|
小餅迷
|
46#
大 中
小 發表於 15-9-2010 10:11 只看該作者
引用:原帖由 虎榮 於 26-12-2009 02:25 發表 
火葬在現今地小人多的環境可能就系最好o既方法!
講開假死, 我以前都聽d長輩講過, 佢地話以前有d大陸有錢人好鐘意食福壽膏(鴉片), 食得多有時會昏迷一段時間, 以前d人唔識分假死定真死, 於是乎就將佢地生葬 ...
可能係一日,或者幾個月,視乎食幾多而已.有D人以為假死=真死,就草草埋葬,但實際上終竟會醒來,當醒番時侯,就
真正身處棺材內,結果想掙扎既就出唔到來,加上入面太熱太焗,結果真係魂歸天國.
有時未必最後會變成殭屍,以前傳說係有...始終華人社會,例如香港、台灣盛行執骨,夠六、七年就開棺起骨,遷葬
金塔.一般而言正常係完全化骨為止...但係有一種係點化都化唔到,甚至毛髮指甲都生出來,咁就稱為蔭屍.咁蔭屍
對後代唔好,但畢竟成因有幾個:最主要係下葬之地係潮濕,其次係棺材用得太好,例如銅棺之類,因為棺材係木造既,
木係容易腐爛(留意下下葬幾年執骨既棺蓋,係已經枯木咁樣),當然,食防腐劑食物太多,都有此情況,只係好少有咁既
事情.
然而,西方社會,諸如美國,大多數人會土葬,因為地太多,而且多數棺材會較靚,加上西方人觀念唔似大陸,除非係遷葬
否則,一輩子都係葬響該處.西方唔同中國傳統,有好多野要Take Care,佢地唔太注重風水,所以就算有蔭屍,都係咁樣.
基於此點,假如將來自己做後事,都會火化.我係有此顧慮,以美國為例,加州有好多人因醫療保險太高昂,導致無錢求醫
你知美國不同香港,住醫院一日十幾萬,非人人可以負擔得起.就係因為隨時突然有病,無錢去醫,之後因失救致死.....我
唔會明白之後點樣,但係擔心萬一亂發死亡証明,草草下葬,道理同上,突然棺中復活,走又走唔到,結果變成枉死,再加上
無人遷葬,就算一百幾十年都唔會有人知道.
當然,或許想多o左啦,但願唔會成事實.
其次火葬,比土葬有好多好處.在風水問題,火葬係少於土葬,土葬唔光只有無蔭屍問題,而係關乎下葬地風水好唔好,例
如有人下葬,之後反而家道中落,好多直系親屬病死、生意失敗、瘋瘋癲癲等而家道中落,咁關乎風水問題,例如環境好
唔好、或者係墓碑設計,就算墳墓墓碑有條裂痕都好,簡單一樣野都影響好多運程.
火化係減少呢方面顧慮....再深入一句,我想身後事一切從簡,概不用乜乜繁文辱節,又唔希望大事鋪張.最好係殮房出殯
將屍體放入紙棺材,再直接運去火葬場火化.人生無錯,婚禮、喪禮唔想大事鋪張,果D只係做俾人睇而已.再講,火化起碼
唔需要浪費太多野,又無執骨麻煩,甚至唔介意,將骨灰造一條鍊,周圍帶去,幾好.
其實我想火化之後,骨灰可以響自己鐘意既地方,諸如公園,撒入泥土入面,再放種子,若干時日之後,就生成棵樹出來,一來
大樹=遮陰,二來就算自己死後,可以有有用既地方,何樂而不為?
|
