在愛情��, 失去甚麼最可怕?

是金錢嗎? 金錢如此重要, 它是穩定生活的根基, 都說貧賤夫妻百事哀, 沒有錢似乎萬萬不能.

然而, 只要能彼此相愛和體諒, 總能從愛中得到動力, 在這樣富饒的社會, 肯努力, 就能生存. 失去金錢, 仍能相愛.

最可怕是失去青春嗎?  男人不再精壯, 女人不再漂亮, 已不是當年的那個他/她, 會不會彼此嫌棄?

但是, 假如相愛, 歲月只會讓愛沉澱, 兩個人攜手走過人生, 共渡患難, 擁有共同的回憶, 青春也不過是愛情的起點; 愛, 能夠隨著年月累積, 沒有人可以代替.

最可怕是失去聯絡? 你們分隔兩地, 再不能朝夕共對, 有時甚至音訊全無.

不過, 假如你還愛他, 你會把他埋藏在心底, 小心翼翼地保留那份回憶, 跨過生死, 跨越時空, 而且, 說不定命運有一天, 又會把你倆聯繫在一起. 

最可怕是失去希望嗎?  沒有希望, 一切就得終止, 愛情注定要向命運低頭.

然而, 失去希望, 你還會欷歔, 還會遺憾, 你是如此珍惜過這份愛; 你們一起走過, 即使走向悲劇.

你和他/她, 金錢並不缺乏, 青春仍握在手��, 仍舊美麗如昔, 日夕相處, 早晚相對. 

但是, 你們不再相愛了, 你漸漸失去希望, 歎息、流淚、心痛,  然而他竟視而不見, 聽而不聞, 連歎息也沒有一句, 冷冷冰冰, 形同陌路.

原來, 是失去了感覺, 有甚麼比失去了感覺更可怕?

出自  書名: 好奇你的模樣 (書內其中一篇) 作者: 蕭君紅

相愛容易相處難 始終要學習相處！

相愛只是基礎,沒有人保證相愛就能天長地久…

現今社會太多外在因素了..

愛情如果沒有原動力,沒有共同成長及目標、相處之道及感情經營去鞏固,

更是很容易變質的.

這有賴雙方面吧!

不進則退,如漠視濃度轉淡,

感情會隨青春逝出而變得膚淺…

如讚美的話沒有了，也就失去了交談的興趣，

沒有靈魂地聚在一起,

像是困獸之局，何苦?！

如單方面適當的努力過而仍不能起死回生,

倒不如勇敢地失去吧!

也許失去後能喚醒彼此!?

或還是要謝謝對方能讓自己知道彼此不適合,

也未嘗是一件好事!

fficeffice" /> 

所以,失去對方不是最可怕,

沒有了相處之道、共同目標~原動力才最可怕!

這會使兩個相愛的人慢慢變質,甚至變成無話可說,

而誤了一段美好姻緣.

相處是難還是易，就只看彼此的心態及態度!

相處過程仲需要堅持

要相信結果是彼此共同心願 ~一起努力去達成

書中有些單句令人哭笑參半, 例如: 不能忘記一個人,因為你用心記住了他, 沒有用腦.

感覺/自己都係信唔過... 有時需要做出來証明那份感覺...

有了感覺都未夠 ... 仲要証明 ... 小樽仲thinking... 發夢再諗 goodnight

唔去証明,会忘記的!

d男人成日話d女人煩, 成日要d男人証明俾女人知有幾愛 ~ 例如d特別日子要表示一吓咁......

又話愛我 又唔肯xxx(咩到可以填上).....呢句真歷久不衰

其實在人與人之間相處, 男女之間, 家人朋友之間. 最重要系懂得 "忘記" 及 "銘記" 我反覺得更重要係"忘記".

愛情之間. 相與日久. 錯與恨自然少不了, 要是每天記掛著錯與恨, 一旦在吵�謅ㄖ眳�, 錯與恨的事總是再一次 Playback 出來, 久而久之, 小事就變了大事, 再演便下,去 就會消磨雙方的愛.

