咁又真係幾鬼瘀既...

唉........................

我就未試過比人玩...

因為無人敢惹我...

果次真係瘀到死, 後來再有選班長或風紀,一於報仇擺人上枱,

每次都提名後不投票,不過次次都無人中招,最少都有幾票,

報吾到仇.

聰兄:點解無人敢惹你?

因為我心地善良...

為人正直...

滿口仁義道德(好似講反話咁... )

好多朋友...

人緣不錯所以無人敢整我囉...

你即係以德服人啦, 高招!

不過好多時就係咁先比人整鬼或者擺上枱喎 ,

我就覺得要夠惡死先至無人敢洽啦.

咁當然唔止有咁啦...

以德服人就分...

好人型同豪俠型...

豪俠型就好似喬峰咁...又得人心又無人咁惹佢...

好人型就好似郭靖咁...初時比人烚...黃蓉仲蝦得佢多呢...

聰兄又分析得言之有理喎!
要做到豪俠型咁都重有啲可能,
但係要做到好似郭靖咁都好難喎?

敢問聰兄屬於邊一類型呢?
小弟經常比人洽想討教吓!

好明顯我係豪俠型啦...

要有實力先至可以立穩陣腳...

其實郭靖個一類既根本唔需要做...

係天生型...相反喬峰個一種係後天型...

唔同既...

其實唔想比人恰...

首要既係增加自己知識...

次係訓練自己既觀察力...

仲要鍛練自己既分析力...

當你有觀察能力同分析力...

就可以判斷到佢有無搵你笨...

有左知識...可以用唔同既藉口同道理推左佢...

不過想知...佢地點恰你呀???

聰兄就真係好有見地,差吾多比你點中曬我嘅死穴.
第一就係觀察力永遠都比人慢幾拍.
其次真係分析力低囉. 好多時心大心細揸吾定主意!
初時以為一味靠惡,點鬼知無人怕我.重比人兇返轉頭.
睇嚟要檢討吓!

佢地點樣恰我?
公司有豬頭骨都係比我梗,筍野次次都比人一早搶走,
連啲姐姐仔都係咁先攞命!
惡咩,次次比人投訴,一係比人擺上枱,結果又係要認衰仔.
對啲所謂好朋友好同事認真啲啦! 到頭來淨係識得揾着數.
唉!......好想轉過份工.
聽聰兄一夕話,勝讀萬年書! 勁!