相當年 : 戴夢夢做過賭王女

90 年 僅 得 5 歲 半 的 戴 夢 夢 ， 憑 可 愛 俏 面 勇 奪 亞 視 「 小 偶 像 大 賽 」 冠 軍 ， 開 始 拍 電 視 劇 、 電 影 、 做 model ， 晉 身 娛 樂 圈 。
01 年 夢 夢 參 加 新 秀 歌 唱 大 賽 （ 最 後 一 屆 ） 落 敗 ， 與 華 星 簽 約 ， 可 惜 未 幾 華 星 便 關 門 大 吉 ， 02 年 她 簽 約 環 球 唱 片 又 因 為 陳 小 寶 被 廉 署 調 查 影 響 出 碟 ， 歌 星 夢 一 波 三 折 ， 之 後 輾 轉 入 了 無 線 拍 劇 集 《 當 四 葉 草 碰 上 劍 尖 時 》 。 多 年 童 星 路 ， 最 威 水 嗰 次 係 92 年 演 出 亞 視 公 益 金 籌 款 慈 善 夜 時 ， 同 賭 王 演 對 手 戲 ， 呢 個 機 會 ， 天 王 天 后 都 未 必 有 。

92 年 亞 視 搞 咗 個 公 益 金 籌 款 ， 肥 姐 、 盧 海 鵬 做 司 儀 又 演 趣 劇 ， 連 賭 王 何 鴻 燊 都 客 串 埋 一 份 ， 我 被 安 排 做 賭 王 個 女 ， 劇 情 講 楊 玉 梅( 右 )唔 見 咗 粒 鑽 石 ， 大 家 係 咁 搵 ， 我 抱 住 個 大 毛 毛 公 仔 走 埋 賭 王 度 話 ： 「 爹 哋， 係 咪 喺 個 公 仔 度 呢 一 粒 呀 ！ 」 嗰 陣 我 唔 知 呢 個 伯 伯 咁 巴 閉 ！

明 星 為 鄰
87 年 3 歲 半 時 攝 於 家 中 露 台 。 人  哋 話 三 歲 定 八 十 ， 我 3 歲 人 仔 就 識 得 擺 甫 士 影 相 ， 嗰 陣 我 哋 屋 企 喺 廣 播 道 ， 隔 籬 屋 係 何 家 勁 哥 哥 ， 嘟 嘟 姐 同 佢 媽 咪 就 住 我 哋 對 面 ， 日 日 都 見 到 明 星 。

哥 哥 fans
89 年 喺 屋 企 同 大 我 六 年 嘅 阿 哥 （ 右 ） 一 齊 唱 卡 拉 OK ， 我 哋 兩 兄 妹 最 鍾 意 唱 張 國 榮 啲 歌 ， 所 以 03 年 佢 死 嗰 陣 我 哋 兩 兄 妹 都 好 傷 心 ， 足 足 喊 咗 成 個 禮 拜 。 雖 然 我 同 哥 哥 同 屬 華 星 ， 但 係 從 未 試 過 喺 公 司 碰 面 ， 真 係 一 個 遺 憾 。 

小 偶 像 大 賽
90 年 我 參 加 亞 視  嘅《 小 偶 像 大 賽 》攞 冠 軍 ， 亞 軍 係 個 三 歲 幾 嘅 妹 妹 仔 （ 左 ） ， 季 軍 就 係 我 側 邊 呢 個 男 仔 ， 但 佢 兩 個 都 冇 入 行 ， 只 有 我 入 咗 娛 樂 圈 。

行 catwalk
92 年 成 7 歲 就 學 人 做 模 特 兒 行 catwalk ， 嗰 陣 我 已 經 讀 小 學 。 呢 張 相 係 我 為 吉 之 島 行 天 橋 介 紹 最 新 92 年 夏 季 童 裝 ， 我 隔 籬 嗰 個 Billy 仔 ， 亦 係 童 星 ， 佢 拍 過 無 線 嘅《 大 時 代 》 同 埋 《 情 濃 大 地 》！