當那些"恨與錯"是能夠接受的, 就要忘記, 不要再記起.

人可以忘記他人對您的好和愛, 但最緊要係忘記他人對你的恨, 因為, 記著仇恨的人, 他唯一得到的 就是阻擋和竭止愛的能量. 這樣, 愛便不可以延續下去.

表示左唔一定好開心，冇表示就會唔開心

很有道理,

忘記不快,只留甜蜜

越想去忘記...

越容易記起...

相反...越想記起...

反而...越易忘記...

真的不容易...反而有時開心起想黎, 不快的事就沒有那麼不快 ~

婚姻存摺

http://www.oldcake.net/viewthread.php?tid=9292&pid=203689&page=1&extra=page%3D3#pid203689 

再談如題: 在愛情��, 失去甚麼最可怕?  

失去信任最可怕嗎?

愛情本不能存在信任, 又何來怕失去?!

為什麼沒有信任? 沒有信任在內, 是因為愛情是盲目, 不合理的理由都因為有愛情而合理化, 盲目地相信愛情的力量而相信了甜言與蜜語, 有一天少了甜言與蜜語, 所謂信任一下子也消失了, 只能証明暗地裡一直明白所有都只是自己盲目去信以為真, 以為一直都在身邊就是真, 其實失去也不過是一瞬間, 愛情就要你在得與失之間追尋, 以為掌握到手, 突然又好遙遠. 對了, 愛情不會存有信任, 所以就不怕失去(信任)?! 信任是需要有理智心神, 更屬於升華了的感情. ............抑或, 愛易令人生妒, 妒所引起的不信任令人失去理智.  

失去oldcake.net 最可怕

it happened temporarily a few times

絕不反對

也有同感~  有d似雞同蛋咁

如果夠 ' 愛 ' 甚麼變遷也可維持

如果夠 ' 情 ' 甚麼困難也可擊破

但係單單係愛情...真係可以飲水飽???

會唔會愛情係一種原動力...

為左愛情甘願做好多事...

推動自己為自己既身邊人爭取生存既權利...???

愛情可以目空一切, 金錢在愛情裡, 等同其他事物一樣, 愛情好似在金字塔最上的尖峰, 由地面一層層被推砌升到高位, 那些層層而上為把愛情推向高尖處的成份中, 也需要有金錢的成份. 

但當愛情到了高尖處, 眼光從來就只有對方, 在下面親手堆積的一切在別人眼中很耀目吧?! 但它們全都是為了上高處而生, 愛情的盲目就是要你目空一切, 甚至忘了手中流著血所經營的一層層, 唯有對方, 是一切一切一層層的價值, 不是別人艷羨的目光.

如果你有一份如斯愛情, 都不好說是幸還是不幸, 愛情不是得到, 最難得是你找到, 卻仍在堆砌之初, 越是越近高尖處時, 總又怕根基不好時會往下退. 一不留神, 一跣腳就一滑到底.

昨天不知為何聯想起雞先定蛋先既問題嘛

愛 & 情 都有時係 愛了 才有感情... 有時係朋友之間, 有了感情才突然有愛~

"有情飲水飽?"呢個問題,令我想起六年級(當時11-12歲)的班主任...
在我們即將畢業的前幾個月,一向愛鍚我們的班主任:黃x貴先生,
忽然對我們講起人生大事:"有情是否可以飲水飽?"
佢斬釘截鐵咁話:"絶對唔可能!因為....(下刪數千字)"

而我們的問題反而是:"乜o野係愛情????!)
咁早同我地談人生,老師真是體貼...

有情飲水飽是一個階段, 人生必經過一次吧? 初戀沒有"蚊"一樣咁開心

你即係問: 雞先定蛋先既問題 ......唔識答 ...........

您未經過"有情飲水飽"咩? 有情飲水飽果時先係最真

咁正??

