標題: 第一次考取駕駛執照 [打印本頁]
作者: 海天堂 時間: 23-10-2008 00:15 標題: 第一次考取駕駛執照
當時我廿一歲,筆試就人人都一次過合格啦.
路試在天光道考,結果係吾合格,有一個嚴重錯誤,
話我轉線無回頭望,但係明明有,比個考官屈我,
一怒之下寫信投訴佢,後來有信約見我二次,
幾經爭辯後死死氣發翻個牌比我,
很多時有理的要力爭到底.
作者: actionkamen 時間: 23-10-2008 00:46
引用:
原帖由 海天堂 於 23-10-2008 00:15 發表 
當時我廿一歲,筆試就人人都一次過合格啦.路試在天光道考,結果係吾合格,有一個嚴重錯誤,話我轉線無回頭望,但係明明有,比個考官屈我,一怒之下寫信投訴佢,後來有信約見我二次,幾經爭辯後死死氣發翻個牌比我,很多時 ...
你就好啦，我當時的情況差不多，響跑馬地考，佢又係話我無回頭望，我話有，仲拗左一陣，點知臨轉入冬青路，斜路死火！最後當然要重考啦！
話時話，其實唔係人人都一次過合格筆試，以下一段親身恐佈經歷跟大家分享：
話說有次（都差不多十九年前）約左個同學，同學家姐及佢地個新牌暨有錢朋友去遊車河及到深井食飯，去到我個“好”同學同佢個家姐即刻好快速咁坐後座（平時又唔見佢咁敏捷），阿新牌有錢朋友就上左司機位，見佢地咁反應，我當時都知“賴賴地”，後來................嚇死我啦！食完飯我強烈婉轉地要求不如由我揸返阿有錢人屋企（當時除阿有錢人之外就只有我有車牌），後來返回途中阿有錢人話佢考左三次筆試，五次路試！聽完O晒嘴及滴汗！
作者: 海天堂 時間: 23-10-2008 01:16
引用:
原帖由 actionkamen 於 23-10-2008 00:46 發表 
你就好啦，我當時的情況差不多，響跑馬地考，佢又係話我無回頭望，我話有，仲拗左一陣，點知臨轉入冬青路，斜路死火！最後當然要重考啦！話時話，其實唔係人人都一次過合格筆試，以下一段親身恐佈經歷跟大家分享 ...
咁你就黑仔啲,重要斜路死埋火!吾係都有得拗吓,你結果第二次重考合格啦?
我重以為筆試個個都一次過合格添,選擇題都要考三次!
阿有錢人是否錢太多
?佩服佢的恆心
, 我都O曬嘴!
話時話,你攞到牌後幾時正式自己一個人揸車?
我都等咗一年先有機會自己揸. 新牌仔,啲朋友吾肯借車比我一個人揸
.
作者: 聰洛多薩比 時間: 23-10-2008 11:15
可能香港係比較難d...
我就無論電單車...
私家車...
機械同筆試都一次過pass...
都有幾分驚險架...
好似電單車由於係手波...
所以隻手唔夠力會好易死火...
我成日學車個時就死火...唉...手力差囉...
筆試就簡單d...
只要唔好錯超過一題就ok...
仲有私家車個次考都好危險...
上斜停車既時候爭d入錯波起步...
危險...
作者: TonyK 時間: 23-10-2008 20:11
我第一次路試在油塘, 無lala肥佬, 三個S, 師傅安慰我, 話第一次多數係咁
第二次又在油塘, 個日我傷風, 渣到中段打乞嗤,搞到跳馬仔+死火, 好在踩停左部車.
我同考官講 "阿蛇, 比次機會啦!我今日傷風......"
咁阿蛇叫我渣返去, 師傅見我咁快返, 知道出左事, 叫我睇開D
點知我竟然pass.........
好開心!!!!! 即刻請師傅飲茶!!!!!
唸翻我都覺得好好彩!!!!!
作者: 海天堂 時間: 24-10-2008 00:05
引用:
原帖由 聰洛多薩比 於 23-10-2008 11:15 發表 可能香港係比較難d... 我就無論電單車... 私家車... 機械同筆試都一次過pass... 都有幾分驚險架... 好似電單車由於係手波... 所以隻手唔夠力會好易死火... 我成日學車個時就死火...唉...手力差囉... 筆 ...
