引用:
原帖由 bs00001 於 18-8-2013 17:49 發表 
真係叫呢個名！自己無記性，完全無印象，只記得英文名係 Buck Rogers，感謝回覆！ 我其實已經對呢套嘢無咩記憶，只記得男主角型！女主角好正！同時間之神有關？兄弟快講故！
答案系控制時空及歷史的宇宙之神要換人, 而被選上的繼任人要在25世紀某個時空出現, 而到時負責帶佢去見現任時間之神的人,就選定由20世紀的畢諾加隊長擔任, 於是乎時間之神襯佢執行任務期間冷凍幾個世紀, 直至25世紀被外星公主發現, 先返落地球, 因為其間地球會發生核戰爭, 佢留在地球就唔可以完成任務! 不過其實當時佢已經被政府選左做無間度, 諗住太空任務後可以阻止核戰發生, 但陰差陽錯, 佢無返落黎, 搞到世界大戰, 劇集最後尾有段故事, 講佢做無間度時與敵人面談的錄影暴光, 佢就俾人當系判國賊公審, 終於在鷹人協助下, 逃到總統山(四個頭像)的密室, 回復政府高層要佢做無間度的記憶, 用技術放左出黎先變返清白! 而整套劇集最尾一集故事是由一個女逃犯引起. 事沿某星球因為發生中子彈戰爭, 後遺証是星球上男子及女子均變成得二個模樣, 以資識別, 星球領袖要球所有人戴上不同的面具以作分別, 且一生不得除下, 違令者死, 後來新一代領袖個仔同個女朋友梗系唔聽話, 除佐個面具咀咀, 結果被人發現, 男的失足跌死, 女的就成為疑兇逃走上畢隊長的船, 星球領袖要求交出女疑兇, 否則殺晒所有人, 結果有d地球人怕死, 未經隊長同意, 夾梗交左個女疑兇出去, 後來目擊成件事的星球領袖的小兒子說出實情, 星球領袖叫所有人除下面罩, 解開迷團, 亦放走佢個仔的女友及畢隊長等人, 畢隊長臨出字幕前, 大致上系講做人不可太自私, 先至可以在宇宙中生存的道理.
當年為畢諾加隊長及無敵鐵金剛岳史狄上校配音的是同一人(即IQ博士把聲), 加上兩人外貌有d似, 所以好多人搞錯以為系同一人!
