Board logo

標題: OLDCAKE 訴不平 [打印本頁]
作者: 超人兄弟    時間: 16-1-2009 10:34     標題: OLDCAKE 訴不平

各位 cake 友有沒有一些自己很激氣而不平的事件?!

在這你/妳可盡情舒發分憂......(每事也可)

作者: toby    時間: 16-1-2009 11:15

 乜咁似:
"睇唔過睇要出聲;
寄唻我地"眼中釘""
作者: 超人兄弟    時間: 16-1-2009 11:17

引用:
原帖由 toby 於 16-1-2009 11:15 發表  乜咁似:"睇唔過睇要出聲;寄唻我地"眼中釘""

hee..用途差o吾多~!

皇上綱主幫襯o下

[ 本帖最後由 超人兄弟 於 16-1-2009 19:52 編輯 ]
作者: 聰洛多薩比    時間: 16-1-2009 13:24

日日都有不平事...

天天也有不平人...

 

1. 見到有阿伯阿婆上巴士...巴士上竟然一個人都無讓位...

2. 見到d人成日唔守紅綠燈過馬路...車死你事...我守交通規則就唔好話我墨守成規...

3. 見到有人排隊玩尖隊...大聲喝佢佢反大你...結果勞動警察教訓佢...

4. 見到有人被人打...暈低向街度...比人打劫...沿途路人一個都無去幫...火都黎埋...

5. 同大肚婆爭的士...同老人家爭位坐...同小朋友爭野食...

 

 

作者: 999    時間: 16-1-2009 13:56

引用:
原帖由 超人兄弟 於 16-1-2009 10:34 發表 各位 cake 友有沒有一些自己很激氣而不平的事件?! 在這你/妳可盡情舒發分憂......(每事也可)

好題!!!暫時諗唔到(其實係唔想去諗)有乜激氣野都要回個帖先!!

大家睇下超人兄弟o既頭像就知超人兄弟大人会為我地出頭打不平la!!!

超人兄弟你係我哋真正o既朋友呀!!!

作者: kkeeleung    時間: 16-1-2009 14:35

引用:
原帖由 999 於 16-1-2009 13:56 發表 好題!!!暫時諗唔到(其實係唔想去諗)有乜激氣野都要回個帖先!! 大家睇下超人兄弟o既頭像就知超人兄弟大人会為我地出頭打不平la!!! 超人兄弟你係我哋真正o既朋友呀!!!
...我保留一切在此發帖投訴及爭取公道O既權利...

 

 

 

天氣驟變, 容易傳播病毒. 不少人大咳特咳. 口罩自然無用, 連口都無掩, 口水狂噴.

有時打乞"痴" 仲噴到成四圍都口水.

 

[ 本帖最後由 kkeeleung 於 16-1-2009 23:33 編輯 ]
作者: 超人兄弟    時間: 16-1-2009 20:03

引用:
原帖由 聰洛多薩比 於 16-1-2009 13:24 發表 日日都有不平事... 天天也有不平人...   1. 見到有阿伯阿婆上巴士...巴士上竟然一個人都無讓位... 2. 見到d人成日唔守紅綠燈過馬路...車死你事...我守交通規則就唔好話我墨守成規... 3. 見到有人排 ...

引用:

日日都有不平事...

天天也有不平人...

係囉~點解o甘o吾公平!

引用:
見到有阿伯阿婆上巴士...巴士上竟然一個人都無讓位...

我見過o牙婆搭巴士..巴士當時滿座..o牙婆左望右望都無人讓位...o牙婆企o向o的人面前o的人即刻重扮訓...

引用:
見到有人被人打...暈低向街度...比人打劫...沿途路人一個都無去幫...火都黎埋...

o華~重有皇法o既!!

 

 
作者: 超人兄弟    時間: 16-1-2009 20:35

引用:
原帖由 999 於 16-1-2009 13:56 發表 好題!!!暫時諗唔到(其實係唔想去諗)有乜激氣野都要回個帖先!! 大家睇下超人兄弟o既頭像就知超人兄弟大人会為我地出頭打不平la!!! 超人兄弟你係我哋真正o既朋友呀!!!

講o左出o黎o吾使打 999 o牙~999兄!

引用:
超人兄弟你係我哋真正o既朋友呀!!!

好榮幸~多謝!you too!

[ 本帖最後由 超人兄弟 於 16-1-2009 20:37 編輯 ]
作者: 超人兄弟    時間: 16-1-2009 20:38

引用:
原帖由 kkeeleung 於 16-1-2009 14:35 發表 ...我保留一切在此發帖投訴及爭取公道O既權利...  

無錯係o牙~!!

 

 

作者: 聰洛多薩比    時間: 17-1-2009 08:47

引用:
原帖由 超人兄弟 於 16-1-2009 20:35 發表 講o左出o黎o吾使打 999 o牙~999兄! 好榮幸~多謝!you too!

一打999就唔通超人大哥會出現???

 

作者: 超人兄弟    時間: 17-1-2009 09:44

引用:
原帖由 聰洛多薩比 於 17-1-2009 08:47 發表 一打999就唔通超人大哥會出現???  

no~當然係 999 超人現身 lah~

作者: 999    時間: 17-1-2009 10:49

引用:
原帖由 超人兄弟 於 17-1-2009 09:44 發表 no~當然係 999 超人現身 lah~

999個超人出現???

 

作者: 聰洛多薩比    時間: 18-1-2009 00:42

其實有另一件事...

都幾唔忿架...

就係辦公室政治...

睇黎我都要學下點樣去奸...

作者: 超人兄弟    時間: 18-1-2009 17:08

引用:
原帖由 999 於 17-1-2009 10:49 發表 999個超人出現???  

心口有個 999 超人o米你 lor~

作者: 超人兄弟    時間: 18-1-2009 17:17

引用:
原帖由 聰洛多薩比 於 18-1-2009 00:42 發表 其實有另一件事... 都幾唔忿架... 就係辦公室政治... 睇黎我都要學下點樣去奸...

講起辦公室政治...,我有個朋友做o個間公司得佢同另一個同事...,但大家o吾同 Dept (即one man one dept)佢同事都玩辦公室政治...

你話o的人幾無聊?!! 玩走o左人你o米得番自己做獨孤無敵對住四塊牆同間o吾中番o黎o既老細....何必o尼?!!o矣~

作者: 聰洛多薩比    時間: 19-1-2009 13:34

引用:
原帖由 超人兄弟 於 18-1-2009 17:17 發表 講起辦公室政治...,我有個朋友做o個間公司得佢同另一個同事...,但大家o吾同 Dept (即one man one dept)佢同事都玩辦公室政治... 你話o的人幾無聊?!! 玩走o左人你o米得番自己做獨孤無敵對住四塊牆同間o吾中 ...

都唔知什麼居心...