聰兄都好本事喎!路試同筆試一次過合格.
你果度考電單車係吾係筆試合格後
就可以用臨時牌自己走8字及操路試?
洗吾洗上基本鐘咁話?
作者: 海天堂 時間: 24-10-2008 00:12
引用:
原帖由 TonyK 於 23-10-2008 20:11 發表 我第一次路試在油塘, 無lala肥佬, 三個S, 師傅安慰我, 話第一次多數係咁第二次又在油塘, 個日我傷風, 渣到中段打乞嗤,搞到跳馬仔+死火, 好在踩停左部車.我同考官講 "阿蛇, 比次機會啦!我今日傷風......"咁阿蛇叫 ...
咁你都好順利,兩次都考返油塘,
起碼條路都熟啲.不過遇著傷風就大鑊啲,
個啊蛇又好人士, 不幸中之大幸.
有時考牌真係要講天時地理人和.
講開又講,第一次自己揸車去到中環嘅
鐵崗己連拿利,近聖保羅堂落斜跣軚,
差啲要衝紅燈,嚇到呀媽都吾認得, 想起都驚!
作者: 聰洛多薩比 時間: 24-10-2008 00:15
引用:
原帖由 海天堂 於 24-10-2008 00:05 發表 聰兄都好本事喎!路試同筆試一次過合格.你果度考電單車係吾係筆試合格後就可以用臨時牌自己走8字及操路試? 洗吾洗上基本鐘咁話?
梗係有基本鐘啦...
合格筆試後就要去學車場...
學打八字...
上斜路剎車...
路面試...
要學足廿五堂之後先可以...
不過考試日期一早定左...
所以一定向考試前學哂廿五堂佢...
否則無得考...
但係又好多人都無視呢樣野...
比足廿五堂錢就無學足...
作者: 海天堂 時間: 24-10-2008 00:35
引用:
原帖由 聰洛多薩比 於 24-10-2008 00:15 發表 梗係有基本鐘啦... 合格筆試後就要去學車場... 學打八字... 上斜路剎車... 路面試... 要學足廿五堂之後先可以... 不過考試日期一早定左... 所以一定向考試前學哂廿五堂佢... 否則無得考... 但係又好 ...
我聽啲老餅師兄話以前香港吾洗喎!
整個路面實習都係自己攪掂.
吾洗甚麼基本鐘!
估吾到澳門要考個牌都吾少嘢喎!
作者: actionkamen 時間: 24-10-2008 01:29
引用:
原帖由 海天堂 於 23-10-2008 01:16 發表
咁你就黑仔啲,重要斜路死埋火!吾係都有得拗吓,你結果第二次重考合格啦?
我重以為筆試個個都一次過合格添,選擇題都要考三次!阿有錢人是否錢太多 ?佩服佢的恆心 , 我都O曬嘴!
&n ...
直頭無仇報
阿有錢人見過兩次之後都已經疏遠佢啦！
初初考到牌就周不時同個朋友租車揸，第一次單拖就應該係第三次租車還車時，個時原本話一齊還車，點知佢臨時甩底，我咪局住自己揸去還囉！
另外新牌時期，我較好彩，幾個朋友屋企都有車，而且個個都係新牌仔，而我又揸得比較隱陣，所以借我揸都無乜所謂！
作者: 聰洛多薩比 時間: 24-10-2008 17:19
引用:
原帖由 海天堂 於 24-10-2008 00:35 發表 我聽啲老餅師兄話以前香港吾洗喎! 整個路面實習都係自己攪掂. 吾洗甚麼基本鐘! 估吾到澳門要考個牌都吾少嘢喎!
如果講以前澳門都係唔洗呢...
係近呢十年要咁樣啫...
但係無論係點都係...
都要有一個師父跟住...
唔可以單獨去學...
作者: actionkamen 時間: 24-10-2008 23:27
引用:
原帖由 聰洛多薩比 於 24-10-2008 17:19 發表
如果講以前澳門都係唔洗呢...
係近呢十年要咁樣啫...
但係無論係點都係...
都要有一個師父跟住...
唔可以單獨去學...
