經典日本特撮●動畫●卡通回憶

標題: 交響情人夢—電影版 [打印本頁]

作者: Ahming 時間: 4-3-2010 22:44 標題: 交響情人夢—電影版

終於睇咗喇、初頭以為又要上網睇、點知竟然是正式去戲院睇

之前讀過一周刊的影評、無太大期望、點知睇完又ok喎

真是忍不住想講幾句：
首先、攝影是真係拍得的景好靚、鏡頭下的歐洲（主景在法國）原來咁正！
聲音我就唔評論喇、因為香港的戲院無乜邊間靚聲！對呢套音樂電影來說是比較不利、希望它日出碟時再聽過！（總括而言、都唔差的…）
至於一仔批評它拍得無新意、呢點就見仁見智喇！
首先、古典音樂本身就是相當難搞的題材、難搞到連何李活都不敢掂的一件事！（記唔記得上套講古典音樂的戲是幾多年前？）所以要處理得好是一件不容易的事、而交劇之前可能做得太成功喇、成功到想突破都不是一件易事、但可幸製作人員頭腦清醒、沒有為突破而突破、其實保留番一貫的水準已經好難得、雖知成套戲在歐洲實地拍攝、而不是廠景來的（睇日本片但戲入面是歐洲、真是有的精神分裂！）、近乎100﹪的實境喎老友！無疑拍攝手法同之前電視特別版好接近、但之前的版本已經拍得好有電影感！照用番我覺得問題不大、其實一套電影的成功與否、我覺得最重要是是否能感動人心、而交片是合格有餘…你話新唔新意、我話用交響樂做電影主題本身已經夠晒新意、無需加鹽加…
當然分別不是無、就是我一開始講的攝影靚咗好多！
另外音樂演奏部份都長咗、聽得我好high！
沙石不是沒有、像野田妹那些場面…我真的覺得好多餘、我完全唔想睇上野樹里的xxx！
但總括而言、我覺得成套戲是成功的！
不過前提是戲院本身的聲/畫都要唔好太差！

作者: Anison 時間: 4-3-2010 23:59

雖然自己平時都無聽開古典音樂, 但都比佢既拍攝手法吸引下, 買左佢將 TV Soundtrack.