作者: 矢作省吾    時間: 19-1-2009 13:36

引用:
原帖由 超人兄弟 於 18-1-2009 17:17 發表 講起辦公室政治...,我有個朋友做o個間公司得佢同另一個同事...,但大家o吾同 Dept (即one man one dept)佢同事都玩辦公室政治... 你話o的人幾無聊?!! 玩走o左人你o米得番自己做獨孤無敵對住四塊牆同間o吾中 ...
搵啖飯食啫! 洗唔洗搞咁多嘢呀! 你估+陣唔洗做呀!!
作者: 999    時間: 19-1-2009 15:46

引用:
原帖由 超人兄弟 於 18-1-2009 17:17 發表 講起辦公室政治...,我有個朋友做o個間公司得佢同另一個同事...,但大家o吾同 Dept (即one man one dept)佢同事都玩辦公室政治... 你話o的人幾無聊?!! 玩走o左人你o米得番自己做獨孤無敵對住四塊牆同間o吾中 ...

咁玩走左人咪剩返自己被老細玩咯!?

作者: 火馬    時間: 19-1-2009 17:13

引用:
原帖由 超人兄弟 於 18-1-2009 17:17 發表 講起辦公室政治...,我有個朋友做o個間公司得佢同另一個同事...,但大家o吾同 Dept (即one man one dept)佢同事都玩辦公室政治... 你話o的人幾無聊?!! 玩走o左人你o米得番自己做獨孤無敵對住四塊牆同間o吾中 ...
人的劣根性就係咁啦.......只要有三個人；已經可以分兩派；鬥餐飽... 
作者: 超人兄弟    時間: 19-1-2009 20:41

引用:
原帖由 999 於 19-1-2009 15:46 發表 咁玩走左人咪剩返自己被老細玩咯!?

o吾通o尼條友有偏好~

作者: 超能電子男    時間: 23-1-2009 23:47

今日個單嚴重車禍，個死貨車司機飲醉後揸車，殺左六條人命 是我最憤怒既事
作者: 超人兄弟    時間: 24-1-2009 00:29

引用:
原帖由 超能電子男 於 23-1-2009 23:47 發表 今日個單嚴重車禍，個死貨車司機飲醉後揸車，殺左六條人命 是我最憤怒既事

so...pls pls pls  do not 飲醉 to diver lah~

作者: moneyismymoney    時間: 24-1-2009 01:46

引用:
原帖由 超能電子男 於 23-1-2009 23:47 發表 今日個單嚴重車禍，個死貨車司機飲醉後�車，殺左六條人命 是我最憤怒既事

最弊係得輕,幾條人命,坐年零就算..................

作者: foureyesfatboy    時間: 24-1-2009 03:53

引用:
原帖由 超能電子男 於 23-1-2009 23:47 發表 今日個單嚴重車禍，個死貨車司機飲醉後揸車，殺左六條人命 是我最憤怒既事

 

 憤怒!!!!!!!!!!!!!

我每日都開成個鐘車來回.....見到都心寒. 自己點樣小心好技術見到d咁人..都無用.

有d人成日以為自己好勁....飲大了都以為可以開車......

 

[ 本帖最後由 foureyesfatboy 於 24-1-2009 06:12 編輯 ]
作者: 聰洛多薩比    時間: 24-1-2009 17:37

害死自己好喇...

唔好害死人啦...

 

作者: 超人兄弟    時間: 24-1-2009 20:33

引用:
原帖由 聰洛多薩比 於 24-1-2009 17:37 發表 害死自己好喇... 唔好害死人啦...  

o矣~醉酒駕車出事巳有前科...點解o的人重末知驚o尼??!係要死人先得??!

各位揸車人仕 ' 請勿醉酒駕車 ' !!

做o下好心o拉o吾該!!

作者: moneyismymoney    時間: 25-1-2009 00:52

一哥仲話要等社會有共識,睇下點重d...................
作者: 超人兄弟    時間: 25-1-2009 09:39

引用:
原帖由 moneyismymoney 於 25-1-2009 00:52 發表 一哥仲話要等社會有共識,睇下點重d...................

o拿 o拿 冧 o拉~重等...死好多人o牙而家

作者: 矢作省吾    時間: 27-1-2009 12:29

搵啖飯食啫! 洗唔洗過時過節同人開年呀!!

 
(明報)1月26日 星期一 05:05

【明報專訊】農曆新年是小販擺賣掙錢的良機，一對賣煨番薯的母女趁年卅晚，在西環卑路乍街後巷叫賣，遭食環署    小販管理隊票控及拘捕。途人見狀代為求情稱「個個都想回家團年」、「家境好都不用擺賣啦」，有人更願代交罰款。惟販管隊人員充耳不聞惹起公憤，引來近200市民圍觀及直斥不近人情，事件擾攘個半小時，母女終被帶走，一名熱心市民奉上100元給她們送暖。

被販管隊票控的女事主姓陳（53歲），與20餘歲的女兒一併被帶走，兩籮番薯及手推車遭充公。街坊表示，陳婦非全職小販，僅每年年卅晚至初三才到西環卑路乍街33號一後巷叫賣煨番薯。該處屬旁邊的堅城中心，但職員指沒向食環署投訴，附近西餅店負責人亦指母女沒阻礙店舖做生意。

被販管隊帶走 市民追贈100元

昨午12時許，陳母與女兒抵達上址開檔，至下午2時許小販管理隊巡經，指她們非法擺賣要發出傳票及拘捕她們，途人見狀紛紛代為求情說：「今日年卅晚，個個都想回家團年，唔好拉人返去啦！」、「口頭警告算啦！」有人更願代交罰款，但販管隊決定秉公辦理，引來大批市民口諸圍攻。

由於群情洶湧，兩部警車在15分鐘後到場協助調解，有市民不滿說：「現在又不是打劫，又不用捉賊，拉小販都咁大陣仗，簡直浪費警力。」又指摘販管隊選擇性執法，因附近北街當時正有多間花檔及菜檔將貨物放於路上嚴重阻街，但他們視而不見。

擾攘近個半小時，販管隊將母女帶上食環署車輛，一名市民突從人群中撲出，將100元塞向陳婦手中，陳婦報以微笑，寒冷氣溫下感受一絲溫暖。

 

>>http://hk.news.yahoo.com/article/090125/4/ae6f.html

作者: inabottle    時間: 27-1-2009 13:17

引用:
原帖由 moneyismymoney 於 25-1-2009 00:52 發表 一哥仲話要等社會有共識,睇下點罸重d...................

 

 

佢既思維確嬸慎 ... 共識? 甚麼共識, 唔通佢認為社會上有人對'醉酒駕車'表示: 可以原諒 ?