咁洗咩呀

富婆邊有我份....我比您更冇錢就真....不過話明係有情飲水飽既階段....即係對方唔介意您擁有幾多....即使送佢一樣平價貨或自制小禮物或煮餐微型既二人餐撐下檯腳談天說地都可甜在心中

佢要既係您份心意....您對佢既情...如果不變既話....只係而家人(以前少數,而家多數)太著意o向其他方面....忽略左愛既基本元素.....好似以前D父母為左仔女同個家可以犧牲好大....而家呢?D人寧願自己快樂之嘛....

當然人要食飯....其實生活上錢當然好緊要....但我覺得有時多有多洗....少有少洗.....大家同一條心.....又需要D咩昂貴既物質o者?如果建立o係物質之上,呢種愛又有何意義?愛人定愛物件?

錢可以搵.....為對方而推動...都好讚同Pizza弟弟咁講....推動大家既生活目標.......因為始終覺得物質唔應該來做愛情既定局吧.....不過一定要雙方面囉

有情飲水飽呢個問題我想過不止一次架喇...

正如我...超人大哥同celia姐姐咁講...

愛情係一種原動力...

推動我地為所愛既對方去堅持下去...

愛情係無法飲水飽...

單係日日老婆仔都問...

今個月未比家用... 柴米油鹽醬醋茶...

但係建基於物質上既愛情又唔會長久...

又好似小樽姐講法...

有時愛情真係可以令物質既重要性降低...淡化重要性...

Celia姐姐又講過...

平價貨或自制小禮物或煮餐微型既二人餐撐下檯腳談天說地都可甜在心中佢要既係您份心意...

都啱架...

呢個問題真係要做返咁上下人先明白...

個人認為愛情最怕係失控!

暴走!

暴走!!

暴走!!!

點解會失控? 都會有嚴重/輕微之分嘛? 輕微的失控是可以接受喇!?

我都希望D女性唔好太注重物質事業令仔有錢男...多D欣賞一o的不太令仔不太有錢但心地好性格好的平庸男!

但事實不會如此~!

愛情失去甚麼最可怕?

換個問法: 愛情中最可怕是甚麼?

一段愛情的開始, 互相欣賞(順利版本), 一拍即合(難得), 有無可能完全信任對方心中就只有自己? 當一段日子(不需很長, 只怕只短到1個月)過後, 你會一直不曾想過? 對方跟別的人交往嗎? 好正常不過的想法吧?  好既野自然多人想擁有, 而愛情絕對係自私, 不會想跟人分享吧? 愈愛一個人, 那份悠然而生的易妒並不容易踢走 , 只可以說這是過程.

愛情中最可怕就是易妒

所以我咪講   ' 但事實不會如此 ' lor~!

但我鍾意性格好o既女仔...多於樣貌!

當然....好多野都係要雙方...

認同CC觀點!

雖是現代人...我相信我o既觀念仍然還是以前的觀念...！

念舊重情...不是物質性的愛可以相比，有這種愛的現代人已是遺產。

嗯嗯...所以...

到底要愛情定面包...

呢個就視乎每對情侶點去平衡...

矢作兄話會失控...

可能其實係失去理智啩???

係呀...兩個人接受到...就冇問題羅... 

矢作佢.....係咪飲醉酒呀...

我只會叫佢 ... 快D飲醉 ... 快D飲醉 ~~~!

咁咪隨時失控囉???

矢作兄好似真係醉o左o甘....我o地話佢醉....佢話叫另一個佢快o的醉!

本來睇過帖題都不想入來 UPOHONE......不過想想吓四維都UP過...只有D個.... (只是係咁 依 "立" 過之前大家留帖)

在愛情中怕失去甚麼.....好多人會怕失去. 但你們有沒有想過....在愛情中加多甚麼最可怕呢?

失去可怕....加多一樣是可怕. 當愛情變得不自然不滿足.....可能更可怕.  up吓 jac.

