我最近翻查 Yahoo! Blog 搜尋欄位，發現有一半網友，都好想搵番關於《大儒俠史艷文》0既資料。其中一個網友阿雅就話：「呢套台灣布袋戲係電視上播，公仔衫好仔細、又華麗，依家睇當然覺得拍得粗，但依然係好正！ aTV 大約係十年前有播，個陣我同細妹追睇呢套架！對白超好笑！以前諗住搵返0黎睇，而家想搵返，不過全部劇集得台語， aTV 版搵唔到，台語真係有0的聽唔明！」
根據維基百科提及，《大儒俠史艷文》0既原本劇名《雲州大儒俠》，係由黃俊雄領導0既布裝劇團所創造，於台灣電視公司風靡一時0既電視布袋戲，播出期間曾經締造出收視率高達 90% 以上紀錄。內容為主角雲州大儒俠史艷文帶領中原群俠對抗藏鏡人等反派人物故事，著名角色有：史艷文、苦海女神龍、劉三、怪老子、哈買二齒、藏鏡人等。其中史艷文呢位縱橫寶島 30 年頭號人物，除0左係台灣小學生心中大英雄外，仲係現任台灣總統、人稱「小馬哥」0既馬英九心中0既英雄。
正當0係台灣創下高收視期間，爆出被台灣當局認為劇中人物「怪老子」影射蔣介石，以「藏鏡人」諷刺蔣經國之嫌，結果0係 1974 年 6 月遭致台灣政府以「影響農工作息」為由，下令禁播以台語發音布袋戲劇而收場。 aTV 0係 2000 年曾經購入 2000 年拍攝版本，以《大儒俠史艷文》之名配上粵語播放。
《大儒俠史艷文》首先敘述史艷文出身，結識劉三以及向劉萱姑定親，史艷文行俠仗義，威名遠播， 贏得雲州大儒俠尊稱，可惜得罪當朝權相安其謀，被陷罪入獄充軍，及後奪得龍泉劍、天地人三卷天書，大破太華山，解救欽差大人，破除亂黨造反陰謀。 接著以韃靼之亂同女暴君為禍武林為背景，韃靼國大公主勾結外人篡父位，並0係奸人挑撥下引發征服中原野心，三公主苦海女神龍不得已流落江湖。而原本係交趾公主0既姚明月因戰敗出走，因機緣巧合學得一身強橫功夫，基於對中原0既仇恨，以女暴君之名大鬧江湖，成為新魔魁。
《大儒俠史艷文》入面，0的歌曲又幾入耳，難怪 aTV 當初購入呢部劇，識做啦！
我當年同家中小朋友都好鐘意睇，重錄低晒ATV播ｄ集數！
寫劇本果個國文底子相當好！俾香港的劇本好好多！
最鐘意系真假仙個配音同對白，相當鬼馬同抵死，當中一句”邊個唔之獅子銀行門口對獅子系假架！”我到依家重記得．佢同萬惡之源ｏ既萬教之父（Godfather）－東方甲乙)（後來改邪歸正）可謂劇中兩個活寶！