 

作者: 江芷慧Ｖ    時間: 27-1-2009 13:30

醉酒駕駛弄到六人死亡，破壞六個家庭，是絕對絕對絕對絕對絕對不能原諒！！！

 

作者: 超人兄弟    時間: 27-1-2009 17:51

引用:
原帖由 矢作省吾 於 27-1-2009 12:29 發表 搵啖飯食啫! 洗唔洗過時過節同人開年呀!!   (明報)1月26日 星期一 05:05 【明報專訊】農曆新年是小販擺賣掙錢的良機，一對賣煨番薯的母女趁年卅晚，在西環卑路乍街後巷叫賣，遭食環署&n ...

真係不近人情!!

o吾該食環署將心比己去諗諗...天寒地凍真係好想出o黎擺檔o羊~???!!為家人為二餐o者!!

作者: 超人兄弟    時間: 27-1-2009 18:05

引用:
原帖由 inabottle 於 27-1-2009 13:17 發表     佢既思維確嬸慎 ... 共識? 甚麼共識, 唔通佢認為社會上有人對'醉酒駕車'表示: 可以原諒 ?  

o米係~!就算要公眾及議會立法通過要一段時間...o甘都要答 ' 我會著緊去處理 ' o丫o麻!

o尼件事o吾使講都有共識o拉~o下o華~?!!...

作者: 超人兄弟    時間: 27-1-2009 18:06

引用:
原帖由 江芷慧Ｖ 於 27-1-2009 13:30 發表 醉酒駕駛弄到六人死亡，破壞六個家庭，是絕對絕對絕對絕對絕對不能原諒！！！  

要重罰o牙~!!

作者: ABOY    時間: 27-1-2009 18:21     標題: 劉皇發為香港求得下籤

劉皇發為香港求得下籤

(明報)1月27日 星期二 10:40

新任行政會議成員劉皇發在車公廟，為香港求得下籤，劉皇發指籤文提示港人團結，注重社會和諧。

本身是鄉議局主席的劉皇發，求得第23號籤，籤文全文是：「君不須防人不肖、眼前鬼卒皆為妖、秦王徒把長城築、禍去禍來因自招。」

解籤師傅表示，籤文喻意，香港會受外來因素影響。但他說香港地傑人靈，只要審慎樂觀面對，大家團結和氣，下半年各行業均會變得好景。

劉皇發說，籤文內容是一個警告，是為了提示大家，要團結一玫、注重社會和諧，這樣便可度過難關。

作者: 超人兄弟    時間: 27-1-2009 19:08

引用:
原帖由 ABOY 於 27-1-2009 18:21 發表 劉皇發為香港求得下籤 (明報)1月27日 星期二 10:40 新任行政會議成員劉皇發在車公廟，為香港求得下籤，劉皇發指籤文提示港人團結，注重社會和諧。本身是鄉議局主席的劉皇發，求得第23號籤，籤文 ...

劉皇發為香港求得下籤後....新聞裏面個個變成解籤佬識得解籤作o野~!真係好笑!

o個個林鄭X娥重話o吾好太重視籤文講o羊..最緊要...乜乜物物...

o甘,...o甘人多勢眾去求做乜??!! 簡直勞民傷財

[ 本帖最後由 超人兄弟 於 28-1-2009 15:06 編輯 ]
作者: ar_woo    時間: 27-1-2009 19:10

引用:
原帖由 ABOY 於 27-1-2009 18:21 發表 劉皇發為香港求得下籤 (明報)1月27日 星期二 10:40 新任行政會議成員劉皇發在車公廟，為香港求得下籤，劉皇發指籤文提示港人團結，注重社會和諧。本身是鄉議局主席的劉皇發，求得第23號籤，籤文 ...

 

just tell 劉皇發 to take that one himself personally, and get another one for Hongkong

作者: kkeeleung    時間: 27-1-2009 21:28

引用:
原帖由 超人兄弟 於 27-1-2009 19:08 發表 劉皇發為香港求得下籤後....新聞裏面個個變成解籤佬識得解籤作o野~!真係好笑! o個個林鄭X娥重話o吾好太重視籤文講o羊..最緊要...乜乜物物... o甘,...o甘人多勢眾去求做乜??!! 簡直勞民傷財

 

求簽歌個,咪就係"小忍" 同 "妖" 囉. 邊個求就照出自已身份啦, 車公爺爺果然明察抽毫, 反映現實. E加, 特區政府上層個個都會係教徒(相信係吧!) 由曾特首以下, 我估打落去無一百都有九＋個係教徒或"疑似教徒" 吧! 邊個敢話自已督信車公爺. 企出嚟代表港人救簽呢? 就算救成點. 都定會官運止步.

 

但, 我更相信, 眾高官均没有此𠄘擔. 那就不如將香港整體命運(求簽氧果)付託於鄉議局. 本來求簽可以係小事, 但問題係點樣去回應所得簽文, 既然可以下句: :"不要太重視簽文" 不如不求也罷... 與其'大龍鳳' 一番, 不如就只由鄉事單位自行攪掂. 求簽果在"地區星報"刋出一吧! (點解唔出個道具簽筒.)

 

車公誕求簽. 本來係港英政府對原居示好的"方法" 到了今時今日, 香港特區政府, 仍然要為全港(原)居民. 為前原居民謀求特權福祉. 唉! 試問香港點會好.!!!

作者: kkeeleung    時間: 27-1-2009 21:30

引用:
原帖由 moneyismymoney 於 25-1-2009 00:52 發表 一哥仲話要等社會有共識,睇下點罸重d...................
去年佢出嚟講完幾句就"收埋"成年, 今次出返 嚟. 請不要講多錯多.
作者: kkeeleung    時間: 27-1-2009 21:34

引用:
原帖由 ABOY 於 27-1-2009 18:21 發表 劉皇發為香港求得下籤 (明報)1月27日 星期二 10:40 新任行政會議成員劉皇發在車公廟，為香港求得下籤，劉皇發指籤文提示港人團結，注重社會和諧。本身是鄉議局主席的劉皇發，求得第23號籤，籤文 ...
哈. 第23簽. 魔鬼就在细節中.
作者: 超人兄弟    時間: 28-1-2009 15:09

引用:
原帖由 kkeeleung 於 27-1-2009 21:34 發表 哈. 第23簽. 魔鬼就在细節中.

o的人卦週刊講 '有妖' 即立法會有內鬼...o合o合!!

作者: Bobby仔    時間: 28-1-2009 20:41

Relax D啦咁多位Brother & Sister! 若果你地好似小弟咁香港人系廣州生活同工作你地會更加火滾, 更多不平事你地見!! 你地會發覺生活系香港其實係好幸福架勒!

