尼拉人質事件發生超過一年，菲律賓政府一些悔意都冇，仲唔肯賠償，令死傷家屬好不滿
哀：
1.東日本311大地震，好多人不幸喪生，財物損失慘重，福島核電廠仲洩漏輻射，日本同全世界人民成日擔驚受怕，幸好經過一眾工作同拯救人員奮力搶救下，暫時解決危機
2.泰國發生世紀大水災，多人傷亡，同對全國經濟損失非常嚴重
3.許冠英先生同王偉先生病逝，日本都有幾名製作動畫的人員都不幸病逝，令大家非常心痛，同對演藝同動畫界一大損失
喜同樂：
1.能夠出席老餅五週年晚宴，雖然要急急走，因為要返工，不過我都覺得開心
2.唔使見到班衰親戚，因為我同佢地成幾年都冇聯絡
3.搵到份Part-time，我本身都有份工，雖然份Part-time只得幾個月，不過都為我增加收入
4.波同馬都有小小進帳，當然小賭怡情啦
5.Rider成立40週年
展望2012年我相信會係好，起碼出年1月我的特攝偶像卡邦會同海賊戰隊作戰，非常期待最後我都祝各位餅友新年進步
作者: moneyismymoney 時間: 26-12-2011 00:03
今年天災特大又多,日本,泰國. 今年多位影視藝人去世,梁漢威,曾近榮,王偉,許冠英.
作者: foureyesfatboy 時間: 28-12-2011 02:46
引用:
原帖由 moneyismymoney 於 26-12-2011 00:03 發表
今年天災特大又多,日本,泰國. 今年多位影視藝人去世,梁漢威,曾近榮,王偉,許冠英. 今年多 o左白頭髮, 最開心我 o地老餅繼續飯聚,週年聚.
老餅聚會不是單靠食物....都要有你同其他老餅支持
引用:
原帖由 NoName 於 24-12-2011 22:39 發表
由Richmond去Port Moody又真係好遠下喎。
咁妳早Ｄ拉埋天窗啦，唔好等到五十肩都仲係孤家寡人。
星期日由richmond 去port moody 早上只需35-45分鐘也不算大麻煩...這樣都有成十年了已經習慣了. 要轉因為想方便帶家人一起. 都想了很同拖了很久才決定. 天窗....都要有點計畫才可實行多謝關心.
哈真係好笑..五十未到已經有四十七肩了...前排打羽毛球傷手肘後不久個肩出了四十七肩
作者: 百變小櫻 時間: 28-12-2011 13:22
侵埋我!小妹袋鼠國師奶一名，談不上大事回顧，大部份都係芝麻綠豆、小眉小眼事，請勿見笑!
1) 兩個女兒受洗，見證感人好感恩
2) 老公工作順利，精神爽利。
3) 大女以優異成績完成大學二年級。
4) 細女小提琴比賽得獎。
5) 大女同男朋友回家食飯，像添加多一個兒子在身邊，感覺好特別、好窩心!
6) 份工逃過被裁驚魂之餘，仲加開一個新 job title留我，人工照舊，好神奇!超感恩
7) 成為老餅論壇會員，認識各方好友，與網主Toby兄，更是Melbourne居民，見面茶聚，倍感親切
8) 經自然療法，唔駛打針、食藥，花粉症得到改善。
9) 一把年紀，竟然學識倉頡輸入法
10) 跟正式大廚上烹飪班，學煮白切雞、脆皮燒肉、生炒排骨、清湯牛腩、海鮮粒扒玉子豆腐等十多個小菜，一家大細，讚不絕口，食得開心，好有滿足感
作者: 白鳥 時間: 28-12-2011 14:07
引用:
原帖由 abc 於 28-12-2011 13:22 發表
侵埋我!小妹袋鼠國師奶一名，談不上大事回顧，大部份都係芝麻綠豆、小眉小眼事，請勿見笑!1) 兩個女兒受洗，見證感人好感恩 2) 老公工作順利，精神爽利。3) 大女以優異成績完成大學二年級。4) 細女小提琴比賽得獎。5 ...
兒女孝順, 衣食無憂
夫復何求?
上帝祝福你一家.
作者: East 時間: 28-12-2011 16:04
引用:
原帖由 abc 於 28-12-2011 13:22 發表 侵埋我!小妹袋鼠國師奶一名，談不上大事回顧，大部份都係芝麻綠豆、小眉小眼事，請勿見笑!1) 兩個女兒受洗，見證感人好感恩 2) 老公工作順利，精神爽利。3) 大女以優異成績完成大學二年級。4) 細女小提琴比賽得獎。5 ...