加左咩最可怕. 加左D瘡疤最可怕 ........傷口....疤痕  無啦啦整達啦......烙印....

睇o黎二位都被愛情傷過o番~...!

我無wor....  無人肯傷我....我不值人浪費時間.

如果愛情多了做作, 多了要求, 多了不誠實....一樣是可怕. 愛情就是愛情多了小了也不是愛情了.  我up 吓 jac

...有時都有暈浪.

幻像都屬過程一種吧! 通常由結果去判斷那究竟是幻像定係真實~

有時為了所愛而相信幻像  >>>>> 又想起雞同蛋 <<<<< 激死我喇!

由分裂樽來解構一下: 先有吸引的幻像而後生愛? 抑或有了愛, 就情人眼裡出西施?而幻想對方有幾好?

哎呀呀...

情人眼�堨X西施係正常既...

但係到底係自己幻想伴侶完美先...

定係有左伴侶後再幻想佢完美呢...咁就唔知喇...

真係唔會知, 二合一既多, 有些地方明明唔順眼, 習慣了又好似幾好看 ... 明明幾好架, 又忽然刻你憎都未定, 真係天天有問題, 問題日日多起上黎, 時間就係咁流逝, 你話幾funny呢.

小樽姐都係咁???

pizza仔仔你都係咁?

分裂樽搭訕: 鍾意咗就只會死心塌地"鐘"埋去, 朋友唔係見死不救, 只係愛莫能助, 你只會跟自己既理智同感情對話, 如下:

理智: 佢有咩好? 

感情: 佢無咩唔好. 

理智: 你知佢有咩唔好. 

感情: 佢既唔好都有原因.

理智: 你改變唔到, 別人眼中佢既唔好...

感情: 佢點解要變? 如果變...可能我唔會鍾意呢?!!!

理智: 愛情既盲目你好清楚, 試想換轉發生在一個你對佢沒有感情的傢伙身上, 你會直接話佢既"唔好".

感情: 每事太講理智好呆板, 率性而為, 隨心而發, 驚喜從來都不是用理智想出來~

理智: 好多野跟理智無關, 但需要客觀分析, 先可以不盲從, 愛自己, 先至懂愛別人~

感情: 通常都係受過創, 要療傷就被勸說愛惜自己......有時遇上令你全情投入既人, 愛得盲目既同時, 咩都想唔到啦~ 理智放感情一馬吧~

理智: 不可以, 若然你完全不要理智, 最後只怕療傷都話你"SIDE"藥費.

感情: 到時再算...此時, 愛情最怕失去盲目, 當一目了然, 理智勝過感情, 愛情也灰飛煙滅.

好似錢咁想擁有, 也想著怕失去嘛~

可能大家都係咁...

前面放著一個白玉色的有蓋盒子, 外殼白得令你猶豫, 不敢用手打開它, 但好奇心令你想了又想, 忍不住用手翻開盒蓋, 原來內藏放有四個較少的同料盒子. 你又猶豫, 那麼少的盒子好端端放在那裡, 要弄它們出來並不容易, 若不小心, 跌破一個, 就不再完整. 究竟把盒蓋放回原位封存, 抑或逐個打開看個究竟?

白玉盒子就像人一樣, 你想去知內藏了甚麼, 但翻開/了解/知道的同時, 你分享到箇中的神秘, 不再神秘的地方同時會令你迷惘, 雖知人不會十全十美, 當逐個盒子打開看到/了解到內裡真實, 你會後悔知/看多了, 是你沒法接受就是你既問題.

盒中的盒子被打開了一個, 只係一個而已, 已令你愁著再翻下去會有甚麼發現 , 真實原來不容易被接受的, 好奇心卻常常令你摸著小盒子的蓋, 只要輕輕一翻, 又知道它內藏了甚麼, 但你會猶豫, 好奇與猶豫之間爭持, 爭持不斷, 直至所有盒子都看得見內在為止, 到了那個時候, 你會後悔好奇心的衝動嗎? 也許不會, 因為愛. 愛得心甘命底.