真 假 哥 哥
95 年 亞 視 劇 集 《 精 武 門 》 ， 我 喺 劇 中 扮 甄 子 丹 妹 妹 ， 親 生 哥 哥 嗰 晚 嚟 探 班 ， 咁 咪 同 真 假 兩 個 阿 哥 影 張 相 囉， 當 時 我 覺 得 甄 哥 哥 好 青 靚 白 淨 ， 哪！ 有 圖 為 證 架！

學 講 對 白
90 年 簽 亞 視 後 ， 即 刻 拍 劇 集 《 Q 表 姐 》 ， 何 美 婷 （ 中 後 ） 同 何 美 美 （ 左 ） 扮 我 兩 個 表 姐 ，嗰 陣 我 讀 緊 幼 稚 園 中 班 ， 識 字 有 限 ， 媽 咪 同 導 演 輪 流 教 我 講 對 白 ， 佢 哋 講 一 句 ， 我 就 跟 一 句 ！ 有 次 王 艷 娜 （ 右 ） 姐 姐 漏 咗 講 一 句 對 白 ， 我 居 然 膽 粗 粗 話 ： 「 姐 姐 你 未 講 呢 句 ， 咁 我 點 講 呀 ！ 」

焗 出 熱 痱
92 年 拍 《 新 流 星 蝴 蝶 劍 》 時 ， 同 扮 梁 朝 偉 童 年 嘅 男 童 星 合 照 ， 拍 嗰 陣 係 夏 天 ， 住 包 到  古 裝 ， 焗 到 出 熱 痱 ！

翁 虹 契 媽
88 年 翁 虹 嘅 新 店 剪 綵 儀 式 度 見 到 我 ， 話 我 得 意 抱 住 我 影 相 ，嗰  陣 佢 仲 未 選 亞 姐 （ 翁 虹 89 年 當 選 亞 姐 冠 軍 ） ， 我 咃 仲 未 上 契 （ 92 年 上 契 )， 所 以 佢 話 我 哋 有 緣 。

巧 遇 欣 宜
92 年 華 東 水 災 籌 款 ， 亞 視 搞 籌 款 晚 會 ， 嗰 次 係 我 第 一 次 認 識 肥 姐 個 囡 囡 欣 宜 ， 嗰 年 我 8 歲 ， 欣 宜 就 4 、 5 歲 ！嗰  晚 成 龍 叔 叔 拖 住 我 哋 ， 記 憶 中 佢 好 nice ！

聖 誕 聯 歡
90 年 亞 視 劇 集 《 第 三 間 電 台 》 拍 一 場 聖 誕 大 食 會 戲 ， 咪 齊 齊 影 相  囉， 黎 小 田 （ 左 ） 、 苑 瓊 丹 （ 後 左 二 ） 、 斑 斑 （ 前 左 ） ， 我 （ 前 排 中 ） 同 家 燕 姐 就 喺 前 面 。 注：王艷娜也有拍《第三間電台》， 聖誕聯歡那張照片在家燕姐後面單眼的便是艷娜。

家 燕 媽 媽
90 年 同 家 燕 姐 拍 亞 視 劇 集 《 第 三 間 電 台 》 時 ， 佢 成 日 帶 埋 三 個 仔 女 出 嚟，嗰 日 拍 外 景 ， 咪 拉 埋 我 （ 左 二 ） 呢 個 哎 吔 阿 女 齊 齊 影 相 囉，嗰  陣 家 燕 姐 都 未 婚 變 ， 個 人 好 開 朗 ， 成 日 笑 騎 騎 。

學 識 點 喊
96 年 同 芝 芝 姐 （ 黃 淑 儀 ） 、 秦 沛 （ 左 ） 合 拍 亞 視 劇 集 《 飄 零 燕 》 ，嗰 年 我 12 歲 ， 芝 芝 姐 扮 我 麻麻 ， 佢 喺 劇 中 係 失 憶 嘅 ， 我 假 扮 佢 孫女 ，為 咗 養 細 佬 想 呃 佢 錢 ， 之 前 我 拍 戲 一 直 唔 識 喊 ， 仲 話 做 戲 咁 好 玩 ， 點 解 要 喊 ？ 但 係 呢 次 我 同 芝 芝 姐 合 作 ， 居 然 俾 佢 帶 到 入 戲 ， 喊 到 出 嚟， 12 歲 人 仔 ， 開 始 叫 做 有 啲 演 技 啦 。