幸福家庭, 兩個女又咁大又生性, 有工開有飯食, 有老餅網上, 真係夫復何求呢?
但我的細B女先得四五月大, 真係有排涯呢 !
作者: 999 時間: 28-12-2011 18:56
先回顧四哥同toby大大的回顧帖發覺: 典解冇左第5項嘅?
呃ching wor!
今年999驛馬星動, 跑了很多地方, 也體會了更多
1整年自己馬不停蹄, 卻遇上長輩患病, 牽一髮而动全身, 了解更須珍惜眼前人.
2工作上一直(以為)懷有20年前的鬥志, 可惜已經沒有20年前的體能, 胃病、腰痛舊患復發, 明白有些事不能强求.
3下半年幾乎每出差一次都病倒一次, 真要檢討並改变作息習慣! 因為先要照顧好自己, 才能照顧別人.
4參加了一些課程, 開拓了心靈及視野, 加添了活力及能量, 一生受用: 人需要終生學習去提升自己的深度;也需要終生樂活去打開生命的濶度.
5參與了関懷愛滋童的籌款活动、帮助了準備輕生的朋友重新振作, 非常感動, 非常開心,反而從他們身上得到反饋:明白到人生是有希望的. 當你無求地付出你最單純的愛、関懐, 你就會得到最無瑕的愉悅及快樂作回報! 對方也會因你付出而快樂, 自己因對方快樂而更快樂!
6今年花了很多錢, 又損失了一些錢…. 明年要再更努力….
7今年少上了oldcake, 但每次回來之時, 有”近鄉情更怯” 之感, 老餅會談更是一見如故, 再見言歡.
8今年受過權力高層的善意禮遇, 也受到低層機関揸住雞毛當令箭的糟質, 終明白什麼是官場難為, 総是有人歸故里.
9參加了一個在北京釣魚台國賓館的晚宴, 大開眼界.
10我感到自己老了!
對現今越不滿, 越是想懷舊, 但了觧歴史才能掌握未來, 好多謝各餅友在生活上的分享, 這種分享讓人更有智慧! 好的要讓明年更好, 如果遇上極度失落的也不要灰心, 因為今年已是極度最差, 就是說明年一定比今年更好對嗎? 希望各餅友更了觧潛在的自己,一年比一年更好!
作者: 超人兄弟 時間: 28-12-2011 22:01
引用:
原帖由 abc 於 28-12-2011 13:22 發表 侵埋我!小妹袋鼠國師奶一名，談不上大事回顧，大部份都係芝麻綠豆、小眉小眼事，請勿見笑!1) 兩個女兒受洗，見證感人好感恩 2) 老公工作順利，精神爽利。3) 大女以優異成績完成大學二年級。4) 細女小提琴比賽得獎。5 ...
作者: 超人兄弟 時間: 28-12-2011 22:03
引用:
原帖由 999 於 28-12-2011 18:56 發表 今年少上了oldcake, 但每次回來之時, 有”近鄉情更怯” 之感, 老餅會談更是一見如故, 再見言歡....
作者: foureyesfatboy 時間: 29-12-2011 03:40
引用:
原帖由 abc 於 28-12-2011 13:22 發表
侵埋我!小妹袋鼠國師奶一名，談不上大事回顧，大部份都係芝麻綠豆、小眉小眼事，請勿見笑!1) 兩個女兒受洗，見證感人好感恩 2) 老公工作順利，精神爽利。3) 大女以優異成績完成大學二年級。4) 細女小提琴比賽得獎。5 ...
事事感恩
*唔知在奧大利亞的教會同北美是不是差不多...我地有宣道會, 浸信會, 門諾弟兄會同香港都差不多. 只是福音派教比較多, 反而細胞小組教會方式不太盛行.
(* 註: 只是問吓不會作評論)
作者: foureyesfatboy 時間: 29-12-2011 03:49
引用:
原帖由 999 於 28-12-2011 18:56 發表 先回顧四哥同toby大大的回顧帖發覺: 典解冇左第5項嘅? 呃ching wor! 今年999驛馬星動, 跑了很多地方, 也體會了更多 1整年自己馬不停蹄, 卻遇上長輩患病, 牽一髮而动全身, 了解更須 ...
首先回應 999 兄是....第五項已經出了乜你睇唔到咩? 因為差不多入伍了......