作者: 超人兄弟    時間: 28-1-2009 21:42

引用:
原帖由 Bobby仔 於 28-1-2009 20:41 發表 Relax D啦咁多位Brother & Sister! 若果你地好似小弟咁香港人系廣州生活同工作你地會更加火滾, 更多不平事你地見!! 你地會發覺生活系香港其實係好幸福架勒!

o甘~Bobby 仔兄應該講出你所見的不平事,好等各界人仕知道o下都好o丫.....

o吾好以為o的人冇人知

 

作者: Bobby仔    時間: 28-1-2009 22:06

淨係講坐地鐵既文化佢地起碼落後香港八九年,好多盲流對住個售票機發呆(因為佢地唔知應該按咩制同埋入咩紙幣,架機淨係食五蚊同十蚊佢係咁隊張一蚊紙入去),你排著佢後便就真係火都黎! 通常我見到係公公婆婆我情願主動幫佢地買仲快! 系車廂飲飲食食當然不在話下,的戊利一個人坐系車廂中間座位既中間就擘到個大脾有咁大得咁大佔左中間三個人位(通常遇到咁既情況我會專登坐佢隔離ngar番佢轉頭. D情侶就仲討厭, 兩pair就霸晒成條樓梯,一pair就ngar晒成條行人電梯,趕時間的話真係激死(只有目送列車關門而你想衝卻衝唔到既心情大家可以估計), 你嗌幾聲"唔該借借"都係無人會理你, 只有用番佢地既方法>>推開人!!  講真佢地推開人食人身位去打尖好叻架! 踢波又唔見佢地咁醒波! 十幾億人都揾唔到廿幾個精英去踢好波, 開拖就最叻!! 
作者: 超人兄弟    時間: 28-1-2009 23:32

引用:
原帖由 Bobby仔 於 28-1-2009 22:06 發表 淨係講坐地鐵既文化佢地起碼落後香港八九年,好多盲流對住個售票機發呆(因為佢地唔知應該按咩制同埋入咩紙幣,架機淨係食五蚊同十蚊佢係咁隊張一蚊紙入去),你排著佢後便就真係火都黎! 通常我見到係公公婆婆我情願 ...

果然重未開發!真悲哀

作者: moneyismymoney    時間: 29-1-2009 01:25

引用:
原帖由 超人兄弟 於 28-1-2009 15:09 發表 o的人卦週刊講 '有妖' 即立法會有內鬼...o合o合!!

我解讀為正苦養妖為禍香港.

作者: 超人兄弟    時間: 29-1-2009 10:04

引用:
原帖由 moneyismymoney 於 29-1-2009 01:25 發表 我解讀為正苦養妖為禍香港.

有誰去滅 ' 妖 ' o尼?!!

正苦o牙頭係妖係神佢要自己諗諗o拉~

作者: Bobby仔    時間: 30-1-2009 01:09

不過正確黎講應該係話全國太多窮人, 所以湧晒去廣州深圳揾食(廣州人叫呢D人叫做NOW頭), 正印廣州本地人士係好文化少少既!

 

以下係本人上黎咁耐親眼目睹既三宗令人爆炸事件, 絶對無水份:

 

1. 數年前我第一日踏足廣州同一大棚同事行緊行人天橋既時候, 有個得六七歲既0靚仔行過就伸隻手入我個女同事件羽絨褸袋度拎走部手提電話比我地斷正, 我地惻隱架麻咪放佢走算數羅! 後尾D廣州同事話番比我地知果D一定係D新疆佬所為, 好在我地當時人多咋! 假若一支公/一條女遇到咁既情形又斷正個0靚仔的話, 後面就會有個成年既新疆佬攞把刀出黎桶你架勒!

 

2. 幾個麻甩佬坐系架電單車(佢地叫摩托車)度逆線行車扯走路邊婦女肩上既手袋拖行, 係拖行, 連袋帶人, 直至手袋甩手為止, 之後就梗係絶塵而去啦!(所以2008年開始日頭全市禁止電單車行駛, 因為太多同類個案.)

 

3. 八九個靚仔叫左的燒烤野食但係野食未黎之前就改變主意要即走(人地舖頭為左佢地專登透番著個爐架麻! 而且只係四十幾蚊), 同個老細理論左一陣間之後竟然其中有件靚仔攞把成尺長既西瓜刀出黎就拖左老細個左胸口一野勒! 好在有天理, 之後老細D伙記黎手報警之後捉到劏人果個靚仔. 據廣州同事講同類個案系廣州個舖頭老細可以攪大佢屈番個靚仔屋企幾十萬. 點屈既詳情就唔係咁清楚勒! 所以我始終都覺得大陸好黑暗!

 

 

套用英雄本色阿奸仔成名句: 我有錢! 黑都可以變成白! 你...哈!!!!

作者: moneyismymoney    時間: 30-1-2009 01:23

引用:
原帖由 Bobby仔 於 30-1-2009 01:09 發表 不過正確黎講應該係話全國太多窮人, 所以湧晒去廣州深圳揾食(廣州人叫呢D人叫做NOW頭), 正印廣州本地人士係好文化少少既!   以下係本人上黎咁耐親眼目睹既三宗令人爆炸事件, 絶對無水份: & ...

你提事,都係日日會發生,佢地本地人都係當小事,好平常.

而家香港 d 差佬都夠膽係差館強姦人,你話係乜野世界.......................

作者: 綠寶210    時間: 31-1-2009 00:44

罕見遇上的不平事, 竟然在同一天發生. 

 

1) 前日早上在 7 ELEVEN 排隊俾錢, 自己排第3, 突然一名廿多歲青年出現打尖, 叫收銀員幫佢唱錢, 仲要怒啤所有人, 表現得好唔耐煩咁... 原來只係為了唱廿元散銀!  

 

2) 下午在海洋公園又被打尖 , 今次卻是多達六七個人...全部係女人, 係不同年齡由9歲至60歲的大陸女人

 

作者: moneyismymoney    時間: 31-1-2009 01:16

引用:
原帖由 綠寶210 於 31-1-2009 00:44 發表 罕見遇上的不平事, 竟然在同一天發生.    1) 前日早上在 7 ELEVEN 排隊俾錢, 自己排第3, 突然一名廿多歲青年出現打尖, 叫收銀員幫佢唱錢, 仲要怒啤所有人, 表現得好唔耐煩咁... 原來只係為了 ...

吾係唱衰佢地,大6人打尖係好平常事,而家d港人上得上面多,將d衰野都帶返落...................................

作者: Bobby仔    時間: 31-1-2009 06:47

Absolutely agree!! 側側膊系側邊扮晒不經意咁zip左系前便! 你又吹佢唔漲啊! 我有D系香港手提電話網絡商做既朋友同我講, 慘得過佢地地落黎買野果的有錢咩! 你好地地排隊只係買一部$3000銀既機, 佢果D打尖插埋黎成寸厚既錢掉落黎話買十部$3000銀既機唔通你有生意唔做啊??  大家留意下丫! 而家北上坐火車既時間的香港人都感染埋呢D咁既打尖陋習架勒!
作者: 超人兄弟    時間: 31-1-2009 16:57

引用:
原帖由 綠寶210 於 31-1-2009 00:44 發表 罕見遇上的不平事, 竟然在同一天發生.    1) 前日早上在 7 ELEVEN 排隊俾錢, 自己排第3, 突然一名廿多歲青年出現打尖, 叫收銀員幫佢唱錢, 仲要怒啤所有人, 表現得好唔耐煩咁... 原來只係為了 ...