我廿年前去澳門時曾經見過有部掛學牌車駛過，不過車內得個司機！何解呢？
作者: 海天堂 時間: 25-10-2008 00:16
引用:
原帖由 actionkamen 於 24-10-2008 01:29 發表 直頭無仇報 阿有錢人見過兩次之後都已經疏遠佢啦！初初考到牌就周不時同個朋友租車揸，第一次單拖就應該係第三次租車還車時，個時原本話一齊還車，點知佢臨時甩底，我咪局住自己揸去還囉！另外新牌 ...
actionkamen兄,你就好啦! 第三次就有單獨駕駛經驗. 我啲親戚朋友知我新牌仔嘛,
個個都驚死我會出事咁,無個肯借. 當時又吾識得去租車,等咗成年後先有機會嚐吓單獨駕駛之樂.
有驚有喜咁啦!
操開私家車幾個月後, 第一次幫老友搬屋,借咗架兩噸貨車(現今嘅5.5公噸),
當時興奮到不得了,第一個感覺係高高在上.正!
揸落又吾係咁難喎,重好快上手.
actionkamen兄,你有冇揸過貨車呀? 第一次感覺如何?
作者: actionkamen 時間: 25-10-2008 00:22
引用:
原帖由 海天堂 於 25-10-2008 00:16 發表
actionkamen兄,你就好啦! 第三次就有單獨駕駛經驗. 我啲親戚朋友知我新牌仔嘛,
個個都驚死我會出事咁,無個肯借. 當時又吾識得去租車,等咗成年後先有機會嚐吓單獨駕駛之樂.
有驚有喜咁啦 ...
個次單拖駕駛真係驚驚㗎！
貨車我就無揸過，幾個屋企有車嘅朋友當中，有個係用貨Van，用軚波都幾興奮㗎！不過遇襯Road Block，差人見到我地幾條𡃁仔就必定要我地停低！
作者: 聰洛多薩比 時間: 25-10-2008 00:27
引用:
原帖由 actionkamen 於 24-10-2008 23:27 發表 我廿年前去澳門時曾經見過有部掛學牌車駛過，不過車內得個司機！何解呢？
個個係教車師父黎架...
其實係咁...
好多教車師父都係自僱人士黎既...
教車學校只係一個好似一間經紀公司咁...
真正教既係個d教車師父...
因為政府只係向教車學校發教學牌...
私人教車師父係唔可以自己就咁去教學生...
就要搵教車學校負責接學生...
又或者教車師父就會帶個學生去是但一間教車學校度入稟...
咁就要比佣...
有d學校就自己請人去教車...個d就唔同既...
而d師父就全部都係用自己車...
所以假面大哥咪會睇到咁既情況囉...
又或者可能係個師父偷懶卦...
作者: actionkamen 時間: 25-10-2008 00:32
引用:
原帖由 聰洛多薩比 於 25-10-2008 00:27 發表
個個係教車師父黎架...
其實係咁...
好多教車師父都係自僱人士黎既...
教車學校只係一個好似一間經紀公司咁...
真正教既係個d教車師父...
因為政府只係向教車學校發教學牌...
私人教車師父係唔 ...
原來如此，我當時仲以為學神係可以自己揸咁正！
作者: 海天堂 時間: 25-10-2008 00:44
引用:
原帖由 actionkamen 於 25-10-2008 00:22 發表 個次單拖駕駛真係驚驚㗎！貨車我就無揸過，幾個屋企有車嘅朋友當中，有個係用貨Van，用軚波都幾興奮㗎！不過遇襯Road Block，差人見到我地幾條𡃁仔就必定要我地停低！
見到軚波同你一樣感覺, 興奮!
最初以為差吾多啫,大家都係手波,會有幾難啫.
結果手忙腳亂,上斜開車時入錯後波兼隊倒後面架車花咗少少,
算係第一次小炒.聽到軚波都怕怕.
係囉! 講開又講, 有冇試過小炒或大炒 (大吉利事)!
吾好講啦!
作者: actionkamen 時間: 25-10-2008 00:48
引用:
原帖由 海天堂 於 25-10-2008 00:44 發表
見到軚波同你一樣感覺, 興奮!
最初以為差吾多啫,大家都係手波,會有幾難啫.