四哥曾說: 愛情不是失去甚麼會可怕, 有時反而得到甚麼會可怕起來......, 說得沒錯!

若愛情只為滿足自己，終有一天會失望。

sorry to hear that. is this related to money issues?

Not money issue.

May be tell you next time.

其中一方好自私而另一方又好願意, 咁就天造地設... 如果可以保持下去相安無事就世界和平, 唔會有咁多婚外情... (唔好意思, 順口流了咁既言詞, 婚外情有時涉及第三者變得更複雜)

只可惜, 現實係人會變, 自私一方(只滿足自己既一方)自有應要承擔既後果...

此刻小樽知cmlwts兄與太座仍深愛, 就"豆"膽加把嘴 :

深愛就咩都唔係問題! 有問題都係"小"問題! 呢d"小問題" 視之為加深彼此既了解!

大事化小, 小事當無, 過多一排, 雨過天青...

賣瓜讚瓜香~ 愈賣愈香

這個題目小樽也很喜歡...

唔係想覆帖就覆到, 要有感而發...

可能前帖跟後帖相隔兩三個月, 不只時間有距離, 就連內容都有180度轉變都唔奇...

感情好奇妙, 你遇到個咩人, 產生既化學作用, 變得出人意表, 你只會更了解自己..."更了解自己" 是好事嗎?  下次再續...

若只是一個願打一個願捱，這樣不知可維持多久了。

我想，婚姻是要把對方看成是自己的一部份。就正如父母與子女的關係不會因為思想不同而斷絕。

婚姻亦是不能取消的承諾。若可以毁約的話，就很可能選擇放棄而不是盡力去勉救。

人非動物，可以選擇去愛的。

但係呢d傳統美德唔易...... 一生一世的信守承諾令人讚嘆, 因為難得! 父慈子孝夫妻和順要大家配合, "忍讓"二字需常放口邊... 我們希望做得到的事, 易既就唔駛講做咗啦! 通常要溫馨提示既就係好容易漏咗=無做, 而引起誤會... 關心唔單只用心放在心, 仲要行動做出黎先夠有心... 最終都係"溝通" 好既溝通真係要用好多時間... 唔夠時間就希望 "諒解", 但又有多少個你身邊既人都屬體諒你諒解你仲無條件(唔駛講野/講觧)就明白你呢? 要維繫一些你重視既關係就肯花多d時間去溝通, 往往一些忽略既關係(我唔認為係 忽略)屬選擇過後作出既行動... 睡魔call爆機喇, 下次再聊~

暫時天陰陰有舊雲... 可能舊雲就響你企定定個位而已, 你肯行多少少, 和煦陽光就會照住你...

會否更加關係比以前更好呢? 相愛就唔希望對方唔開心嘛.......

兩個人既感情不會風平浪靜......

雨過天晴後又失驚無神下著雨......

等雨停... 要等多久?

濕濕淋淋不好受?

地滑易跣慢慢走......要走多久?

總在囉囉唆唆後, 你拍拍我手, 說:

彩虹在等...等你抬頭

Agree, 缺乏交流溝通便會猜疑,猜疑得多便失去信心...

有d時候...

婚姻當中會隱藏住重大問題...

或者離婚向我地心目中係好大件事...

但係向問題解決唔到既情況下...

死忍啞忍都係無補於事...

與其咁辛苦去隻眼開隻眼閉...

不如一早就將個問題解決左先...

到無法解決...

就再尋求其他辦法應該會更好...

雖然我唔太贊成離婚...不過總好過死忍...

這個好題目已經好多年無餅友再談你上一個帖已有三年.....有一些人已經沒有回來好久了...

老餅從前熱鬧一帖接一帖的時光不再...我好似一個孤獨老人坐在空屋前等人回來..... 

原來你係一個靜靜地坐在一面睇野的中坑

我唔啤得…都係茶啦。