引用:
原帖由 Bobby仔 於 31-1-2009 06:47 發表 Absolutely agree!! 側側膊系側邊扮晒不經意咁zip左系前便! 你又吹佢唔漲啊! 我有D系香港手提電話網絡商做既朋友同我講, 慘得過佢地地落黎買野果的有錢咩! 你好地地排隊只係買一部$3000銀既機, 佢果D打尖插埋黎 ..

真係要再教育o下~有失人格及國體!!

作者: 綠寶210    時間: 1-2-2009 02:00

引用:
原帖由 moneyismymoney 於 31-1-2009 01:16 發表 吾係唱衰佢地,大6人打尖係好平常嘅事,而家d港人上得上面多,將d衰野都帶返落嚟...................................

 

事發情況係咁...

 

(END)OOOOOOOD

        OOOOOOOC

        OOOOGOOB

        OOOOOOOA (START)

 

O=排隊人仕

G=綠寶210

大陸女兵團...可以由A直上B至C至D咁離譜!

 

[ 本帖最後由 綠寶210 於 1-2-2009 02:10 編輯 ]
作者: 綠寶210    時間: 1-2-2009 02:09

引用:
原帖由 超人兄弟 於 31-1-2009 16:57 發表 真係要再教育o下~有失人格及國體!!

 

睇見佢地...

細路女果兩個真係完全唔知乜野叫排隊, 鬧佢地又唔係咁...

但另外果幾個家長就擺到明係打尖!

 

最後終於有某個女仕出聲講解俾果兩個細路女聽什麼是排隊? 但佢地仍然係好迷茫咁.

 

以前俾人打尖, 就心裏會諗起>掃街茂(李添勝) 果幾句開場對白 : "XYZ 死飛仔 ABC........."

但太耐無睇了, 竟然唔記得D對白.

 

[ 本帖最後由 綠寶210 於 1-2-2009 02:13 編輯 ]
作者: actionkamen    時間: 1-2-2009 02:13

引用:
原帖由 綠寶210 於 1-2-2009 02:09 發表   以前俾人打尖, 就心裏會諗起>掃街茂(李添勝) 果幾句開場對白 : "XYZ 死飛仔 ABC........."

但太耐無睇了, 竟然唔記得D對白.



對白係
哈！死飛吖，趕住去攞出世紙咩，開得咁快，遲早撞瓜你個死飛仔呀...........哎吔！


作者: 超人兄弟    時間: 1-2-2009 17:53

引用:
原帖由 actionkamen 於 1-2-2009 02:13 發表 對白係哈！死飛吖，趕住去攞出世紙咩，開得咁快，遲早撞瓜你個死飛仔呀...........哎吔！

勁o牙動感超人!!

作者: moneyismymoney    時間: 1-2-2009 23:02

引用:
原帖由 actionkamen 於 1-2-2009 02:13 發表 對白係哈！死飛吖，趕住去攞出世紙咩，開得咁快，遲早撞瓜你個死飛仔呀...........哎吔！

真巧合,每馮見到d人飛車,我都會講 : 趕住去攞出世紙咩，開得咁快.......(粗口我吾會講).

作者: 999    時間: 2-2-2009 15:21

引用:
原帖由 Bobby仔 於 28-1-2009 22:06 發表 淨係講坐地鐵既文化佢地起碼落後香港八九年,好多盲流對住個售票機發呆(因為佢地唔知應該按咩制同埋入咩紙幣,架機淨係食五蚊同十蚊佢係咁隊張一蚊紙入去),你排著佢後便就真係火都黎! 通常我見到係公公婆婆我情願 ...

 

講起在內地搭地鉄,搭過上海地鉄,才知廣州係ok o既!

尤其在上班時段,人潮不少於東京,但係沒有秩序,有冇睇過林青霞、秦漢o既滚滚紅塵呀?!

好似走難咁,你'冇動作'係上唔到車嘅,

買左2個菜肉包,一杯豆漿上車,

落車变左2個柿餅,豆漿爆杯漏晒!

個同事隔班車先上到,又過一個站搭回頭車先滙合到!

我當時先体会到人在江湖,身不由己的感受!

當你不可改变世界時,就改變自己吧!

[ 本帖最後由 999 於 2-2-2009 15:23 編輯 ]
作者: Bobby仔    時間: 2-2-2009 23:10

哈哈哈!! 999兄好一句 "當你不可改变世界時,就改變自己吧!" 好有Oldcake feel啊! 對"人"對事都切合, 來回望多兩次當堂氣都順晒!!

作者: 綠寶210    時間: 3-2-2009 01:15

引用:
原帖由 actionkamen 於 1-2-2009 02:13 發表 對白係哈！死飛吖，趕住去攞出世紙咩，開得咁快，遲早撞瓜你個死飛仔呀...........哎吔！

 

利害! 利害!

 

大陸教育...  首要學吓守秩序呀,

佢地一出大陸就有辱國體既呢.

 

 

作者: 矢作省吾    時間: 3-2-2009 09:15

引用:
原帖由 綠寶210 於 3-2-2009 01:15 發表   利害! 利害!   大陸教育...  首要學吓守秩序呀, 佢地一出大陸就有辱國體既呢.    
至弊教果個都未必識守秩序!
作者: 999    時間: 3-2-2009 13:41

引用:
原帖由 Bobby仔 於 2-2-2009 23:10 發表 哈哈哈!! 999兄好一句 "當你不可改变世界時,就改變自己吧!" 好有Oldcake feel啊! 對"人"對事都切合, 來回望多兩次當堂氣都順晒!!

其實在'人地'的地方,有另一套生存法則,'進步'只靠零星力量是有限的,

唔係唔想將D個世界变得更美好,只係自己太渺少了.

Bobby仔兄你在地铁類似的遭遇我也當遇過,.......一笑置之

上星期搭東铁,在旺角站有一C9拖住個女食住人地身位冲入車廂,

人未到,聲先到,C9叫着個女'坐埋去丫',但個位已被一對約5~60歲夫妻坐下,

那C9隨即狠狠擱下一句'人地個C忽大D'就拖住個女轉身搶位去............

我同對父妻對望,大家都笑左出o黎...........

[ 本帖最後由 999 於 3-2-2009 13:46 編輯 ]
作者: 超人兄弟    時間: 3-2-2009 20:38

引用:
原帖由 999 於 3-2-2009 13:41 發表 其實在'人地'的地方,有另一套生存法則,'進步'只靠零星力量是有限的, 唔係唔想將D個世界变得更美好,只係自己太渺少了. Bobby仔兄你在地铁類似的遭遇我也當遇過,.......一笑置之上星期搭東 ...

