阿飛正傳

梁朝偉出場不多過3分鐘

電影宣傳上,確實是說梁先生是主要演員之一

所以,佢應該係史上在一齣電影出場時間最短的戲內主要演員

有冇師兄諗到其他?

喱個王家衛導演拍的戲是永遠無终结,梁朝偉出場時間最短的戲是帶落下一套『花樣年華』電影,跟着
又帶落『2046』 ˍˍˍˍˍˍˍ 好似是看不完的電影!

戲中有段經典對白:

「我聼人家說，世界上有一種鳥是沒有腳的，它只可以一直的飛呀飛，飛得累了便在風中睡覺，這種鳥兒一輩子只可以下地一次，那一次就是它死的時候......」

      他還末死,他會继续拍下去! (這是個人意見 )

我覺得呢句對白係同觀眾講...

「世界上有睇唔完既戲」...

王大導最鐘意拍好晒成套片,跟住一次過剪晒某d演員d戲份

好令人匪夷所思!

可能佢只系順手攞返條片尾黎用！

當年亞飛正傳好似話原本有上下兩集，梁朝偉出場果幕本來應該系下集開頭，但因為超支嚴重，雖然上集攞左好多獎，老板鄧光榮就面都黑曬 ，一於關水喉，所以下集就變左個胎死腹中ｏ既迷！

講真一句...

真係唔識欣賞王家衛拍既戲...

有藝術???

都唔知藝術何在...

講內心???

好似好表面浮誇下...

我就真係唔識欣賞喇...

以一套戲去'品嘗'王導演既好/壞係唔懂, 無由頭帶到尾既層層深入...因為當你以為主角會點點點既時候, 忽然係另一個故事or另一批主角開始...

斬件去欣賞的話, 好多小景/小事令人印象深刻...如梁朝偉開沙甸魚罐頭時唔明點解會唔係沙甸魚...又, 在扶手電梯被叫, 周圍望既反應, 偉仔真係搞笑

其實我被逼培睇左佢數部大作，到現為止，唯一一部睇得明ｏ既得張曼玉同劉華（希望老人痴呆症無發作無記錯！）主演ｏ既旺角卡門，但系佢用左太多濛鏡同慢鏡，搞到我對眼好辛苦！ 套東邪西毒就睇到眼火爆！

不過佢ｄ戲在色彩運用及配樂上算得上出色 ，如果唔理ｄ內容，齋睇畫面同聽配樂會感覺非常良好！但係咁我不如睇國家地理頻道同聽High-Fi天碟，唔駛睇佢ｄ戲丫！而且呢兩家野關美指同配樂事，好似同導演無關ｂｏｒ！

沙甸魚.... 看過王大導所拍電影的觀眾是好極端. 只有鍾意同唔鍾意無中間. 他拍人興人之間微妙感情是好細緻. 好多時在我地身旁發生是我地無留意. 東邪西毒第一次睇時過眼雲煙色彩影美. 有次傻傻吓自己一個番睇.......差 0.01cm 成 . 好似在花樣年華最後一段 梁朝偉在吳哥屈(好似係) 對往過孔講祕密....自己個心立時起震. 有誰沒有心中.....祕密. 在他的電影中我最不欣賞是墮落天使....實在太震 .

睇左咁耐...

王家衛既戲...

我只係睇得明一套啫...

就係賀歲片...

東成西就...

真係唔講知,  "東成西就 " 居然有王家衛. 但佢係做監製. 導演係劉鎮偉.

http://zh.wikipedia.org/wiki/%E5%B0%84%E9%B5%B0%E8%8B%B1%E9%9B%84%E5%82%B3%E4%B9%8B%E6%9D%B1%E6%88%90%E8%A5%BF%E5%B0%B1

賭俠片中, 最後 賭神"發哥" 出一個鏡頭算不算.

個主要演員名單冇"發哥"個大名,所以唔算

呢場戲查實係賭神d片刻,加入去賭俠套戲內,只係幾秒,算係一個Gag位

不過,呢位師兄都好熟港產片,咁都記得呢個片段

真經典!

有片睇!