我都是個句人點都要自己要休息....身邊的人也是. 他們對你的擔心也會令他們累的你飛他們的心也跟你一起飛. 保重.
看見身邊的人...我也覺自己老了....這是人生最重要珍惜同他們一起的時間.
作者: foureyesfatboy 時間: 29-12-2011 03:56
引用:
原帖由 East 於 28-12-2011 16:04 發表
幸福家庭, 兩個女又咁大又生性, 有工開有飯食, 有老餅網上, 真係夫復何求呢?
但我的細B女先得四五月大, 真係有排涯呢 !
見你捱得咁開心 "" 比心機啦. 一家人一起捱總比一個人捱來得幸福 wor...
作者: East 時間: 29-12-2011 09:49
引用:
原帖由 foureyesfatboy 於 29-12-2011 03:56 發表 見你捱得咁開心 "" 比心機啦. 一家人一起捱總比一個人捱來得幸福 wor...
係呀?!
咁你就快D揾多個人同你一齊捱哪!
作者: foureyesfatboy 時間: 30-12-2011 03:03
引用:
原帖由 East 於 29-12-2011 09:49 發表 係呀?! 咁你就快D揾多個人同你一齊捱哪!
好呀...不過搵到之前都要自己捱住先....
作者: 百變小櫻 時間: 30-12-2011 04:28
引用:
原帖由 foureyesfatboy 於 29-12-2011 05:40 發表
事事感恩*唔知在奧大利亞的教會同北美是不是差不多...我地有宣道會, 浸信會, 門諾弟兄會同香港都差不多. 只是福音派教比較多, 反而細胞小組教會方式不太盛行.(* 註: 只是問吓不會作評論)
作者: 百變小櫻 時間: 30-12-2011 05:03
引用:
原帖由 East 於 28-12-2011 18:04 發表
幸福家庭, 兩個女又咁大又生性, 有工開有飯食, 有老餅網上, 真係夫復何求呢?
但我的細B女先得四五月大, 真係有排涯呢 !
作者: foureyesfatboy 時間: 30-12-2011 06:16
引用:
原帖由 abc 於 30-12-2011 04:28 發表 澳州的教會，有聖公會、浸信會、長老會、church of Christ, Uniting church之餘，仲有好多家庭式獨立教會；大小教會，唔知咩原因，長期唔夠牧師。
謝. 除了Uniting church 外所有都有....可能我沒有留意到過. 家庭式獨立教會在華人中小之又小.
長期唔夠牧師 ...我間舊教會都找緊主任牧師.
引用:
原帖由 abc 於 30-12-2011 05:03 發表 東兄，BB細時雖然好似貼身膏藥咁，但一笑一語都好得意、好好玩，請多珍惜相處!小朋友眨下眼就長大，到時想同佢地行街、食餐家常便飯......都要預約。
帶小孩的樂趣是有好多的, 他們的純真比佢都唔知激死定笑死. 最好同小孩相處時間是又他們出世至10歲...當他們想有更多自主權時便開始一步步行遠你....入到 teen唔好話見想同佢地講句都難. 我沒有小孩但帶過的小孩都有三個雖然不是全時間. 他們有最大個都成廿歲最細都有十歲...有時連睇醫生見家長都要做.
作者: East 時間: 30-12-2011 10:43
引用:
原帖由 abc 於 30-12-2011 05:03 發表 東兄，BB細時雖然好似貼身膏藥咁，但一笑一語都好得意、好好玩，請多珍惜相處!小朋友眨下眼就長大，到時想同佢地行街、食餐家常便飯......都要預約。
的確係! 所以我都好ENJOY同佢玩呢!
作者: WK1959 時間: 30-12-2011 14:47
工作量少咗,因寫多咗個擦鞋仔,佢十分之勤力努力咁做嘢,(佢嘅本事非我工作泛圍,我做唔到).頭髮白了,少了一dd.
祝 2012 新年快樂 ! * * * *
作者: 聰洛多薩比 時間: 2-7-2013 18:47
睇返各位既2011年回顧...
睇黎我錯過左好多好野...
不過...
人生係不斷向前...
每一個發生過既事都成為歷史...
係為左留為紀念同作為借鑑...
希望可以同咁多位老餅...
繼續談天說地...創造更多既美好回憶...
| 歡迎光臨 經典日本特撮●動畫●卡通回憶 (http://oldcake.net./) |
Powered by Discuz! 6.0.0 |