同樣的事情也發生在我身上~...

個大人打尖不特止...還叫自己個仔搶位...搶了位後個細路重用左右手按住霸多ニ個位不給人坐...,真無家教

作者: ar_woo    時間: 3-2-2009 23:46

fighting for limited resources is a common trend in the animal kingdom
作者: 超人兄弟    時間: 4-2-2009 11:13

引用:
原帖由 ar_woo 於 3-2-2009 23:46 發表 fighting for limited resources is a common trend in the animal kingdom

not just animal kingdom ...i think ,...is monster kingdom!!

作者: 矢作省吾    時間: 4-2-2009 12:19

引用:
原帖由 超人兄弟 於 3-2-2009 20:38 發表 同樣的事情也發生在我身上~... 個大人打尖不特止...還叫自己個仔搶位...搶了位後個細路重用左右手按住霸多ニ個位不給人坐...,真無家教
可能係讀幼稚園時玩得多「搶櫈仔」之過!
作者: 超人兄弟    時間: 4-2-2009 21:20

引用:
原帖由 矢作省吾 於 4-2-2009 12:19 發表 可能係讀幼稚園時玩得多「搶櫈仔」之過!

haa..right!may be!!

作者: 聰洛多薩比    時間: 5-2-2009 18:55

引用:
原帖由 超人兄弟 於 3-2-2009 20:38 發表 同樣的事情也發生在我身上~... 個大人打尖不特止...還叫自己個仔搶位...搶了位後個細路重用左右手按住霸多ニ個位不給人坐...,真無家教

我阿媽講比我聽一件事...

同超人大哥既差唔多...

情形係咁既...

有兩嫲孫...上巴士...

阿嫲見到有兩個位...

阿嫲就即刻坐低...

咁老人家坐好正常...

個小朋友之坐喇...

之後見到有個老人家...

個小朋友好有公德心咁讓婆婆坐...

個阿嫲就一巴打埋去...

講: 我咁辛苦同你爭個位...你竟然讓人地坐???

 

咁各位老餅話丫...

仲邊有小朋友肯讓位呢???

作者: 超人兄弟    時間: 6-2-2009 15:16

引用:
原帖由 聰洛多薩比 於 5-2-2009 18:55 發表 我阿媽講比我聽一件事... 同超人大哥既差唔多... 情形係咁既... 有兩嫲孫...上巴士... 阿嫲見到有兩個位... 阿嫲就即刻坐低... 咁老人家坐好正常... 個小朋友之坐喇... 之後見到有 ...

我又有件差不多的...親身經歴!

有一個o牙婆上車...當時車是 Full o西..

o牙婆企在一對婆孫座的前面很希望著他的孫兒可以讓座給他...

但,等了片刻也沒動靜...旁人也不值的說 : 小朋友讓個位給o牙婆坐得o麻~

點知個細路講: 我要照顧我o牙婆的..o吾比得佢坐!(佢o牙婆成塲無出聲)

係o吾係激死!個細路分明不想讓位比人而作此大話

可惜我坐得太遠! 如果o吾係我實讓!!

 

 

作者: 聰洛多薩比    時間: 6-2-2009 17:13

引用:
原帖由 超人兄弟 於 6-2-2009 15:16 發表 我又有件差不多的...親身經歴! 有一個o牙婆上車...當時車是 Full o西.. o牙婆企在一對婆孫座的前面很希望著他的孫兒可以讓座給他... 但,等了片刻也沒動靜...旁人也不值的說 : 小朋友讓個位給o牙婆坐得o麻 ...

所以我好怕生小朋友就係咁解...

難教難養呀...

一來係經濟負擔...

二來係精神壓力...

香港既出生率低既部份原因...

都係同呢個有關...

作者: moneyismymoney    時間: 6-2-2009 22:56

引用:
原帖由 聰洛多薩比 於 5-2-2009 18:55 發表 我阿媽講比我聽一件事... 同超人大哥既差唔多... 情形係咁既... 有兩嫲孫...上巴士... 阿嫲見到有兩個位... 阿嫲就即刻坐低... 咁老人家坐好正常... 個小朋友之坐喇... 之後見到有 ...

一句話 : 無家教 .

有 d 細路打賓妹(佢地叫姐姐),用流利粗口鬧賓賓.  

我見過一個約中三四女生,要菲庸幫佢背書包,送佢返學 ?????  

作者: DJ26093072    時間: 6-2-2009 23:32

 

d人教仔都好矛盾!

老母老豆話.呀仔.要做個有禮貌.守秩序嘅乖仔

然后同個仔出街.

紅燈都照走.個仔話"呀媽.紅燈呀.唔好走呀"個老母肯定會一巴星過去."傻仔.無車就走得架啦!"

然後系車度.見到d公公婆婆上車無位坐.呀仔想起身讓位啦.又系一巴"傻仔.咁多人.洗鬼你讓啊!"

 

 

火滾火滾..~

我e+坐車好似d便衣咁

望實個上車位.一有呀婆呀伯上車就讓..

然後就準備搶位..

因為要搶黎讓俾呀伯!

等下俾其他人坐佐..

佢唔讓都無計!

 

作者: 綠寶210    時間: 7-2-2009 00:44

引用:
原帖由 矢作省吾 於 3-2-2009 09:15 發表 至弊教果個都未必識守秩序!

 

唔知邊個講過我地中國人係禮儀之邦....

 

作者: 聰洛多薩比    時間: 7-2-2009 21:25

引用:
原帖由 綠寶210 於 7-2-2009 00:44 發表   唔知邊個講過我地中國人係禮儀之邦....  

綠寶兄講緊我???

作者: 綠寶210    時間: 7-2-2009 22:20

引用:
原帖由 聰洛多薩比 於 7-2-2009 21:25 發表 綠寶兄講緊我???

 

有嗎?

 

果句說話做學生時已聽過, 好似係中史堂.

 

作者: 超能電子男    時間: 8-2-2009 17:19

引用:
原帖由 聰洛多薩比 於 6-2-2009 17:13 發表 所以我好怕生小朋友就係咁解... 難教難養呀... 一來係經濟負擔... 二來係精神壓力... 香港既出生率低既部份原因... 都係同呢個有關...
弊在香港特首重呼籲叫人生三個，生一個已經超煩，生三個簡直是災難！
作者: 超能電子男    時間: 8-2-2009 17:25

引用:
原帖由 moneyismymoney 於 6-2-2009 22:56 發表 一句話 : 無家教 .有 d 細路打賓妹(佢地叫姐姐),用流利粗口鬧賓賓.   我見過一個約中三四女生,要菲庸幫佢背書包,送佢返學 ?????  
所以近期有些菲庸開始還擊打番主人，因為佢地離鄉別井搵食，人工又唔高，成日比人鬧，總要比人打，唔發火當係假！
作者: 超人兄弟    時間: 8-2-2009 23:03

有件事都幾氣憤o下~

就係有o的人放狗在街如廁o吾清理o的狗 C !