結果手忙腳亂,上斜開車時入錯後波兼隊倒後面架車花咗少少,
算係第一次小炒.聽到軚波都怕怕.
&n ...
Hi花人地部車就有，抄就未試過，我揸得幾隱陣！
作者: 聰洛多薩比 時間: 27-10-2008 18:14
引用:
原帖由 actionkamen 於 25-10-2008 00:48 發表 Hi花人地部車就有，抄就未試過，我揸得幾隱陣！
有時開車自己穩陣無乜用架...
人地唔穩陣就死啦...
我有d朋友都係因為人地開車亂黎撞埋佢度咋...
作者: TonyK 時間: 27-10-2008 19:27
就算唔渣部車, 都可以比人Hi 花.......
有一次我在停車場正想囉車, 點知旁邊部車既車門"bang"一聲好用力咁打開, "bang"落我部車度
咁我梗係好興想理論, 原來係個女人一手抱住個B, 一手開門, 哎..........
咁我又可以典呢???????
唯有扮大方"good"聲吞左拒 ...........
事後望吓車門凹左小小咁拉 ........
總之小心啦!
作者: 聰洛多薩比 時間: 27-10-2008 21:40
引用:
原帖由 TonyK 於 27-10-2008 19:27 發表 就算唔渣部車, 都可以比人Hi 花.......有一次我在停車場正想囉車, 點知旁邊部車既車門"bang"一聲好用力咁打開, "bang"落我部車度咁我梗係好興想理論, 原來係個女人一手抱住個B, 一手開門, 哎.......... 咁我又可 ...
o...真係唔知佢想點...
嬲又嬲唔落...
唉...............
又唔可以發惡...
唉..................
作者: actionkamen 時間: 28-10-2008 23:01
引用:
原帖由 聰洛多薩比 於 27-10-2008 18:14 發表
有時開車自己穩陣無乜用架...
人地唔穩陣就死啦...
我有d朋友都係因為人地開車亂黎撞埋佢度咋...
都係嘅，有次去停車場攞車發覺車門凹左，無仇報！
作者: 聰洛多薩比 時間: 29-10-2008 01:06
引用:
原帖由 actionkamen 於 28-10-2008 23:01 發表 都係嘅，有次去停車場攞車發覺車門凹左，無仇報！
係呀...有次我架車都係咁...
唉..................
同是天涯淪落人呀...
作者: TonyK 時間: 29-10-2008 17:32
係哩個時候我會支補油筆去幫我部 $7 掩飾一下...........
作者: 安佑 時間: 29-10-2008 21:03
引用:
原帖由 actionkamen 於 28-10-2008 23:01 發表
都係嘅，有次去停車場攞車發覺車門凹左，無仇報！
香港好多停車場都有 cctv 架喎
作者: actionkamen 時間: 29-10-2008 23:57
引用:
原帖由 安佑 於 29-10-2008 21:03 發表
香港好多停車場都有 cctv 架喎
都好多年前下咯，我都有十幾年無揸車！
作者: ULTRA2020 時間: 22-5-2011 16:00
我記得當年是在廣告公司開完通宵一早就要去大球場考牌，好彩一次就OK左 ! 
作者: 白鳥 時間: 24-5-2011 09:27
正苦加埋啲無謂兼愚蠢嘅稅收, 搞到我都要忍一忍唔出車住
作者: ULTRA2020 時間: 24-5-2011 11:41
引用:
原帖由 白鳥 於 24-5-2011 09:27 發表
正苦加埋啲無謂兼愚蠢嘅稅收, 搞到我都要忍一忍唔出車住
唔一定要買新車，雖然我知白鳥兄一定負擔得起 ~
作者: 白鳥 時間: 24-5-2011 17:25
引用:
原帖由 ULTRA2020 於 24-5-2011 11:41 發表 唔一定要買新車，雖然我知白鳥兄一定負擔得起 ~
作者: 不惑男 時間: 9-6-2011 10:01
響香港考私家車牌係小弟之惡噩。當時分筆試、中期試及路試。除了花錢、花時間還有大量心理壓力。最後也不知道花了多少錢及時間才考到！
| 歡迎光臨 經典日本特撮●動畫●卡通回憶 (http://oldcake.net./) |
Powered by Discuz! 6.0.0 |