無公德之餘重無資格養狗!

有次我見到此情况,即時舉報了給警察知撿控了那條狗 & 主!!哼

[ 本帖最後由 超人兄弟 於 9-2-2009 09:07 編輯 ]
作者: 矢作省吾    時間: 9-2-2009 08:14

引用:
原帖由 綠寶210 於 7-2-2009 22:20 發表   有嗎?   果句說話做學生時已聽過, 好似係中史堂.  
所謂既「禮儀之邦」只係應該用黎相比以前D唔著杉褲既「匈奴」同「苗族」!
作者: 聰洛多薩比    時間: 9-2-2009 19:22

引用:
原帖由 超能電子男 於 8-2-2009 17:19 發表 弊在香港特首重呼籲叫人生三個，生一個已經超煩，生三個簡直是災難！

最弊就係生三仔完全無優惠...

又叫人生多d...

又無著數比人...

咁幾大都唔生啦...

作者: 超能電子男    時間: 9-2-2009 20:03

引用:
原帖由 聰洛多薩比 於 9-2-2009 19:22 發表 最弊就係生三仔完全無優惠... 又叫人生多d... 又無著數比人... 咁幾大都唔生啦...
所以我明白咁多港人想做澳門人，起碼有福利！因為香港人捱生捱死都冇福利仲要生仔，反而大陸人落黎生就有，都唔知點解？
作者: 綠寶210    時間: 11-2-2009 19:04

引用:
原帖由 矢作省吾 於 9-2-2009 08:14 發表 所謂既「禮儀之邦」只係應該用黎相比以前D唔著杉褲既「匈奴」同「苗族」!

 

THANKS, 似係咁啦, 回憶中.....

 

作者: 聰洛多薩比    時間: 13-2-2009 20:12

引用:
原帖由 超能電子男 於 9-2-2009 20:03 發表 所以我明白咁多港人想做澳門人，起碼有福利！因為香港人捱生捱死都冇福利仲要生仔，反而大陸人落黎生就有，都唔知點解？

澳門人都唔好福利既...

生仔又係乜都無...

好鬼慘架...

作者: 超能電子男    時間: 13-2-2009 20:20

引用:
原帖由 聰洛多薩比 於 13-2-2009 20:12 發表 澳門人都唔好福利既... 生仔又係乜都無... 好鬼慘架...
是嗎？因為我早排睇新聞話澳門市民睇醫生唔使錢，免費教育既年期仲多過香港！
作者: 聰洛多薩比    時間: 16-2-2009 17:34

引用:
原帖由 超能電子男 於 13-2-2009 20:20 發表 是嗎？因為我早排睇新聞話澳門市民睇醫生唔使錢，免費教育既年期仲多過香港！

係鬼...

睇醫生唔使錢...只限睇政府嘛...

但係澳門只有兩間醫院...

一間叫謀財(因為係私營)...一間叫害命(公營)...

睇政府既要排期排好耐...

睇私營又貴...

 

免費教育年期係多...有12年...

但係...雜費仲貴過學費...

好似一年學費都係萬二左右...一年交三次...每次4千...

學校話免呀...

但係冷氣費(冬天照收)...清潔費...留位費...雜費...

每期就要交5千幾...仲貴過免費呀...

作者: kkeeleung    時間: 16-2-2009 18:43

引用:
原帖由 聰洛多薩比 於 16-2-2009 17:34 發表 係鬼... 睇醫生唔使錢...只限睇政府嘛... 但係澳門只有兩間醫院... 一間叫謀財(因為係私營)...一間叫害命(公營)... 睇政府既要排期排好耐... 睇私營又貴...   免費教育年期係多...有12年... 但係... ...
有啲減o既樹? 難怪聰兄要投訴一翻. 咁做"澳門人"都並非好著數播? 都係學下日本,人 由學生多些自行清潔. 味可以慳啲? 但係點解咁多雜費? 總之. 供書教學絕非易事啦...!
作者: 超能電子男    時間: 18-2-2009 02:59

引用:
原帖由 聰洛多薩比 於 16-2-2009 17:34 發表 係鬼... 睇醫生唔使錢...只限睇政府嘛... 但係澳門只有兩間醫院... 一間叫謀財(因為係私營)...一間叫害命(公營)... 睇政府既要排期排好耐... 睇私營又貴...   免費教育年期係多...有12年... 但係... ...

唔該晒聰兄，我仲想永久係澳門生活，原本咁搵笨，因為我諗住澳門是唔錯既地方，如果係咁我就重新考慮下！

 

作者: 聰洛多薩比    時間: 18-2-2009 11:15

引用:
原帖由 超能電子男 於 18-2-2009 02:59 發表 唔該晒聰兄，我仲想永久係澳門生活，原本咁搵笨，因為我諗住澳門是唔錯既地方，如果係咁我就重新考慮下！  

如果無病無痛...

又有錢...

想退休...

都唔差既...

有錢可以睇謀財醫院嘛...

退休又唔需要擔心有仔女囉...

所以學費唔使驚...

作者: inabottle    時間: 18-2-2009 11:42

引用:
原帖由 聰洛多薩比 於 16-2-2009 17:34 發表 係鬼... 睇醫生唔使錢...只限睇政府嘛... 但係澳門只有兩間醫院... 一間叫謀財(因為係私營)...一間叫害命(公營)... 睇政府既要排期排好耐... 睇私營又貴...   免費教育年期係多...有12年... 但係冷氣費(冬天照收)...清潔費...留位費...雜費...每期就要交5千幾...仲貴過免費呀...

 

真係唔講唔知...

作者: 超人兄弟    時間: 8-4-2009 21:59

最近搭地鐵坐o向我隔離個 C 9 竟然o向度撥頭皮...重左撥右撥...我勁o卑住佢都係o甘...

有無攪錯o牙~o牙大姑....有o的公德心好o吾好~!!!

真係要拎去再教育o下~!!

作者: 聰洛多薩比    時間: 11-4-2009 09:36

引用:
原帖由 超人兄弟 於 8-4-2009 21:59 發表 最近搭地鐵坐o向我隔離個 C 9 竟然o向度撥頭皮...重左撥右撥...我勁o卑住佢都係o甘... 有無攪錯o牙~o牙大姑....有o的公德心好o吾好~!!! 真係要拎去再教育o下~!!

頭皮有益過麥皮???

 

超人大哥唔好嬲...講笑咋...

不過個阿姨咁撥真係好唔衛生...

因為點知有無蚤???

仲有...以我所知...

有d疾病係可以透過呢個途徑傳播架喎...

作者: 超能電子男    時間: 11-4-2009 20:30

引用:
原帖由 超人兄弟 於 8-4-2009 21:59 發表 最近搭地鐵坐o向我隔離個 C 9 竟然o向度撥頭皮...重左撥右撥...我勁o卑住佢都係o甘... 有無攪錯o牙~o牙大姑....有o的公德心好o吾好~!!! 真係要拎去再教育o下~!!
所以我好怕坐地鐵，因為以家多左好多冇公德嘅人，唔止撥頭皮，撩鼻屎四圍彈，打噴嚏又唔暗住個口，睇報紙又唔摺起等等．．．．
作者: 超能電子男    時間: 11-4-2009 20:34

引用:
原帖由 聰洛多薩比 於 11-4-2009 09:36 發表 頭皮有益過麥皮???   超人大哥唔好嬲...講笑咋... 不過個阿姨咁撥真係好唔衛生... 因為點知有無蚤??? 仲有...以我所知... 有d疾病係可以透過呢個途徑傳播架喎...
我都試過啦，有一次係架巴士到，坐我前面個男人不停撥頭，D頭皮飛晒過來，攪到要即刻提早落車
作者: 超人兄弟    時間: 11-4-2009 20:39

引用:
原帖由 聰洛多薩比 於 11-4-2009 09:36 發表 頭皮有益過麥皮???   超人大哥唔好嬲...講笑咋... 不過個阿姨咁撥真係好唔衛生... 因為點知有無蚤??? 仲有...以我所知... 有d疾病係可以透過呢個途徑傳播架喎...

好彩我下個站落車...早 D 行去門口企好過!

作者: 超人兄弟    時間: 11-4-2009 21:47

最近我朋友向我訴說一件令他很憤怒的事.....

 

我朋友太太是行動不太方便的人仕...有時需坐輪椅代步...

 

最近搭巴士遇到一o的好涼薄無情o既巴士司機!

 

話說有些路線不是經常有金色巴士...(即有輪椅位的巴士...於前門放鐵板上輪椅)

 

有幾次我朋友與他太太需要坐白色巴士..(即沒有輪椅位&沒有前門鐵板)

 

要求那些巴士司機開後門方便他搬輪椅上車...因後門比較濶的關係!前門是相當窄很艱難搬到輪椅的..!

 

我朋友先前巳致電九龍巴士公詢問是否這種情況可特別處理可於後門上輪椅...

 

九巴高層答覆說允許可以特別處理...同意於後門上輪椅..!

 

怎知有些巴士司機不許我朋友於後門搬輪椅...還硬要我朋友於巴士前門搬輪椅上車...

 

他們很沒禮貌跟我朋友說是公可規例.....我朋友跟他們說巳得巴士公司高層允許...

 

他們不理還不屑沒禮貌地說...甚麼得我公司允許...我無收到通知o咼...說問問站長先...等等說話...真激死!!

 

後來我朋友跟這些不知所謂的巴士司機吵了幾句...他們才死死地氣開巴士後門給我朋友上輪椅~!!

 

我想問那些巴士司機究竟有沒有同情心??!為甚麼要為難一些傷健人仕??!

 

不用你幫手搬...只需按制開門便可...連舉手之勞也做不到!那些人簡直涼薄...冷血!!

 

其實我朋友詢問過九巴公司...車長(即巴士司機)有權酌情處理特別情況!

 

將心比己想想o巴~好心不怕做的!!

 

作者: moneyismymoney    時間: 12-4-2009 01:45

引用:
原帖由 超人兄弟 於 11-4-2009 21:47 發表 最近我朋友向我訴說一件令他很憤怒的事.....   我朋友太太是行動不太方便的人仕...有時需坐輪椅代步...   最近搭巴士遇到一o的好涼薄無情o既巴士司機!   話說有些路線不是經常有金色巴士... ...

以上事件應該投訴個司機,不容姑息.
一件發生在巴士上事,是三個客,都是年青人,三十/以下的,坐在車尾,車尾也站著幾個人,包括我,車內未爆滿,只有站著六成人,待車停站後門開了,它們才慢慢走出來落車,我故意不讓它們,下車後隻乸睇下我,我給它一個白眼.

作者: 超人兄弟    時間: 12-4-2009 10:39

引用:
原帖由 moneyismymoney 於 12-4-2009 01:45 發表 以上事件應該投訴個司機,不容姑息. 一件發生在巴士上事,是三個客,都是年青人,三十/以下的,坐在車尾,車尾也站著幾個人,包括我,車內未爆滿,只有站著六成人,待車停站後門開了,它們才慢慢走出來落車,我故意不讓它們,下 ...

巳投訴了這些司機!(不只一個的 )

懶正義的我當然不會姑息o尼 D 衰人~!!

低佢o地比人投訴!!

作者: Athena    時間: 12-4-2009 11:38

今早返工，火車好迫人，有個阿伯篤住拐杖震騰騰咁上車。

我見到咁立即起身讓位啦，點知個阿伯好義正詞嚴咁話「唔駛你女人讓」

好！你唔接受我好意就算啦，擰返轉頭我個位已經有個打機少年在用psp好努力咁同渣古決鬥緊。我同個少年講：「唔好意思，個位我係讓俾阿伯的....」點知佢旁邊個c9好惡咁話；「個位你買咗架？鬼叫你行開就人人都坐得！你咪搞我個仔呀，我同你死過架！」我話佢「有無搞錯呀你，咁野蠻，點教仔呀....」c9罵：「我點教仔關你x事呀？買位去和合石啦，八婆！」我頂住中氣，但全車無人幫我，只好收口行開。

阿伯全程震住企，我就企足全程。車上的男人唔係睇電視就睇報紙一係就詐瞓，無人當有事發生過，至於條0靚仔，直到我下車依然沉迷在虛擬世界，無抬過頭。

 

 

 

[ 本帖最後由 Athena 於 12-4-2009 11:45 編輯 ]
作者: 超人兄弟    時間: 12-4-2009 12:49

引用:
原帖由 Athena 於 12-4-2009 11:38 發表 今早返工，火車好迫人，有個阿伯篤住拐杖震騰騰咁上車。我見到咁立即起身讓位啦，點知個阿伯好義正詞嚴咁話「唔駛你女人讓」 好！你唔接受我好意就算啦，擰返轉頭我個位已經有個打機少年在用psp好努力咁同渣古決 ...

阿伯真係...o矣~正一C胡同!

o尼o的人(C9&C9仔)正一上樑不正下樑歪! 大o既又無家教...細o既又係無家教~!!

將來o尼個細路o米蝦蝦霸霸 lor~...令到個社會亂就係o尼o的o甘o既人!!

Athena 我o地o吾可以同o尼o的人一般見識!

我會繼續做好我o既本份讓位比 D 有需要o既人!!





歡迎光臨 經典日本特撮●動畫●卡通回憶 (http://oldcake.net./) Powered by Discuz! 6.0.0